युहन्‍ना 8:54 - पुर्वीय मगर

⁵⁴ येशूये डेया, “इडीक ङै ङाल्‍हौ न आदर जाटा डेनाङ ङौ आदर ब्‍यार्‌ठ छान्‍ने। ङाकी आदर जाट्‍की पाच ङौ बोइ ले, होसकोकी नाखुरीकै ‘होसको कानुङ परमेश्‍वर हो’ डेले।

युहन्‍ना 8:54 ပူးပေါင်းရင်းမြစ်များ

युहन्‍ना 17:1

इसे कुरा डेम भ्‍याच पछी येशूये स्‍वर्गपट्‍टी ङोसार डेया, “ए बोइ, अब समय राम्‍ह भ्‍यामने। नाकुङ मीजै नाकुङ महीमा टान्‍हाक्‍की य्‍होक्‍ख्‍यौ डेयार होसकी महीमा यान्‍ही।

युहन्‍ना 17:5

ए बोइ, संसार सृष्‍टि छान्‍की डेनाङ अघी नाकोखाटा लेनाङ ङौ कुसे महीमा लेया, अब होसे न महीमा नाकुङ म्‍याहासाङ डार ङाकी यान्‍ही।

युहन्‍ना 2:11

येशूये जाट्‍च अचम्‍मौ चीन्‍हको मढ्‍याङ इसे पहीलो चीन्‍ह होसकै गालीलुङ काना सहराङ जाट्‍च हो। इटजाट्‍न होसकै लहो महीमा टान्‍हाका, र होसकुङ चेलाकै होसको मीटाक विश्‍वास जाटा।

युहन्‍ना 5:41

“ङै भर्मीकै याछ प्रशंसा पाच होइन।

युहन्‍ना 7:18

लहो बीचार लकीङ ङाक्‍चये चहीँ लहो न आदर पाले, टर लाहाकी बीर्‌न्‍हकाचौ आदर पाच भर्मी चहीँ सत्‍य हो, होसे खाटा छल माछान्‍ले।

युहन्‍ना 7:39

इसे कुरा चहीँ येशूये पवित्र आट्‍मौ बारेयाङ डेमन्‍या, होसको मीटाक विश्‍वास जाट्‍चकै जटी होसे पवित्र आत्‍मा डुप्‍की पामन्‍या। पवित्र आत्‍मा चाँहा सम्‍म माय्‍हामन्‍या, हीजैडेनाङ चाँहा सम्‍म येशू लहो महीमाङ स्‍वर्गाङ माल्‍हेस्‍नन्‍या।

युहन्‍ना 8:41

नाखुरीकुङ बोये ही काम जाटा नाखुरीक र होसे न काम जाट्‍ले।” होखुरीकै येशूकी डेया, “कान व्‍यभिचार लकीङ जन्‍मडीस्‍च होइन! कानुङ बोइ काट मट्‍टै ले, होसको परमेश्‍वर हो।”

युहन्‍ना 8:50

ङा लाहा न ङाल्‍हौ आदर मापाले, टर काट जना ले होसकै ङौ आदर जाट्‍की पाले र ठीक खाटा न्‍याय जाट्‍ले।

प्रेरित 3:13

अब्राहाम, इसहाक र याकुबौ परमेश्‍वर, कानुङ पुर्खाकुङ परमेश्‍वरै लहो सेवक येशूकी महीमीत पार्‍या। नाखुरीकै चहीँ होसे न येशूकी घोवाका र पिलातसै होसकोकी डास्‍न याछ बीचार जाट्‍नाङ र नाखुरीक होसकुङ न म्‍याहासाङ मामन्‍डीया।

१ पट्‍रुस 1:12

होसे समयाङ परमेश्‍वरै अगमवक्‍ताकोलाक टान्‍हाक्‍च र होखुरीकै जाट्‍च होसे सेवा होखुरीकुङ फाइडौ लागी मालेया टर नाखुरीकुङ फाइडौ लागी लेया। अगमवक्‍ताकै प्रचार जाट्‍च सेछ समाचार स्‍वर्ग लकीङ बीर्‌न्‍हकाच पवित्र आत्‍मौ शक्‍तिलकीङ जाट्‍नन्‍या। स्‍वर्गदूतको र इसे कुरा डाङ्‍की खुब मीमन जाट्‍नने।

१ पट्‍रुस 1:21

होसको लकीङ न नाखुरीकै परमेश्‍वर मीटाक विश्‍वास जाटा, सुये ख्रीष्‍टकी सीच लकीङ जीवाटाकार होसकोकी महीमीत पार्‌या। होटबाटै नाखुरीकुङ आशा र भरोसा परमेश्‍वर मीटाक ले।

२ पट्‍रुस 1:17

परमेश्‍वर बोये होसकोकी आडर र महीमा जाट्‍नाङ अनी “इसे ङौ प्‍यारो जाक्‍ङ सेच मीजा हो, इसे खाटा ङा साप्‍फी मार्‍हाङ्‍ने” डेयार बाड्‍को शक्‍तिसाली महीमा लकीङ होसकोकी सोर रान्‍हाङ कान होला लेया।