लुका 10:17 - पुर्वीय मगर

¹⁷ येशूये बीर्‌न्‍हकाच बहट्‍टर जना चेलाको ल्‍हेस्‍न राहा। होटै मार्‍हाङ्‍चै डेया, “प्रभु, नाकुङ म्‍यार्‌मीनौ शक्‍तिये दुष्‍ट आत्‍माको र कानुङ अधिनाङ राहा।”

लुका 10:17 ပူးပေါင်းရင်းမြစ်များ

मत्ती 4:24

होटबाटै होसकै जाट्‍च सेछ कामौ बारेयाङ सीरीयाभरी फैलडीसा। भर्मीकै खाल खालुङ रोग लग्‍डीस्‍च, दुष्‍टआत्‍मै सटडीचको, छारेरोग, पक्षाघात छान्‍चको पट्‍टकी येशूलेठाङ राका र होसकै होखुरीक पट्‍टकी गेपाका।

मर्कूस 16:17

अनी विश्‍वास जाट्‍चको खाटा इसे चीन्‍हको छान्‍ले: ङौ म्‍यार्‌मीनाङ होखुरीकै भूत्‍को खेट्‍डीले र नयाँ भासाको ङाक्‍ले।

लुका 10:1

होस न्‍हुइङ प्रभु येशूये अरु सट्‍टरी जना चेलाको भाका। होटै लाहा नुङ्‍की पाच काट-काट सहर र लाङ्‍घा-लाङ्‌घाङ लाहा डेनाङ अगाडी होखुरीककी नीस-नीस जना खासार बीर्‌न्‍हका।

लुका 10:20

टर दुष्‍ट आत्‍माको नाखुरीकुङ अधिनाङ ले डेम मार्‍हाङ्‍च होइन। बरु लहो म्‍यार्‌मीन स्‍वर्गाङ रीक्‍ने डेयार मार्‍हाङ्‍नी।”

लुका 10:9

होला लेच छाच कोलाक गेपाक्‍नी, र होखुरीककी डेनी, ‘परमेश्‍वरौ राज्‍य नाखुरीकुङ खेरेप राम्‍ह भ्‍यामने।’

लुका 9:1

येशूये बार्‍ह जना चेलाकोलाक काठोव्हाङ न आर्‌घा होटै होखुरीककी पट्‍ट न दुष्‍ट आत्‍माको छ्‍युकार लगारीच, रोगको गेपाक्च शक्‍ति र अधिकार याहा।