लुका 14:11 - पुर्वीय मगर

¹¹ हीजैडेनाङ लाहा न बाड्‍को छान्‍की पाचको पट्‍ट न मार्‌जा छान्‍ले। होटै लहे लाहाकी मार्‌जा खास्‍चको चहीँ बाड्‍को छान्‍ले।”

लुका 14:11 ပူးပေါင်းရင်းမြစ်များ

मत्ती 23:12

हीजैडेनाङ सुये लहाकी बाड्‍को खास्‍ले, होसे मार्‌जा छान्‍ले र सुये लहाकी मार्‌जा खास्‍ले, होसे बाड्‍को छान्‍ले।

लुका 1:51

होसकुङ शक्‍ति लेच मीहुटै घमन्‍डीकुङ बीचार कोलाक लठालीङ्‌ग खास्‍न याम्‍हे।

लुका 1:52

होसकै घमन्‍डी राजाकोलाक मेखुरीकुङ सिंहासन लकीङ झालाक्‍ङ याम्‍हने, टर नम्‍र कोलाक होसकै ढेनाम सोट्‍नने।

लुका 14:12

होटै येशूये लाहाकी आर्‌घाच अगुवाकी र इट डेया, “नाकै ज्‍याकी आर्‌घानाङ, लहो भर्मीको, डाजेभाइ, कुटुम्‍ब र खेरेप लेच धनीकोलाक मट्‍टै माआर्‌घानी। होइन डेनाङ होखुरीकै नाकोकी र आर्‌घाम नाकै जाट्‍च गुन ल्‍हेट्‍न याल्‍हे।

लुका 18:14

होटै येशूये डेया, “ङा नाखुरीककी डेले, होसे फरीसी डेनाङ बरु कर सोट्‍च भर्मी चहीँ परमेश्‍वरौ म्‍याहासाङ धर्मी ठहरीसार लहो इमाङ ल्‍हेसा। सुये लाहाकी माजा खास्‍ले, होसे बाड्‍को छान्‍ले टर सुये लाहाकी बाड्‍को खास्‍ले होसे माजा छान्‍ले।”

याकुब 1:9

गरीब अवस्‍ठाङ लेच विश्‍वासी डाजेभाइको र डै बहीनीको, जब परमेश्‍वरै नाखुरीककी मान सम्‍मान याल्‍हे, होडीक बेला नाखुरीक मार्‍हाङ्‍नी।

याकुब 4:10

प्रभुओ म्‍याहासाङ लाहाकी नम्र खास्‍नी, र होसकै नाखुरीककी ढेनाम गाराङ्‍ले।

याकुब 4:6

टर कानकी परमेश्‍वरै अझै वास्‍टै अनुग्रह याल्‍हे। होटबाटै धर्मशास्‍त्राङ इट डेयार रीक्‍ङने, “परमेश्‍वरै घमन्‍डीकुङ विरोध जाट्‍ले टर नम्रकोमीटाक प्रसस्‍त खाटा अनुग्रह जाट्‍ले।”

१ पट्‍रुस 5:5

मण्‍डलीयुङ अगुवाकुङ अधिनाङ ङुनी। अनी नम्‍र छानार नाखुरीक पट्‍टकै काटै-काटौ सेवा जाट्‍नी। हीजैडेनाङ धर्मशास्‍त्राङ रीक्‍ङ ने, “परमेश्‍वरै घमन्‍डीकोलाक विरोध जाट्‍ले, टर नम्रकोलाक अनुग्रह जाट्‍ले।”

१ पट्‍रुस 5:6

होटबाटै परमेश्‍वरौ शक्‍तिसाली मीहुट म्‍होकी लहे लाहाकी नम्‍र खास्‍नी, र होसकै ठीक समयाङ नाखुरीककी ढेनाम गाराङ्‍ले।