लुका 12:11 - पुर्वीय मगर

¹¹ “नाखुरीककी भर्मीकै घोवार यहूदिकुङ सभा ङुच इम-इमाङ, हाकीम र शासन जाट्‍चकुङ म्‍याहासाङ आल्‍ल्‍हे। होडीक बेला नाखुरीकै कुटजाट्‍न जबाफ याखी र ही डेकी पर्‌ले डेम चीन्‍टा माजाट्‍नी।

लुका 12:11 ပူးပေါင်းရင်းမြစ်များ

मत्ती 23:34

होटबाटै ङा नाखुरीक लेठाङ अगमवक्‍ताको, बुद्धिमान भर्मीको र धर्मगुरुको बीर्‌न्‍हकाले। होखुरीक मध्‍याङ कुडीक जनाकी नाखुरीकै साट्‍ले र क्रूसाङ टङ्‍गडीले, अनी कुडीक जनाकी यहूदीकुङ सभाङुच इमकोवाङ कोर्‌रा ङाप्‍ले, र काट सहर लकीङ अर्‌को सहर सम्‍म सटडीले।

मत्ती 6:25

“होटबाटै ङा नाखुरीककी डेले, ‘ही जीङ, ही गइङ’ डेम जीवनौ लागी र ‘ही बील्‍हीङ’ डेम लहो शरीरौ लागी चीन्‍टा माजाट्‍नी। ही जीवन ज्‍याच कुरा डेनाङ र जीवाङ बील्‍छ बढीनको डेनाङ र बाड्‍को होइन र?

मत्ती 6:27

नाखुरीक मध्‍याङ सुये सुर्‌टा जाटार लहो आयुवाङ काट घन्‍ट र ठप्‍डीकी य्‍होक्‍ले र?

मत्ती 6:28

“हीजै बील्‍छ बढीनौ लागी नाखुरीक चीन्‍टा जाट्‍च? जङ्‍गलुङ लीली सार्‌की ङोस्‍नी, होसे कुटजाट्‍न ल्‍होङ्‍ले। होखुरीकै न ट काम जाट्‍ले, न ट बढीन न जाल्‍हे।

मत्ती 6:31

“होटबाटै ही जीङ, ही गइङ, र ही बील्‍हीङ डेम चीन्‍टा माजाट्‍नी।

मत्ती 6:34

होटबाटै पीउर्‍हाकौ लागी चीन्‍टा माजाट्‍नी, पीउर्‍हाकौ डीनै न लहो चीन्‍टा जाट्‍ले। छीनीयुङ चीन्‍टा छीनीयुङ लागी न ओल्‍न्‍हने।”

लुका 12:22

होटै न्‍हुइङ येशूये चेलाकोलाक इट डेया, “इटबाटै ङा नाखुरीककी डेले, जीवाकी मट्‍टै डेम ही जीङ, ही बील्‍हीङ डेम सुर्‌टा मालानी।