लुका 12:18 - पुर्वीय मगर

¹⁸ होचे आर्‌मीटा ङा इट जाट्‍ले, इसे मा-मार्‌जा ढुकुटी कोलाक भट्‍कडीयार झन बा-बाड्‍को खास्‍ले। होटै ङौ पट्‍ट न अन्‍न र माल मट्‍टाको होला डाले।”

लुका 12:18 ပူးပေါင်းရင်းမြစ်များ

मत्ती 6:26

सर्‌घाङ भुर्‌च ग्‍वाजाकोलाक ङोस्‍नी। होखुरीकै छोयो र माभेरेट्‍ले, अन्‍न र माचेले, अनी ढुकुटीयाङ र माठन्‍कडीले। टर नाखुरीकुङ स्‍वर्गाङ लेच बोये होखुरीककी कास्‍ले। होसे ग्‍वाजाको डेनाङ नाखुरीक ढेरै मोलुङ माले र?

लुका 12:17

होटै होचे मीमनाङ डेया, ‘ङौ अन्‍न डाच ठाउँ र माओल्‍हा, अब ङा ही जाटीङ?’

लुका 12:19

ङा ङाल्‍हौ प्राणकी डेले, “नाङ्‍की वास्‍टै वर्षकी ओल्‍छ सम्‍पत्ति ठुपारीस्‍नने। सुख खाटा ज्‍यौ, गौ होटै मार्‍हाङो।”

लुका 12:21

इसे कुरा डेम भ्‍याच न्‍हुइङ येशूये डेया, “लहो लागी धन सम्‍पत्ति भेला जाट्‍च, टर परमेश्‍वरौ नजराङ धनी माछान्‍च भर्मीकोलाक याङ्‍च न छान्‍ले।”

लुका 12:24

काग कोलाक ङोस्‍नी! होखुरीकै माभेरेट्‍ले र अन्‍न र माबटलीले। होखुरीकुङ ढुकुटी र माले। होट छान्‍नाङ र परमेश्‍वरै होखुरीककी कास्‍नने। नाखुरीक च ग्‍वाजाको डेनाङ वास्‍टै मुल्‍यौ ले।

लुका 18:4

कालाप डीन सम्‍म च होचे बीढुवौ कुरा न मासेया। टर न्‍हुइङ होचे लहो मीमनाङ डेया, ‘लेकीयो लागी च ङा परमेश्‍वर खाटा र माबीर्‍हीले, भर्मीकोलाक र वास्‍टा माजाट्‍ले।

लुका 18:6

होटै प्रभुये डेया, “सेनी, होसे मासेछ अधर्मी न्‍यायाधीशै ही डेमे?

याकुब 3:15

याङ्‍च बुद्धि ढेनाम परमेश्‍वर लकीङ राछ होइन, इसे च संसार र शरीर लकीङ हो, अनी सैटान लकीङ राछ हो।

याकुब 4:13

“छीनीङ वा पीउर्‍हाक काल्‍हा कुसेर काट सहराङ आनुङै र होला काट वर्ष ङुवार ब्‍यापार आजाटै अनी धन आकमडीये” डेच नाखुरीकै ङौ कुरा सेनी।

याकुब 4:15

नाखुरीकै इच्यौ सट्‍ठाङ च इट डेकी पर्च हो, “इडीक प्रभुओ इच्‍छा छाना डेनाङ काल्‍हाको जीवार इट जाटीङ होट जाटीङ।”