युहन्‍ना 8:38 - पुर्वीय मगर

³⁸ ङा बोइखाटा लेनाङ ही कुरा डाङा, होसे न कुरा नाखुरीककी डेले। टर नाखुरीक चहीँ नाखुरीकुङ बोइ लकीङ सेच कुराको न जाट्‍ले।”

युहन्‍ना 8:38 ပူးပေါင်းရင်းမြစ်များ

मत्ती 3:7

टर फरीसी र सदुकीको मध्‍याङ वास्‍टै जना बप्‍तिस्‍मा लाकी राछै जाट्‍च डाङार युहन्‍नै होखुरीककी डेया, “ए बीसालु बुलौ मीजाको, परमेश्‍वर लकीङ राखी पाच क्रोध लकीङ भोग्‍डीस्‍की नाखुरीककी सुये चेतावनी याहा?

युहन्‍ना 14:10

ङा बोइखाटा ले, र बोइ ङाखाटा ले डेच कुरा ही नाको विश्‍वास माजाट्‍ले? ङै नाखुरीककी डेच बचन ङाल्‍है न ङाक्‍च होइन, टर ङाखाटा लेच बोये न लहो काम ङा लकीङ जाट्‍नन ले।

युहन्‍ना 14:24

टर ङाकी माया माजाट्‍चकै ङौ शिक्षाकी मामन्‍डीले। नाखुरीकै सेच इसे बचन ङा लकीङ राछ होइन, टर ङाकी बीर्‌न्‍हकाच बोइ लकीङ न राछ हो।

युहन्‍ना 17:8

हीजैडेनाङ कुसे बचन नाकै ङाकी याहा, होसे ङै होखुरीककी याम्‍हने, र होखुरीकै होसे ग्रहण जाट्‍नने। ङा नाकोलकीङ राछ हो डेच कुरा होखुरीकै साँच्‍ची न बुझडीस्‍नने। अनी नाकै ङाकी बीर्‌न्‍हकाच हो डेयार होखुरीकै विश्‍वास जाट्‍नने।

युहन्‍ना 3:32

होसकै ही डाङ्‍ङने र सेमने, होच्‍यो न गबाही याल्‍हे, टर होसकुङ गबाही सुयेर विश्‍वास माजाट्‍ले।

युहन्‍ना 5:19

येशूये होखुरीककी डेया, “साँच्‍ची न ङा नाखुरीककी डेले, मीजा लहे न हीर जाट्‍की माय्‍होक्‍ले, टर परमेश्‍वर बोये ही जाट्‍च डाङ्‍ले, होचे होसे मट्‍टै जाट्‍ले। हीजैडेनाङ बोये ही जाट्‍ले, मीजै र होट न जाट्‍ले।

युहन्‍ना 5:30

“ङा ङाल्‍है न हीर जाट्‍की माय्‍होक्‍ले। परमेश्‍वरै ही डेले होसे अनुसार ङा न्‍याय जाट्‍ले, अनी ङै जाट्‍च न्‍याय ठीक छान्‍ले, हीजैडेनाङ ङा ङाल्‍हौ इच्‍छा मापाले, टर ङाकी बीर्‌न्‍हकाचौ इच्‍छा पाले।

युहन्‍ना 8:26

नाखुरीकुङ बारेयाङ ङै वास्‍टै कुराको डेकी ले र नाखुरीककी न्‍याय जाट्‍की ले। टर ङाकी बीर्‌न्‍हकाच सत्‍य ले, र होसको लकीङ ही सेया होसे कुरा मट्‍टै ङा संसारकी डेले।”

युहन्‍ना 8:41

नाखुरीकुङ बोये ही काम जाटा नाखुरीक र होसे न काम जाट्‍ले।” होखुरीकै येशूकी डेया, “कान व्‍यभिचार लकीङ जन्‍मडीस्‍च होइन! कानुङ बोइ काट मट्‍टै ले, होसको परमेश्‍वर हो।”

युहन्‍ना 8:44

नाखुरीक च नाखुरीकुङ बोइ शैतानौ सन्‍टानको हो, र नाखुरीकुङ बोयो इच्‍छा पुरा जाट्‍च नाखुरीकुङ मीमन ले। होसे च सुरुलकीङ न ज्‍यानमारा हो। र होचे सत्‍यकी घृणा जाट्‍ले, हीजैडेनाङ होसखाटा हीर सत्‍य माले। होचे मेन न स्‍वभाव अनुसार झुटो ङाक्‍ले। होसे झुटो हो र झुटौ न बोइ हो।