लुका 12:32 - पुर्वीय मगर

³² येशूये चेलाकोलाक डेया, “ए मार्‌जा बगाल, माबीर्‍हीनी! हीजैडेनाङ परमेश्‍वर बोये मेखोल्‍हौ राज्‍यौ अधिकार नाखुरीककी याखी डेम मार्‍हाङ्‍नने।

लुका 12:32 ပူးပေါင်းရင်းမြစ်များ

मत्ती 14:27

टर तुरुन्‍तै येशूये होखुरीककी डेया, “माबीर्‍हीनी, ङा न हो, साहास जाट्‍नी।”

मत्ती 20:16

येशूये डेया, “इटजाट्‍न न न्‍हुङ्‍लाकुङ पहीला र पहीलुङको न्‍हुङ्‍लाक छान्‍ले।”

मत्ती 25:34

टब राजै लहो डोरमीहुट पटीयुङ कोलाक डेले, ‘रान्‍ही, होसकुङ बोइ लकीङ आसीस डुप्‍च भर्मीको! संसारौ सृष्‍टि लकीङ न नाखुरीकुङ लागी तयार जाट्‍च राज्‍यकी अधिकार जाट्‍नी।

मत्ती 7:15

“झुटा अगमवक्‍ताको लकीङ होसीयार छान्‍नी। होखुरीक चहीँ भेडै ल्‍याक्‍च न रुप लार राल्‍हे, टर भीत्री चहीँ बीर्‍हीमसेच सीलाको ल्‍याक्‍च न छान्‍ले।

लुका 10:21

होटै होडीक न बेला येशू पवित्र आत्‍मा लकीङ न्‍हेपार मार्‍हाङ्‍चै डेया, “हे बोइ, स्‍वर्ग र पृथ्‍वीयो परमप्रभु, ङा नाकोकी धन्‍यवाद याल्‍हे, हीजैडेनाङ बुद्धि लेचको र वार्‌छको लकीङ आर्‌च्‍युकार डाच कुरा नाकै हीर माव्‍हार्‌च कोलाक बुझडीम याहा! हे बोइ, नाकोकी इट जाट्‍की न सेम्‍ह सेया।”

युहन्‍ना 18:36

येशूये डेया, “ङौ राज्‍य इसे संसारुङ होइन। इडीक इसे संसारुङ हो डेनाङ च ङौ चेलाको ङाकी यहूदीको लकीङ जीवाटाक्‍की होखुरीक खाटा पुन्‍छ लेया। टर ङौ राज्‍य इसे संसारुङ होइन।”

प्रेरित 20:28

नाखुरीक लहो लागी र लहो पट्‍ट न बगालौ लागी होसीयार छान्‍नी। पवित्र आत्‍मै नाखुरीककी बगालौ जीम्‍मेवारी खास्‍चबाटै परमेश्‍वरै लहो न मीजौ य्‍हुये लोच मण्‍डलीकी नाखुरीकै सेम्‍ह ङोस्‍की।

प्रेरित 20:29

हीजैडेनाङ ङाकी थाहा ले, ङा नुङ्‍च न्‍हुइङ बीर्‍हीमसेच ब्‍वाँसाको नाखुरीकुङ मीघ्‍याङ पर्‌ले, होखुरीकै बगालकी डुख याखी माडास्‍ले।

२ ठेसलोनीकी 1:11

होटबाटै परमेश्‍वरै कुसे जीवनौ लागी नाखुरीककी आर्‌घामे, होच्‍यौ योग्‍य खास्‍की र होसकुङ शक्‍तिये सेछ जाट्‍च इच्‍छा र विश्‍वासौ काम पुरा जाट्‍की साहायटा जाट्‍ख्‍यौ डेयार कान नाखुरीकुङ लागी सधैँ प्रार्थना जाट्‍ले।

२ ठेसलोनीकी 1:5

इसे पट्‍ट न कुरै नाखुरीककी परमेश्‍वरौ राज्‍यौ योग्‍य ठहरीच परमेश्‍वरै न्‍याय जाट्‍ले डेच साक्षी हो। होटबाटै नाखुरीकै होसे न राज्‍यौ कारन डुख र भोक्‍डीम न ले।

याकुब 2:5

ङौ विश्‍वासी डाजेभाइको र डै बहीनीको सेनी! ही परमेश्‍वरै संसाराङ लेच गरीब भर्मीकोलाक विश्‍वासाङ धनी खास्‍की र प्रतिज्ञा जाट्‍च राज्‍य होसकोकी प्रेम जाट्‍चकोलाक याखी डेयार चुन्‍डीच होइन र?

२ पट्‍रुस 1:11

होटजाट्‍न न कानुङ प्रभु र मुक्‍ति याछ येशू ख्रीष्‍टौ सधैँभरी ङुम-ङुच राज्‍याङ नाखुरीकै पर्च हक डुप्‍ले।