लुका 13:34 - पुर्वीय मगर

³⁴ “ए यरूशलेम! नीये अगमवक्‍ताकोलाक साट्‍ले। होटै नाङ लेठाङ बीर्‌न्‍हकाच अगमवक्‍ताकोलाक ल्‍हुङ ङापार हीड्‍कीले। कुटजाट्‍न गोमानै लहो मीजा कोलाक मीखार भीत्री हुपार भेला पार्‌ले, होटजाट्‍न न ङै कुडीक खेप नुओ बालखकोलाक भेला पार्‌च मीमन जाटा, टर नाङ मामन्‍डीया।

लुका 13:34 ပူးပေါင်းရင်းမြစ်များ

मत्ती 22:3

अनी होचे ब्‍याहा भोजौ लागी निम्‍तो डुप्‍च कोलाक आर्‌घाकी लहो नोकरकोलाक बीर्‌न्‍हका, टर होखुरीक राखी मामन्‍डीया।

मत्ती 22:6

अरु बाँकी लेचकै चहीँ राजौ नोकरकोलाक घोवार मास्‍च व्‍यवहार जाटा, अनी साट्‍न याहा।

लुका 15:28

टर होसे सार्‍है मीरीस ख्‍योव्‍हा, होटै इमाङ पर्‌की न मामन्‍डीया। होटबाटै बोइ राहार होसकी होम्‍की ठाला।”

लुका 19:44

होटै नाङ र नाङ भीत्री लेच मीजाकोलाक साट्‍न याल्‍हे। होखुरीकै काट ल्‍हुङ टकी अर्‌को ल्‍हुङ्‍की र बाँकी माडास्‍ले। हीजैडेनाङ परमेश्‍वरै नाङ्‍की जीवाक्‍की डेम राछ समयकी नीये माचीन्‍डीया।”

लुका 23:28

होखुरीक पट्‍टी ल्‍हेसार येशूये डेया, “ए यरूशलेमौ मास्‍टो मीजाको, नाखुरीक ङौ लागी माराप्‍नी। टर नाखुरीक लहो लागी र मीजाकुङ लागी राप्‍नी।

प्रेरित 7:52

र अगमवक्‍ताको मढ्‍याङ कुसे चहीँकी नाखुरीकुङ बोइ-बाज्‍युकै मासटडीम्‍या र? होखुरीकै परमेश्‍वरौ पवित्र जन राम्‍हन ले डेम अघीलकीङ न घोसना जाट्‍च अगमवक्‍ताकोलाक समेट साटा। अनी नाखुरीकै राछ पवित्र जनकी ढोका याहार साटा। अब नाखुरीक चहीँ होसकुङ ज्‍यानमारा छान्‍ले।

प्रेरित 7:59

इटजाट्‍न होखुरीकै स्‍तिफनसकी ल्‍हुङ ङाप्‍चै हीर्‌कडीम न लेया, अनी होचे प्रार्थना जाटा, “ए प्रभु येशू, ङौ आत्‍माकी ग्रहण जाट्‍न यान्‍ही।”

प्रेरित 8:1

स्‍तिफनसकी साट्‍नाङ साउल र खाट्‍नन्‍या। होसे डीनलकीङ न यरूशलेमाङ लेच मण्‍डलीयो विरोधाङ बाड्‍को सटावट सुरु छाना। प्रेरितको बाहेक अरु चेलाको पट्‍ट न भोग्‍डीसार यहूदिया र सामरीया इलाका पट्‍टी छरपस्‍ट छाना।