लुका 14:13 - पुर्वीय मगर

¹³ बरु नाकै ज्‍यामा-गामा कास्‍की आर्‌घानाङ, गरीब-डुखी, लुला-लङ्‍गडा र मीमीक माडाङ्‌च कोलाक आर्‌घानी।

लुका 14:13 ပူးပေါင်းရင်းမြစ်များ

मत्ती 15:30

भर्मीकुङ बाड्‍को भीड होसको लेठाङ राहा। होखुरीकै राक्‍च लङ्‍गडा, मीमीक माडाङ्‍च, लुला, ङाक्‍की माय्‍होक्‍च र अरु वास्‍टै छाचकोलाक होसकुङ मीकुवाङ डाम याहा, अनी होसकै होखुरीककी गेपाका।

मत्ती 22:10

होटै नोकरको चोकाङ नुङार डुप्‍च जटीकी, सेछ र मासेछ नीसकी न आर्‌घार राका र ब्‍याहौ इम पाहुनाकै न्‍हेपा।

लुका 11:41

नाखुरीक खाटा भीत्री हीले होसे यान्‍ही, होटै नाखुरीकुङ लागी पट्‍ट ठोक चोखो छान्‍ले।

लुका 14:12

होटै येशूये लाहाकी आर्‌घाच अगुवाकी र इट डेया, “नाकै ज्‍याकी आर्‌घानाङ, लहो भर्मीको, डाजेभाइ, कुटुम्‍ब र खेरेप लेच धनीकोलाक मट्‍टै माआर्‌घानी। होइन डेनाङ होखुरीकै नाकोकी र आर्‌घाम नाकै जाट्‍च गुन ल्‍हेट्‍न याल्‍हे।

लुका 14:14

होटै नाकै आसीस डुप्‍ले। हीजैडेनाङ होखुरीक खाटा हीर मालेचबाटै नाकै जाट्‍च गुन नाकोकी ल्‍हेट्‍की माय्‍होक्‍ले। टर धर्मीको फेरी पुनरुठान छान्‍नाङ नाकै होच्‍यौ इनाम डुप्‍ले।”

लुका 14:21

नोकर ल्‍हेस्‍न राहार मालीककी पट्‍ट न कुरा सेटाका। होटै इसे कुरा सेरखीङ इमुङ मालीक साफ्‍फी मीरीस ख्‍योछै लहो नोकरकी इट डेया, ‘सहरौ लाम र गल्‍ली-गल्‍लीयाङ छीटो नुङ्‍नी। होटै गरीबकोलाक, मीमीक माडाङ्‍च कोलाक, लुला-लङ्‍गडा कोलाक आर्‌घाम इला राक्‍नी।’”

प्रेरित 9:39

टब पत्रुस सोवार होखुरीक खाटा नुङा र टाछ बीट्‍टीकै पत्रुसकी होखुरीकै ढेम्‍च टलौ कोठाङ आल्‍हा। बीढुवाको पट्‍ट न पत्रुस छीनी टोङ्‍हार राप्‍चै डोरकास होखुरीक खाटा लेनाङ होचे खास्‍न डाच बढीनको टान्‍हाका।

१ टीमोठी 3:2

होटबाटै अगुवा छान्‍च भर्मी चहीँ सुयेर दोष लैडीकी माय्‍होक्‍च, काट मट्‍टै मास्‍टो ब्‍याहा जाट्‍च छान्‍की पर्‌ले। लहे लाहाकी स्‍थिर जाट्‍की य्‍होक्‍च, लहे लाहाकी न अढीनाङ डाकी य्‍होक्‍च, होसे अरुलकीङ सम्‍मान डुप्‍च, पाहुनाकी मान जाट्‍च र सेम्‍ह शिक्षा पाहाक्‍की य्‍होक्‍च छान्‍की पर्‌ले।

१ टीमोठी 5:10

होखुरीकै सेछ काम जाटार म्‍यार्‌मीन क्‍योस्‍च छान्‍की पर्‌ले। लहो मीजाकोलाक सेम्‍ह होरोक्‍च, र पाहुनाकोलाक मान जाट्‍च, परमेश्‍वरौ पवित्र भर्मीकुङ मीकु हुरार सेवा जाट्‍च, डुखवाङ पर्‌चकोलाक सहायटा जाट्‍च र सेछ कामाङ लहो मीमन लैडीच छान्‍की पर्‌ले।

टीटस 1:8

टर होसे अगुवा पाहुनाकी मान जाट्‍च, सेछ कामकी जाक्‍च, लहे लाहाकी बसाङ डाकी य्‍होक्‍च छान्‍की पर्‌ले, इमान्‍दारी, पवित्र, अनुसासीट छान्‍की पर्‌ले।