लुका 11:36 - पुर्वीय मगर

³⁶ इडीक नाकुङ जीउ ज्‍योतिये न्‍हेप्‍मने र छुम्‍छ माले डेनाङ, बट्‍टीये नाकोकी ट्‍याङ्‍छ यान्‍हाङ लेखा न नाकुङ जीओ पट्‍ट न भाकाङ ट्‍याङ्‍ल्‍हे।”

लुका 11:36 ပူးပေါင်းရင်းမြစ်များ

मत्ती 13:52

येशूये फेरी डेया, “होटबाटै स्‍वर्गौ राज्‍यौ बारेयाङ शिक्षा डुप्‍च पट्‍ट न धर्मगुरुको चहीँ इमुङ काट जना मीमुरुङ ल्‍याक्‍च न हो। होचे लहो ढुकुटीलकीङ नयाँ र पुरानो मुल्‍यवान सामानको बाहीर डोन्‍ले।”

मत्ती 5:15

र भर्मीकै बट्‍टी ढाकार पाठीये माहुप्‍ले, टर सामदानाङ डाले होटबाटै इमाङ लेच पट्‍ट न भर्मीकुङ लागी होचे ट्‍याङछ याल्‍हे।

लुका 11:35

होटबाटै होसीयार छान्‍नी, नाको खाटा लेच ट्‍याङ्‌छ छुम्‍छ माछान्‍ख्‍यौ।

लुका 11:37

येशूये इसे कुरा डेम भ्‍यारखीङ काट जना फरीसी भर्मीये होसकोकी लहो इमाङ ज्‍यामा गामा जाट्‍की डेयार आर्‌घा। होटै नुङार होसको ज्‍याकी डेम इम भीत्री पर्‌यार ङुवा।

याकुब 1:25

टर इडीक सुये भर्मीकोलाक छुट्‍कारा याछ शुद्ध व्‍यवस्‍थाकी सेयार माम्‍य्‍हाक्‍ले, र सेम्‍हजा ङोसार ढ्‍यान याल्‍हे अनी पालना जाट्‍ले, परमेश्‍वरै होसे भर्मीयो कामाङ आसीस याल्‍हे।

२ पट्‍रुस 3:18

टर कानुङ प्रभु र मुक्‍ति याछ येशू ख्रीष्‍टौ अनुग्रह र ज्ञानाङ ल्‍होङ्‍चै नुङ्‍नी। चाहाँ र सधैँभरी होसकुङ न महीमा छान्‍ख्‍यौ। आमेन!