युहन्‍ना 8:52 - पुर्वीय मगर

⁵² यहूदी अगुवाकै डेया, “अब कानकी पक्‍का थाहा छाना, नाङ्‍की भूत लक्‍डीस्‍च न हो। अब्राहाम सीया, अगमवक्‍ताको र सीया, टर नाङ डेले, ‘ङौ शिक्षा मन्‍डीचको सेन्‍र सीकी मापर्‌ले।’

युहन्‍ना 8:52 ပူးပေါင်းရင်းမြစ်များ

मत्ती 11:18

“हीजैडेनाङ बप्‍तिस्‍मा याछ युहन्‍ना अरु भर्मीकै लेखा जाप माजाप ज्‍याच ठोक माज्‍यामन र मागामन राहा, अनी होखुरीकै आसकोकी भूत लक्‍डीस्‍नने डेले।

युहन्‍ना 1:19

यरूशलेमुङ यहूदी अगुवाकै पुजाहारीको खाट-खाट न परमेश्‍वरौ मन्‍दिराङ सेवा जाट्‍च कामाङ सघडीच लेवीकोलाक “नाको सु हो?” डेम युहन्‍ना लेठाङ गीन्‍की बीर्‌न्‍हका।

युहन्‍ना 14:23

येशूये होसकी डेया, “ङाकी माया जाट्‍चकै ङौ शिक्षाकी मन्‍डीले। ङौ बोये होखुरीककी माया जाट्‍ले, अनी बोइ र ङा होखुरीक लेठाङ राहार होखुरीक खाटा ङुले।

युहन्‍ना 15:20

‘नोकर मालीक डेनाङ बाड्‍को माछान्‍ले’ डेयार ङै नाखुरीककी डेच कुरा आर्मीट्‍नी। होखुरीकै ङाकी खेडो जाटा डेनाङ नाखुरीककी र खेडो जाट्‍ले। होटजाट्‍न न होखुरीकै ङौ शिक्षा मन्‍डीया डेनाङ नाखुरीकै डेच कुरा र मन्‍डीले।

युहन्‍ना 17:6

“संसारलकीङ नाकै ङाकी याछ भर्मीकोलाक ङै नाकोकी चीन्‍डीयाक्‍ङ याम्‍हने। होखुरीक नाकुङ न लेया, अनी नाकै होखुरीक ङाकी याहा, र होखुरीकै नाकुङ बचन मन्‍डीमने।

युहन्‍ना 7:20

भीडाङ लेच भर्मीकै येशूकी डेया, “नाङ्‌की भूत लक्‍डीस्‍ने! सुये नाङ्‍की साट्‍की पामने र?”

युहन्‍ना 8:22

यहूदी अगुवाकै इसे कुरा सेयार मेखुरीक-मेखुरीक डेया, “इसे च आत्‍मा हट्‍या टी जाट्‍की पामे की य्‍हाले? हीजैडेनाङ इचे ‘ङा कुला नुङ्‍ले होला नाखुरीक राखी माय्‍होक्‍ले’ डेले।”

युहन्‍ना 8:48

यहूदी अगुवाकै येशूकी डेया, “कानै डेच ठीक न हो, ही नाङ सामरी हो र नाङ्‍की भूत लग्‍डीस्‍नने?”

युहन्‍ना 8:51

ङा नाखुरीककी साँच्‍ची न डेले, ङौ शिक्षा मन्‍डीचको चहीँ सेन्‍र मासीले।”

युहन्‍ना 8:55

नाखुरीकै होसकोकी माचीन्‍डीमने, टर ङा चहीँ होसकोकी चीन्‍डीले। इडीक ङै होसकोकी माचीन्‍डीले डेले डेनाङ ङा र नाखुरीक लेखा न झुटो ठहरीस्‍ले। टर ङा होसकोकी चीन्‍डीले, र होसकै डेच कुरा मन्‍डीले।

युहन्‍ना 9:24

यहूदी अगुवाकै होसकी फेरी अर्‌को खेप र आर्‌घार डेया, “परमेश्‍वरौ अगाडी सत्‍य कुरा ङाक्‍ले डेयार प्रतिज्ञा जाटो। कानकी थाहा ले, होसे भर्मी चहीँ पक्‍कै पापी हो।”