लुका 11:13 - पुर्वीय मगर

¹³ नाखुरीक दुष्‍ट छानार च लहो मीजा कोलाक मजुङ ठोकको याखी वार्‌ल्‍हे डेनाङ झन स्‍वर्गाङ लेच नाखुरीकुङ बोये कुडीक वास्‍टै पवित्र आत्‍मा याल्‍हे।”

लुका 11:13 ပူးပေါင်းရင်းမြစ်များ

मत्ती 5:16

होटजाट्‍न न नाखुरीकुङ ज्‍योति भर्मीकुङ मीहासाङ चम्‍कडीस्‍ख्‍यो, र होखुरीकै नाखुरीकुङ सेछ कामको डाङ्‍ख्‍यो, अनी स्‍वर्गाङ लेच नाखुरीकुङ बोयो महीमा जाट्‍ख्‍यो।

मत्ती 5:45

इडीक नाखुरीकै याङ्‍च जाटा डेनाङ नाखुरीक स्‍वर्गाङ लेच बोयो मीजाको छान्‍ले। हीजैडेनाङ होसकै दुष्‍ट र असल नीसकी न नाखानौ खान्‍छ याल्‍हे, अनी धर्मी र पापी नीसकी न नामास राहाक्‍ङ याल्‍हे।

मत्ती 6:14

“इडीक नाखुरीकुङ विरुधाङ पाप जाट्‍चकोलाक नाखुरीकै क्षमा जाटा डेनाङ स्‍वर्गाङ लेच बोये र नाखुरीककी क्षमा जाट्‍ले।

मत्ती 6:30

ए अल्‍पविश्‍वासीको, छीनी लेच र पीउर्‍हाक म्‍हेयाङ लोछ घाँस र सार्‌की च परमेश्‍वरै इटजाट्‍न सीङ्‍गारीले डेनाङ, ही नाखुरीककी झन वास्‍टै जाट्‍न होसकै बढीन बील्‍हाक्‍ङ माय्‍हाले र?

मत्ती 6:32

हीजैडेनाङ अन्‍यजातिकै टी इसे पट्‍ट न ठोकको पाले ट, नाखुरीकुङ स्‍वर्गाङ लेच बोये चहीँ नाखुरीककी इसे पट्‍ट न ठोकौ खाँचो ले डेम वार्‌ल्‍हे।

मत्ती 7:11

होटबाटै नाखुरीक दुष्‍ट छानार च लहो मीजा कोलाक सेछ ठोकको याखी वार्‌ल्‍हे डेनाङ, झन स्‍वर्गाङ लेच नाखुरीकुङ बोये कुडीक वास्‍टै जाट्‍न होसकोखाटा ङेछकोलाक मजुङ ठोकको याल्‍हे।

लुका 11:12

अठबा मीर्‍हु ङेन्‍हाङ बीच्‍छी याल्‍हे र?

लुका 11:2

येशूये होखुरीककी डेया, “नाखुरीकै इटजाट्‍न प्रार्थना जाट्‍नी ए परमेश्‍वर बोइ, नाकुङ पवित्र म्‍यार्‌मीनौ आदर छान्‍ख्‍यो, नाकुङ राज्‍य राख्‍यो,

लुका 18:7

होटजाट्‍न न परमेश्‍वरै मेखोल्‍हाकी नाबीक नामसीन पुकारीच, लहे भाक्‍च भर्मीकोलाक अन्‍याय लकीङ माजोगडीले र? ही होसकै होखुरीककी साहायटा जाट्‍की ढीलो जाट्‍ले र?

युहन्‍ना 4:10

येशूये होसकी डेया, “इडीक नाकै परमेश्‍वरौ वरदान र नाकोखाटा डी ङेछ भर्मीकी चीन्‍डीच लेनाङ नाकै होसेखाटा ङेछ लेया, र होचे नाकोकी जीउँडो डी याछ लेया।”

प्रेरित 2:38

टब पत्रुसै होखुरीककी डेया, “नाखुरीक पट्‍टकै जाट्‍च पापौ क्षमा डुप्‍कीयो लागी लाहा-लहे जाट्‍च पापको डासार परमेश्‍वर पट्‍टी ल्‍हेस्‍नी, अनी येशू मुक्‍ति याछ ख्रीष्‍टौ म्‍यार्‌मीनाङ नाखुरीक पट्‍टकै बप्‍तिस्‍मा लानी। होस न्‍हुइङ नाखुरीकै परमेश्‍वरौ वरदान पवित्र आत्‍मा डुप्‍ले।

टीटस 3:3

हीजैडेनाङ कान र पहीला होङ्‍च न मुर्‌ख, डेच मागन्‍डीच र बरालीस्‍च लेया। मासेछ बीचारकै र पट्‍ट खालुङ मोज मज्‍जाकै कानकी कमारा खास्‍नन्‍या। कानकी र फोको भर्मीकै झीर्‌नन्‍या र कान र होखुरीककी झीर्‌च जाट्‍नन्‍या।