लुका 11:39 - पुर्वीय मगर

³⁹ होटै प्रभुये फरीसीकी डेया, “नाखुरीक फरीसीको ठाल बेला च बाहीर सेम्‍हजा ठुटार हुर्‌ले, टर नाखुरीकुङ भीत्री मीमन चहीँ लोभ र मासेछ कुराकै न्‍हेप्‍च छान्‍ले।

लुका 11:39 ပူးပေါင်းရင်းမြစ်များ

मत्ती 15:19

हीजैडेनाङ मीमन लकीङ न मास्‍च विचार, भर्मी साट्‍की, व्‍यभिचार जाट्‍की, बेस्‍याको लेठाङ नुङ्‍की, खुसकी, झुटो गबाही याखी, निन्‍दा जाट्‍की ल्‍याक्‍च कुराको ख्‍योल्‍हे।

मत्ती 7:15

“झुटा अगमवक्‍ताको लकीङ होसीयार छान्‍नी। होखुरीक चहीँ भेडै ल्‍याक्‍च न रुप लार राल्‍हे, टर भीत्री चहीँ बीर्‍हीमसेच सीलाको ल्‍याक्‍च न छान्‍ले।

लुका 16:15

होटै येशूये होखुरीककी इट डेया, “नाखुरीक भर्मीकुङ म्‍याहासाङ लाहाकी धर्मी खास्‍की च पाले, टर परमेश्‍वरै नाखुरीकुङ मीमन की वार्‌ल्‍हे। हीजैडेनाङ भर्मीकै ही की बाड्‍को खास्‍नने, परमेश्‍वरौ म्‍याहासाङ होसे झीर्‌न सेच छान्‍ले।

लुका 7:13

प्रभुये बीढुवौ डुख डाङार रोचै डेया, “नाको माराप्‍नी!”

लुका 7:19

होटै आसकै मेखोल्‍हौ नीस जना चेलाकोलाक आर्‌घाम प्रभु येशू लेठाङ इट डेम गीन्‍की बीर्‌न्‍हका, “कानै आसा जाट्‍च मुक्‍ति याछ राजा नाको न हो की कानै अरुओ न लाम ङोसीङ?”

युहन्‍ना 12:6

होचे साँच्‍ची न गरीबकोलाक माया जाटार डेच होइन, हीजैडेनाङ होसे खुस लेया। पैसौ ठैली होसकी लाकी याम्‍हन्‍या र होचे होटै पैसा डोन्‍च जाट्‍नन्‍या।

युहन्‍ना 13:2

येशू लहो चेलाकोखाटा नाबीलुङ ज्‍यामा ज्‍याच बेलाङ शैतानै सीमोन इस्‍करीयोटौ मीजा यहूदास इस्‍करीयोटौ मीमनाङ येशूकी घोवाक्‍ङ याछ बीचार अघीलकीङ न काम भ्‍यामन्‍या।

प्रेरित 5:3

पत्रुसै डेया, “ए हननीया, पवित्र आत्‍माकी ढाँट्‍डीच र य्‍हा आर्‌लाच पैसा चेक्‍जा लाहा खाटा डाच कुरा शैतानै कुटजाट्‍न नाकुङ मीमनाङ काम याहा?

२ टीमोठी 3:5

होखुरीक धर्मी च छान्‍च ल्‍हेस्‍ले टर साँचो शक्‍तिकी चहीँ इन्‍कार जाट्‍ले। याङ्‍च भर्मीकोलकीङ र नाको लोस ङुकी।

टीटस 1:15

रीदय शुद्ध लेच भर्मीकुङ लागी पट्‍ट ठोक शुद्ध ले, टर अशुद्ध रीडय लेच भर्मी र विश्‍वास माजाट्‍चकुङ लागी च कुसे ठोक र शुद्ध माछान्‍ले। हीजैडेनाङ होखुरीकुङ मीमन र बीबेक नीस न भ्रष्‍ट छान्‍च छान्‍ले।

याकुब 4:8

नाखुरीक परमेश्‍वरौ खेरेप रान्‍ही, अनी होसको र नाखुरीक खेरेप राल्‍हे। नाखुरीक पापीको, पाप जाट्‍की डास्‍नी! डोढार्‌या मीमन लेच भर्मीको, नाखुरीक लहौ मीमनकी चोखो खास्‍नी।