युहन्‍ना 9:16 - पुर्वीय मगर

¹⁶ कुडीक जना फरीसीकै डेया, “होसे भर्मी परमेश्‍वरलकीङ राछ होइन, हीजैडेनाङ होचे म्‍हुङ बाट्‍च डीनाङ काम जाट्‍की माछान्‍ने डेच नीयमकी मामन्‍डीले।” टर अरुकै डेया, “पापी भर्मीये याङ्‍च अचम्‍मौ चीन्‍हओ काम जाट्‍की य्‍होक्‍ले र?” इटजाट्‍न होखुरीक मीघ्‍याङ फाटो छाना।

युहन्‍ना 9:16 ပူးပေါင်းရင်းမြစ်များ

मत्ती 12:10

होला काट जना मीहुट छोक्‍च भर्मी लेया। येशूकी दोष लैडीकी डेम अन्‍ट ङोसार फरीसीकै होसकोकी गीना, “व्‍यवस्‍था अनुसार म्‍हुङ बाट्‍च डीनाङ छाचकी गेपाक्‍की छान्‍ले की माछान्‍ले?”

मत्ती 12:2

इसे डाङार फरीसीकै येशूकी डेया, “ङोस्‍नी, नाकुङ चेलाको म्‍हुङ बाट्‍चनीक व्‍यवस्‍थै ही जाट्‍की माछान्ले डेमे होसे न जाट्‍ले।”

लुका 13:14

होसे मास्‍टोकी म्‍हुङ बाट्‍चनीक येशूये गेपाक्च डाङार सभा ङुच इमुङ शासक मीरीस ख्‍योव्‍हार भर्मीकोलाक इट डेया, “कानै काम जाट्‍की काट हप्‍टाङ छ याक ले। नाखुरीक छ याक भीत्रीयाङ राहार गेप्‍नी, म्‍हुङ बाट्‍च नीक होइन।”

युहन्‍ना 10:19

येशूये इसे कुरा डेच न्‍हुइङ, फेरी यहूदी अगुवाकुङ मीघ्‍याङ माखाटा।

युहन्‍ना 14:11

ङा बोइखाटा ले र बोइ ङाखाटा ले डेच कुरा विश्‍वास जाट्‍नी। नभा ङै जाट्‍च अचम्‍मौ कामको ङोसार ङाकी विश्‍वास जाट्‍नी।

युहन्‍ना 15:24

इडीक सुयेर माजाट्‍च अचम्‍मौ कामको ङै होखुरीकुङ मीघ्‍याङ माजाट्‍च लेनाङ होखुरीक पापौ दोषी माछान्‍च लेया। टर ङै जाट्‍च अचम्‍मौ कामको डाङार र होखुरीकै ङाकी र ङौ बोइकी समेट घृणा जाट्‍नने।

युहन्‍ना 2:11

येशूये जाट्‍च अचम्‍मौ चीन्‍हको मढ्‍याङ इसे पहीलो चीन्‍ह होसकै गालीलुङ काना सहराङ जाट्‍च हो। इटजाट्‍न होसकै लहो महीमा टान्‍हाका, र होसकुङ चेलाकै होसको मीटाक विश्‍वास जाटा।

युहन्‍ना 3:2

कायाक नाबीक होचे येशू लेठाङ राहार इट डेया, “ए गुरुज्‍यु, कान वार्‌ल्‍हे नाको परमेश्‍वरै बीर्‌न्‍हकाच शिक्षक हो। इडीक परमेश्‍वर नाकोखाटा माले डेनाङ च इसे नाकै जाट्‍च अचम्‍मौ चीन्‍हओ कामको सुयेर जाट्‍की माय्‍होक्‍ले।”

युहन्‍ना 5:10

होटबाटै यहूदी अगुवाकै होसे गेप्‍च भर्मीकी डेया, “छीनी च म्‍हुङ बाट्‍च याक हो, र इसे डीनाङ नाकै ओछ्‍यान बुवार व्‍हाकी कानुङ व्‍यवस्‍थौ विरुद्ध हो।”

युहन्‍ना 5:36

“टर ङाखाटा लेच गबाही युहन्‍नै याछ गबाही डेनाङ बाड्‍को ले। हीजैडेनाङ कुसे कामको पुरा जाट्‍की परमेश्‍वर बोये ङाकी याम्‍हने, होसे काम ङा जाट्‍न न ले, अनी होसे कामै न ङौ बारेयाङ गबाही याम्‍हन ले, र परमेश्‍वर बोये ङाकी बीर्‌न्‍हकाच हो डेम टान्‍हाक्‍ले।

युहन्‍ना 6:52

टब यहूदीको मेखुरीक-मेखुरीक बहस जाट्‍चै डेकी ठाला, “इसे भर्मीये कुटजाट्‍न कानकी मेन डेह ज्‍याकी याखी य्‍होक्‍ले?”

युहन्‍ना 7:12

भीडाङ वास्‍टै भर्मीकै येशूओ बारेयाङ कुरा जाट्‍की ठाला। कुडीकै डेमन्‍या, “होसे भर्मी सेछ ले।” टर अरुकै डेमन्‍या, “होइन, होचे च भर्मीकोलाक भरमाङ पार्‌न न ले।”

युहन्‍ना 7:23

मोशौ व्‍यवस्‍था भङ्‍ग माछान्‍ख्‍यो डेयार इडीक कुसेर लेन्‍जा जजौ म्‍हुङ बाट्‍चनीक खट्‍ना जाट्‍ले डेनाङ, ङै काट जना भर्मीकी म्‍हुङ बाट्‍चनीक पुरै गेपाका डेयार ही नाखुरीक ङाखाटा मीरीस ख्‍योल्‍हे?

युहन्‍ना 7:43

इटजाट्‍न येशूओ कारनै भर्मीकुङ मीघ्‍याङ फाटो छाना।

युहन्‍ना 9:24

यहूदी अगुवाकै होसकी फेरी अर्‌को खेप र आर्‌घार डेया, “परमेश्‍वरौ अगाडी सत्‍य कुरा ङाक्‍ले डेयार प्रतिज्ञा जाटो। कानकी थाहा ले, होसे भर्मी चहीँ पक्‍कै पापी हो।”

प्रेरित 14:4

टर होसे सहरुङ भर्मीकोवाङ फाटो छानार कुडीक जना यहूदीको पट्‍टी र कुडीक जना चहीँ प्रेरितको पट्‍टी छाना।