लुका 12:1 - पुर्वीय मगर

¹ होला हील्‍की माय्‍होक्‍ङ वास्‍टै भर्मीको ढुसा-ढुस जाट्‍चै भेला छानन्‍या। होटै येशूये पहीला लहो चेलाकोलाक इट डेया, “नाखुरीक फरीसीकुङ कपटी ब्‍यहोरा लकीङ जोगोडीस्‍नी। होसे कपट चहीँ खमीर ल्याक्च न हो।

लुका 12:1 ပူးပေါင်းရင်းမြစ်များ

लुका 11:44

नाखुरीककी ढीक्‍कार! हीजैडेनाङ नाखुरीक माडाङ्‍च चीहानको ल्याक्च न ले। भर्मीको होसे मीटाक व्‍हाच ख्‍याल न माछान्‍ले।”

लुका 12:56

ए, कपटीको! पृथ्‍वी र सर्‌घाकी ङोसार नामास राल्‍हे की माराल्‍हे डेम वार्‌खी च य्‍होक्‍ले, टर इसे समयाङ छान्‍न राछ घटनौ चीन्‍ह चहीँ हीजै मावार्‌ल्‍हे?

लुका 5:1

कायाक प्रभु येशू गनेसरेतुङ टाल छेवाङ टोङ्‌ह ङुम्‍या। वास्‍टै भर्मीको चहीँ परमेश्‍वरौ बचन सेकी डेम ढुसा-ढुस जाट्‍न न लेया।

लुका 5:15

होस्‍नीक लकीङ येशूओ चर्‌चा झन फैलडीस्‍चै नुङा। होटै होसकुङ शिक्षा सेकी र लाहा लहो रोग लकीङ गेप्‍की डेम वास्‍टै भर्मीको राखी ठाला।

लुका 6:17

होटै येशू र प्रेरितको डाँडा लकीङ म्‍हाका झाल्‍न चउराङ टार्‍हा। होला होसकुङ चेलाकुङ बाड्‍को भीड लेया, यहूदिया र यरूशलेम सहर होटै समुन्‍द्रौ छेवाङ पर्च टुरोस र सीदोन सहरको लकीङ वास्‍टै भर्मीको होला भेला छानन्‍या।

प्रेरित 21:20

इसे कुरा सेयार होखुरीकै परमेश्‍वरौ महीमा जाटा। टब होखुरीकै पावलकी डेया, “ङोस्‍नी भाइ, यहूदीकुङ मीघ्‍याङ विश्‍वास जाट्‍चको हजारौ ले, र मोशौ व्‍यवस्‍थुङ कुराङ र होखुरीक पट्‍टकै कडा खाटा मन्‍डीमने।

याकुब 3:17

टर ढेनाम स्‍वर्गलकीङ राछ बुद्धि चहीँ शुद्ध छान्‍ले, शान्‍ति याछ, सोझो र खाट्‍चजा छान्‍ले। याङ्‍च बुद्धि दयालु छान्‍ले, र सेछ कामौ मीस्‍या स्‍याटाक्‍ले। इसे पक्षपाती र कपटी माछान्‍ले।

१ पट्‍रुस 2:1

होटबाटै पट्‍ट न दुष्‍ट कुराको लकीङ, पट्‍ट न छल-कपट, डाहा र अरुकुङ बडनाम जाट्‍च भर्मीको लकीङ नाखुरीक लोस ङुनी।