युहन्‍ना 8:37 - पुर्वीय मगर

³⁷ ङाकी थाहा ले, नाखुरीक अब्राहामौ सन्‍टानको हो। टर नाखुरीक ङाकी साट्‍की पाले, हीजैडेनाङ ङौ बचनौ लागी नाखुरीकुङ रीडयाङ ठाउँ माले।

युहन्‍ना 8:37 ပူးပေါင်းရင်းမြစ်များ

मत्ती 13:15

हीजैडेनाङ होसे भर्मीकुङ रीदय कठोर छान्‍नने, होखुरीकुङ मेनेकेप मासेच छान्‍नने, र होखुरीकै मीमीक चीम जाट्‍नने। नभा च होखुरीकै लहो मीमीकै डाङ्‍च लेया, मेनेकेपै सेच लेया र मीमनै बुझडीस्‍च लेया, अनी होखुरीक ङा पट्‍टी ल्‍हेस्‍च लेया र ङा होखुरीककी गेपाक्‍च लेया।’

मत्ती 3:9

‘कान अब्राहामौ सन्‍तान हो’ डेनाङ न नाखुरीक परमेश्‍वरलकीङ राछ दन्‍ड लकीङ भीस्‍की डीन्‍ल्‍हे डेम माआरमीट्‍नी। साँच्‍ची न ङा नाखुरीककी डेले, परमेश्‍वरै इसे ल्‍हुङ्‍को लकीङ र अब्राहामौ लागी सन्‍तान खास्‍की य्‍होक्‍ले।

युहन्‍ना 10:31

येशूओ कुरा सेयार यहूदी अगुवाकै फेरी होसकोकी ङाप्‍की डेम ल्‍हुङको ढुमा।

युहन्‍ना 11:53

टब होसनीक लकीङ न यहूदी अगुवाकै येशूकी साट्‍की डेयार सडयन्‍ट्‍र जाट्‍की ठाला।

युहन्‍ना 5:44

नाखुरीक लाहा-लहीङ प्रशंसा डुप्‍की मीमन जाट्‍ले, टर काट मट्‍टै परमेश्‍वर लकीङ डुप्‍च प्रशंसा चहीँ मापाले डेनाङ नाखुरीकै कुटजाट्‍न विश्‍वास जाट्‍की य्‍होक्‍ले र?

युहन्‍ना 7:1

होटै न्‍हुइङ येशू गालील क्षेत्राङ छेर्‍हाम व्‍हा। होसको यहूदियाङ नुङ्‍की मीमन माजाटा, हीजैडेनाङ यहूदी अगुवाकै होसकोकी साट्‍की पामन्‍या।

युहन्‍ना 7:19

ही मोशै नाखुरीककी व्‍यवस्‍था याछ होइन र? टर नाखुरीक सुयेर होसे व्‍यवस्‍थाकी मामन्‍डीले। अनी हीजै नाखुरीक ङाकी साट्‍की पाले?”

युहन्‍ना 7:25

यरूशलेमुङ भर्मीको मढ्‍याङ कोइ-कोये डेया, “ही इसे न होइन होखुरीकै साट्‍की पाच भर्मी?

युहन्‍ना 8:33

होखुरीकै डेया, “कान अब्राहामौ सन्‍टानको हो, र कान चाहाँसम्‍म सुओर कमारा माछान्‍नने। कानकी छुटकारा याल्‍हे डेच चहीँ ही हो ट?”

युहन्‍ना 8:43

ङै ङाक्‍च कुरा नाखुरीकै हीजै माबुझडीस्‍ले? हीजैडेनाङ नाखुरीकै ङौ बचन सेकी मीमन माजाट्‍ले।

युहन्‍ना 8:56

नाखुरीकुङ पुर्‌खा अब्राहामै ङा राछ डीन डाङ्‍की खुब मीमन जाट्‍नन्‍या। होचे डाङार खुब मार्‍हाङा।”

युहन्‍ना 8:59

होटै न्‍हुइङ येशूकी ङाप्‍की डेम होखुरीकै ल्‍हुङको ढुमा, टर होसको आर्‌च्‍युहार मन्‍दिरलकीङ बाहीर ख्‍योहार नुङा।

युहन्‍ना 8:6

होखुरीकै होसकोकी दोष लैडीच मौका डुप्‍ले की डेयार इटजाट्‍न गीन्‍नन्‍या। टर येशूये घुकुरुक छानार झाङ औलै रीका।

प्रेरित 13:26

“ए, अब्राहामौ सन्‍टानको र परमेश्‍वर खाटा बीर्‍हीछ अन्‍यजाति डाजे-भाइको, इसे मुक्‍ति याछ सेछ-समचार काल्‍हा लेठाङ न बीर्‌न्‍हकामने।

१ युहन्‍ना 2:14

ङौ बालख मीजाको, ङा नाखुरीककी रीक्‍ङन ले, हीजैडेनाङ सुरुलकीङ न लेच होसकोकी नाखुरीक चीन्‍डीले। जवान भर्मीको, ङा नाखुरीककी रीक्‍ङन ले, हीजैडेनाङ नाखुरीक बलीयो ले अनी परमेश्‍वरौ बचन नाखुरीक खाटा ले, र नाखुरीकै होसे दुष्‍टकी जुमने।