लुका 10:2 - पुर्वीय मगर

² होसकै होखुरीककी डेया, “सोट्‍की पर्च फसल च वास्‍टै ले, टर य्‍हामीको चेक्‍जा मट्‍टै ले। फसलौ प्रभुकी य्‍हामी बीर्‌न्‍हकानी डेम प्रार्थना जाट्‍नी, होटै आसकै लहो फसलाङ य्‍हामीको बीर्‌न्‍हकाख्‍यो।

लुका 10:2 ပူးပေါင်းရင်းမြစ်များ

मत्ती 20:1

“स्‍वर्गौ राज्‍य चहीँ याङ्‍च हो। कागोराक न काट जना बारीयो मीमुरुङ लहो अङ्‍गुर बारीयाङ काम लैडीकी भर्मी पाकी ख्‍योहा।

मर्कूस 13:34

“इसे च मालीकै लहो नोकरकोलाक इमुङ पट्‍ट न काम जाट्‍की डेयार जीम्‍मा याम्‍ह र पाल्‍याकी चङ्‍ख छानार ङोस्‍की डेम अर्‍हडीयार परडेस नुङ्‍च लेखान हो।

मर्कूस 16:15

होटै येशूये होखुरीककी डेया, “पट्‍ट संसाराङ नुङार पट्‍ट भर्मीयो जाट-जाटीकोलाक सेछ समाचार सेटाक्‍नी।

मर्कूस 16:20

होटै होसे चेलाकै नुङार पट्‍ट ठावाङ प्रचार जाटा। प्रभुये होखुरीकुङ साठाङ काम जाट्‍न न ङुवा र अचम्‍मौ चीन्‍हको लकीङ होखुरीकै ही प्रचार जाट्‍नन्‍या होसकै होसे सत्‍य ठहरीयाका।]

लुका 9:1

येशूये बार्‍ह जना चेलाकोलाक काठोव्हाङ न आर्‌घा होटै होखुरीककी पट्‍ट न दुष्‍ट आत्‍माको छ्‍युकार लगारीच, रोगको गेपाक्च शक्‍ति र अधिकार याहा।

प्रेरित 11:19

स्‍तिफनसकी साट्‍रखीङ यरूशलेमाङ सतावट छान्‍चबाटै होलुङ विश्‍वासीको पट्‍टलाक छरपस्‍ट छानार नुङा। होखुरीक फोनीके, साइप्रस र एन्‍टीओखीयासम्‍म टाहा टर अरु जातिकोलाक चहीँ होइन यहूदीकोलाक मट्‍टै बचन प्रचार जाटा।

प्रेरित 13:2

होखुरीक प्रभुओ आराधना जाट्‍चै उपवास ङुच बेलाङ पवित्र आत्‍मै डेया, “ङौ लागी बारनाबास र साउलकी भाक्‍नी हीजैडेनाङ जुन कामौ लागी ङै होखुरीककी आर्‌घामने।”

प्रेरित 13:4

इटजाट्‍न पवित्र आत्‍मै बीर्‌न्‍हकाचबाटै बारनाबास र साउल सीलुकीयाङ नुङा। होटै जहाजाङ काल्‍हार साइप्रस नुङा।

प्रेरित 20:28

नाखुरीक लहो लागी र लहो पट्‍ट न बगालौ लागी होसीयार छान्‍नी। पवित्र आत्‍मै नाखुरीककी बगालौ जीम्‍मेवारी खास्‍चबाटै परमेश्‍वरै लहो न मीजौ य्‍हुये लोच मण्‍डलीकी नाखुरीकै सेम्‍ह ङोस्‍की।

प्रेरित 22:21

अनी प्रभुये ङाकी डेया, ‘नुङ्‍ना, हीजैडेनाङ ङा नाङ्‍की अन्‍यजातिको लेठाङ लोस-लोससम्‍म बीर्‌न्‍हकाले।’”

प्रेरित 8:4

होसे छरपस्‍ट छान्‍च विश्‍वासीकै पट्‍टलाक नुङार बचन प्रचार जाटा।

१ ठेसलोनीकी 2:9

ङौ डाजेभाइको र डै बहीनीको, कानै जाट्‍च मेहनत नाखुरीकै आर्‌मीट्‍नने। कानै नाखुरीक सुकीर भार मापर्‌ख्‍यौ डेम नाबीक नाम्‍सीन काम जाट्‍न नाखुरीककी परमेश्‍वरौ सेछ समाचार सेटाका।

१ ठेसलोनीकी 5:12

ङौ डाजेभाइको र डै बहीनीको, कान नाखुरीककी बिन्‍ती जाट्‍ले, नाखुरीकुङ मीघ्‍याङ मीमन लैडीयार प्रभुओ काम जाट्‍च र नाखुरीककी चेटावनी याछ अगुवाकोलाक आदर जाट्‍नी।

२ ठेसलोनीकी 3:1

अन्‍टीमाङ डाजेभाइ र डै बहीनीको, नाखुरीकुङ मीघ्‍याङ छान्‍नाङ लेखा न प्रभुओ सेछ समाचार छीट्‍टो बड्‍डीस्‍ख्‍यौ, र इचे आदर डुप्‍ख्‍यौ डेयार कानुङ लागी प्रार्थना जाट्‍न यान्‍ही।

१ टीमोठी 4:10

होटबाटै कान सधैँ कडा मीहीनेट जाटार काम जाट्‍ले, हीजैडेनाङ कानुङ आशा जीउँडो परमेश्‍वराङ डामने, होसकै पट्‍ट न भर्मीकोलाक मुक्‍ति याखी य्‍होक्‍ले टर खास जाट्‍न होसको मीटाक विश्‍वास जाट्‍चकोलाक चहीँ हो।

२ टीमोठी 4:5

टर नाको चहीँ पट्‍ट न कुराङ सचेट छान्‍नी, डुख सोट्‍नी, सेछ समाचार सेटाक्‍च काम जाट्‍नी र लहे सेवा जाट्‍की डुप्‍च काम पुरा जाट्‍नी।