युहन्‍ना 9:39 - पुर्वीय मगर

³⁹ होटै येशूये डेया, “मीमीक माडाङ्‍च अन्‍धा भर्मीकै डाङ्‍की य्‍होक्‍ख्‍यौ र डाङ्‍की य्‍होक्‍ले डेचको अन्‍धा छान्‍ख्‍यौ डेम ङा इसे संसाराङ न्‍याय जाट्‍की राछ हो।”

युहन्‍ना 9:39 ပူးပေါင်းရင်းမြစ်များ

मत्ती 11:5

मीमीक माडाङ्‍चकै डाङ्‍ङन ले, लङ्‍गडाको व्‍हामन ले, कुष्‍ठरोगीको गेप्‍मन ले, मेनेकेप मासेचकै सेमन ले, सीचको फेरी जीवाम सोमन ले र गरीबकै सेछ समाचार सेकी डुप्‍मन ले।

मत्ती 15:14

होखुरीककी डास्‍न यान्‍ही, होखुरीक मीमीक माडाङ्‍च अगुवाको ल्‍याक्‍च न हो। मीमीक माडाङ्‍चै मीमीक माडाङ्‍चकी न डोरीया डेनाङ, होखुरीक नीस न खाल्‍टाङ पर्‌ले।”

मत्ती 6:23

टर इडीक नाकुङ मीमीक मासेछ ले डेनाङ, नाकुङ पुरै शरीर न छुम्‍छ छान्‍ले। होटजाट्‍न न नाकु भीत्री लेच ट्‍याङ्‍छ चहीँ छुम्‍छ छाना डेनाङ, होसे छुम्‍छ झन कुडीक सार्‍हो छुम्‍ल्‍हे औँला!

लुका 1:79

छुम्‍ठाङ र मृत्‍युओ छायाङ ङुचकै ज्‍योति डुप्‍ले। होसे ज्‍योतिये न काल्‍हाकी शान्‍तियो लामाङ डोरीले।”

लुका 13:30

टर ङोस्‍नी, चाहाँ न्‍हुङ्‍लाक छान्‍चको अगाडी छान्‍ले, अनी चाहाँ अगाडी छान्‍चको चहीँ न्‍हुङ्‍लाक छान्‍ले।”

लुका 2:34

शिमियोनै होखुरीककी आसीस याहा, र होसकुङ मोइ मरीयमकी डेया, “ङोस्‍नी, इसे बालख इस्राएलाङ वास्‍टै भर्मीकुङ पटन र उठानौ नीम्‍टी र वास्‍टै लकीङ विरोधाङ ङाक्‍च काट चीन्‍हौ नीम्‍टी नीयुक्‍टी जाट्‍नने।

लुका 4:18

“परमप्रभुओ आत्‍मा ङा मीटाक ले। हीजैडेनाङ गरीबकोलाक सेछ समाचार सेटाक्‍की डेम होसकै ङाकी अभिषेक जाट्‍नने। बन्‍धनाङ लेच कोलाक फोसाक्‍की र मीमीक माडाङ्‌च कोलाक डाङ्‌च खास्‍की, ठीचोमीचोवाङ पर्च कोलाक स्‍वतन्‍त्र जाट्‍कीयो लागी,

लुका 7:21

होडीक न बेला येशूये वास्‍टै भर्मीकुङ रोग र दुष्‍ट आत्‍मा लक्‍डीस्‍च कोलाक गेपाक्‍ङ न लेया र मीमीक माडाङ्‍चको र डाङ्‍च छाना।

युहन्‍ना 12:31

अब इसे संसारकी न्‍याय जाट्‍च बेला छान्‍नने। अनी इसे संसारुङ सासक शैतानकी बाहीर लोल्‍हे।

युहन्‍ना 12:46

ङा मीटाक विश्‍वास जाट्‍चको सुर छुम्‍ठाङ ङुकी मापर्‌ख्‍यौ डेयार ङा इसे संसाराङ ज्‍योति छानार राछ हो।

युहन्‍ना 3:17

परमेश्‍वरै संसारुङ भर्मीकोलाक दोषी ठहरीकी डेयार लहो मीजाकी बीर्‌न्‍हकाच होइन, टर होखुरीककी जीवाक्‍की डेम बीर्‌न्‍हकाच हो।

युहन्‍ना 3:19

होखुरीककी दोष लैडीच कारन चहीँ इसे हो: ज्‍योति संसाराङ राम्‍हने, टर भर्मीकै ट्‍याङ्‍छकी डेनाङ बरु छुम्‍छकी जाका, हीजैडेनाङ होखुरीकुङ कामको दुष्‍ट लेया।

युहन्‍ना 8:12

येशूये फेरी भर्मीकोलाक डेया, “संसारुङ ज्‍योति ङा न हो। ङाकी डुट्‍चये सेन्‍र छुम्‍ठाङ व्‍हाकी मापर्‌ले, टर होचे जीवन याछ ज्‍योति डुप्‍ले।”

युहन्‍ना 8:15

नाखुरीक च भर्मीकुङ बीचार अनुसार न्‍याय जाट्‍ले। टर ङा चहीँ सुकीर न्‍याय माजाट्‍ले।

युहन्‍ना 9:25

होचे डेया, “होसको पापी होकी होइन, ङा मावार्‌ल्‍हे। ङा काट कुरा मट्‍टै वार्‌ल्‍हे ङा मीमीक माडाङ्‍च अन्‍धा लेया, टर चाहाँ डाङ्‌की य्‍होक्‍च छान्‍नने।”

प्रेरित 26:18

होखुरीकुङ मीमीक खोलीम याहार होखुरीककी छुम्‍छलकीङ ट्‌याङ्‌ठाङ र शैतानौ शक्‍तिलकीङ परमेश्‍वर पट्‍टी ल्‍हेसाक्‍की पर्‌ले। होखुरीकै ङा मीटाक विश्‍वास जाट्‍ले। होखुरीकुङ पाप मेटडीसार नुङ्‍ले र होखुरीकै परमेश्‍वरकी चीन्‍डीच भर्मीकुङ सङ्‍गटीयाङ ङुकी डुप्‍ले।’

२ ठेसलोनीकी 2:10

होचे नास छान्‍च जटी पट्‍टकी होच्‍यौ दुष्‍ट काम लकीङ छलीले हीजैडेनाङ होखुरीकै मुक्‍टी याछ सत्‍यकी माया जाट्‍की र होस अनुसार जीवाकी मीमन माजाटा।

१ पट्‍रुस 2:9

टर नाखुरीक च चुन्‍डीच भर्मीको, राजकीय पुजाहारीगीरी, पवित्र जाटी, नाखुरीककी अन्‍धकार लकीङ अचम्‍मौ ज्‍योटीयाङ राक्‍च परमेश्‍वरौ लहो न भर्मीको हो। होसकै नाखुरीककी होसकुङ अचम्‍मौ कामको प्रचार जाट्‍की भाक्‍च हो।

१ युहन्‍ना 2:11

टर लहो डाजेभाइको र डै बहीनीकोलाक हेला जाट्‍च चहीँ छुम्‍ठाङ छान्‍ले। अनी छुम्‍ठाङ व्‍हानाङ कुलाक नुङ्‍ङन ले, डेच कुरा होसकी थाहा माछान्‍ले, हीजैडेनाङ छुम्‍छये जाट्‍नाङ होसकी डाङ्‍की माय्‍होक्‍च खास्‍न भ्‍याच छान्‍ने।