युहन्‍ना 8:55 - पुर्वीय मगर

⁵⁵ नाखुरीकै होसकोकी माचीन्‍डीमने, टर ङा चहीँ होसकोकी चीन्‍डीले। इडीक ङै होसकोकी माचीन्‍डीले डेले डेनाङ ङा र नाखुरीक लेखा न झुटो ठहरीस्‍ले। टर ङा होसकोकी चीन्‍डीले, र होसकै डेच कुरा मन्‍डीले।

युहन्‍ना 8:55 ပူးပေါင်းရင်းမြစ်များ

मत्ती 11:27

“पट्‍ट न ठोक ङौ बोये ङाकी जीम्‍मा याम्‍हने, बोये बाहेक मीजाकी अरु सुयेर माचीन्‍डीले, र मीजै बाहेक बोइकी सुयेर माचीन्‍डीले। अनी सु लेठाङ मीजै बोइकी टान्‍हाक्‍च इच्‍छा जाट्‍ले होचे चहीँ चीन्‍डीले।

लुका 10:22

“ङौ बोये ङाकी पट्‍ट कुराको जीम्‍मा याम्‍हे। बोये बाहेक मीजाकी सुयेर माचीन्‍डीले। बोइ सु आले डेम मीजै बाहेक सुयेर माचीन्‍डीले र मीजै बोइकी सु सुकी चीन्‍डीयाक्‍ले होसे भर्मीकै बाहेक सुयेर चीन्‍डीकी माय्‍होक्‍ले।”

युहन्‍ना 1:18

परमेश्‍वरकी सुयेर सेन्‍र माडाङ्‍ने। टर काट मट्‍टै मीजा होसको परमेश्‍वर हो होसको बोयौ खेरेप ले र होसकै न कानकी परमेश्‍वर चीन्‍डीयाक्‍ने।

युहन्‍ना 10:15

कुटजाट्‍न बोये ङाकी सेम्‍हजा चीन्‍डीले ङा र बोइकी सेम्‍हजा चीन्‍डीले। अनी ङा भेडाकुङ लागी ङाल्‍हौ प्राण र याल्‍हे।

युहन्‍ना 15:10

ङा ङौ बोयो आज्ञाको मन्‍डीयार बोयो मायाङ ङुले। होटजाट्‍न न इडीक नाखुरीकै ङौ आज्ञाको मन्‍डीया डेनाङ नाखुरीक र ङौ मायाङ ङुले।

युहन्‍ना 15:21

टर नाखुरीक ङौ छान्‍च बाटै भर्मीकै नाखुरीककी इसे पट्‍ट न कुरा जाट्‍ले, हीजैडेनाङ होखुरीकै ङाकी बीर्‌न्‍हकाचकी माचीन्‍डीले।

युहन्‍ना 16:3

परमेश्‍वर बोइकी र ङाकी माचीन्‍डीच बाटै न भर्मीकै नाखुरीककी इट जाट्‍च हो।

युहन्‍ना 17:25

“ए धार्मिक बोइ, संसारुङ भर्मीकै नाकोकी माचीन्‍डीले, टर ङा नाकोकी चीन्‍डीले, अनी नाकै ङाकी बीर्‌न्‍हकाच हो डेयार ङाकी डुट्‍चकै वार्‌ल्‍हे।

युहन्‍ना 6:46

बोइकी कुसे भर्मीये र माडाङ्‍ने, सु चहीँ परमेश्‍वर लकीङ राछ हो, होचे मट्‍टै बोइकी डाङ्‍नने।

युहन्‍ना 8:19

टब येशूकी होखुरीकै गीना, “नाकुङ बोइ चहीँ कुला ले ट?” येशूये होखुरीककी जवाफ याहा, “नाखुरीक न ट ङाकी चीन्‍डीले न ट ङौ बोइकी न चीन्‍डीले। इडीक नाखुरीकै ङाकी चीन्‍डी च लेनाङ ङौ बोइकी र चीन्‍डी च लेया।”

युहन्‍ना 8:29

ङाकी बीर्‌न्‍हकाच ङा खाटा न ले, होसकै ङाकी ङाल्‍हा काट न माडास्‍नने, हीजैडेनाङ ङा सढैँ होसकोकी खुसी पार्‌च काम जाट्‍ले।”

युहन्‍ना 8:44

नाखुरीक च नाखुरीकुङ बोइ शैतानौ सन्‍टानको हो, र नाखुरीकुङ बोयो इच्‍छा पुरा जाट्‍च नाखुरीकुङ मीमन ले। होसे च सुरुलकीङ न ज्‍यानमारा हो। र होचे सत्‍यकी घृणा जाट्‍ले, हीजैडेनाङ होसखाटा हीर सत्‍य माले। होचे मेन न स्‍वभाव अनुसार झुटो ङाक्‍ले। होसे झुटो हो र झुटौ न बोइ हो।

युहन्‍ना 8:51

ङा नाखुरीककी साँच्‍ची न डेले, ङौ शिक्षा मन्‍डीचको चहीँ सेन्‍र मासीले।”

युहन्‍ना 8:52

यहूदी अगुवाकै डेया, “अब कानकी पक्‍का थाहा छाना, नाङ्‍की भूत लक्‍डीस्‍च न हो। अब्राहाम सीया, अगमवक्‍ताको र सीया, टर नाङ डेले, ‘ङौ शिक्षा मन्‍डीचको सेन्‍र सीकी मापर्‌ले।’

प्रेरित 17:23

हीजैडेनाङ सहराङ छेर्‍हाछै नुङ्‍नाङ ङै नाखुरीकुङ पुजा जाट्‍च ठाउँको डाङा। अनी ङै काट याङ्‍च बेडी र डुपा होला, ‘माव्‍हार्‌छ डेबटौ लागी’ डेयार खोप्‍डीमेसा। होटबाटै माचीन्‍डीम न नाखुरीकै पुजा जाट्‍च होसे न डेबटौ बारेयाङ ङा छीनी नाखुरीकुङ मीघ्‍याङ घोसना जाट्‍ले।

१ युहन्‍ना 1:6

इडीक परमेश्‍वर खाटा कानुङ सङ्‍गटी ले डेयार चहीँ डेले टर छुम्‍ठाङ न व्‍हाले डेनाङ, कानै झुट ङाक्‍ले र सत्‍य कुराङ माव्‍हाले।

१ युहन्‍ना 2:22

अनी झुटो सु हो ट? येशू न मुक्‍ति याछ ख्रीष्‍ट हो डेच कुरा इन्‍कार जाट्‍च भर्मी न झुटो हो। होङ्‍च भर्मी न मुक्‍ति याछ ख्रीष्‍टौ विरोधी हो। होचे परमेश्‍वर बोइ र मीजा नीसकी न इन्‍कार जाट्‍ले।

१ युहन्‍ना 2:4

सुये “ङा परमेश्‍वरकी चीन्‍डीले” डेले, टर होसकुङ आज्ञाको मामन्‍डीले डेनाङ होसे झुटो हो, र होसे खाटा सत्‍य माछान्‍ले।

१ युहन्‍ना 5:10

होटबाटै सुये परमेश्‍वरौ मीजा मीटाक विश्‍वास जाट्‍ले, होचे परमेश्‍वरै डेच कुराङ विश्‍वास जाट्‍ले। टर परमेश्‍वराङ विश्‍वास माजाट्‍चये चहीँ होसकुङ साक्षीकी न झुटो खास्‍ले। हीजैडेनाङ परमेश्‍वरै लहो मीजौ बारेयाङ याछ साक्षीकी होचे विश्‍वास माजाट्‍ले।