युहन्‍ना 8:31 - पुर्वीय मगर

³¹ येशूये लाहा मीटाक विश्‍वास जाट्‍च यहूदीकोलाक डेया, “ङौ शिक्षाकी मन्‍डीम ङुवा डेनाङ नाखुरीक साँच्‍ची न ङौ चेला हो।

युहन्‍ना 8:31 ပူးပေါင်းရင်းမြစ်များ

मत्ती 24:13

टर अन्‍टीम सम्‍म स्‍थिर ङुचकोलाक चहीँ जीवाटाक्‍ले।

युहन्‍ना 1:47

येशूये नथानेलकी लाहा पट्‍टी राछै जाट्‍च डाङार होच्‍यौ बारेयाङ डेया, “काट जना पक्‍का इस्राएलीकी ङोस्‍नी, होसेखाटा हीर छलकपट माले।”

युहन्‍ना 2:2

येशू र मेकुङ चेलाकोलाक र होसे ब्‍याहाङ आर्‌घामन्‍या।

युहन्‍ना 6:55

हीजैडेनाङ ङौ डेह साँच्‍ची न ज्‍याच कुरा हो, र ङौ य्‍हु साँच्‍ची न गाच कुरा हो।

युहन्‍ना 8:36

इडीक परमेश्‍वरौ मीजै नाखुरीककी छुटकरा याहा डेनाङ नाखुरीक साँच्‍ची न स्‍वतन्‍त्र छान्‍ले।

प्रेरित 13:43

सभा भ्‍यारखीङ यहूदीको र यहूदी धर्म मन्‍डीच अन्‍यजाति भक्‍टको पावल र बारनाबासकी डुटा। अनी पावल र बारनाबास होखुरीक खाटा ङाक्‍चै परमेश्‍वरौ अनुग्रहाङ सधैँ ङुम-ङुकी डेयार होखुरीक खाटा बिन्‍ती जाटा।

प्रेरित 14:22

विश्‍वासीकुङ आत्‍माकी बलीयो खास्‍चै होखुरीककी विश्‍वासाङ ङुमङुकी डेम अर्ती याहा र “वास्‍टै कष्‍ट सहडीयार कान परमेश्‍वरौ राज्‍याङ पर्‌की पर्‌ले” डेयार होखुरीककी पाहाका।

प्रेरित 26:22

टर छीनीयुङ डीन सम्‍म ङै परमेश्‍वर लकीङ न सहायटा डुप्‍म ङुमने। होटबाटै ङा इला लेच बाड्‍को र मार्‌जा पट्‌ट कोलाक गबाही याछै टोङ्‍हने। ङै अगमवक्‍ताकै र मोशै डेच न्‍हुइङ छान्‍च कुराको मट्‍टै ङाक्‍ने।

१ टीमोठी 2:15

टर मास्‍टो भर्मीको इडीक नम्र छानार, विश्‍वास, प्रेमाङ र पवित्र छानार ङुवा डेनाङ मीजा डीन्‍छ अवस्‍ठा छानार नुङ्‍नाङ परमेश्‍वरै होसकी जीवाटाक्‍ले।

१ टीमोठी 4:16

नाको कुजाट्‍न जीवामन ले होच्‍यो बारेयाङ र लहे याछ शिक्षौ बारेयाङ होसीयार छान्‍की। ठीक जीवन जीवाचै र शिक्षा याछै नुङ्‍की। इट जाट्‍नाङ नाकै लाहाकी अनी नाकुङ शिक्षा सेचकोलाक समेट परमेश्‍वरै जीवाक्‍ले।

२ टीमोठी 3:14

टर नाको चहीँ लहे शिक्षा डुपार विश्‍वास जाट्‍च सत्‍य कुराङ लक्‍डीस्‍न ङुकी। होसे शिक्षाको नाकै सु-सुलकीङ डुप्‍मन्‍या, होसे च नाङ लाहाकी न ठाहा ले।

याकुब 1:25

टर इडीक सुये भर्मीकोलाक छुट्‍कारा याछ शुद्ध व्‍यवस्‍थाकी सेयार माम्‍य्‍हाक्‍ले, र सेम्‍हजा ङोसार ढ्‍यान याल्‍हे अनी पालना जाट्‍ले, परमेश्‍वरै होसे भर्मीयो कामाङ आसीस याल्‍हे।

१ युहन्‍ना 2:19

होखुरीक कानुङ मालेया, होटबाटै कानकी डासार नुङा। इडीक कानुङ लेनाङ च कानखाटा न ङुच लेया। होखुरीकै कानकी डासार नुङा अनी होसेलकीङ न होखुरीक कानुङ होइन डेच कुरा टान्‍हाक्‍ले।

१ युहन्‍ना 2:24

होटबाटै कुसे शिक्षा नाखुरीकै सुरुलकीङ न सेमने, होसे नाखुरीकुङ रीदयाङ डानी। इडीक नाखुरीकै सेच शिक्षा नाखुरीकुङ रीडयाङ ले डेनाङ नाखुरीक र परमेश्‍वर बोइ र होसकुङ मीजाखाटा ङुले।

२ युहन्‍ना 1:9

ख्रीष्‍टौ शिक्षाकी डासार बाहीरुङ अरु कुरा पट्‍टी लक्‍डीस्‍च भर्मीखाटा परमेश्‍वर माङुले। टर होसकुङ शिक्षा माडास्‍न ङुच खाटा चहीँ बोइ र मीजा नीस न ङुले।