युहन्‍ना 8:28 - पुर्वीय मगर

²⁸ होटबाटै येशूये डेया, “जब नाखुरीकै भर्मीयो मीजाकी ढेनाम क्रूसाङ टङ्‍गडीयार गाराङ्‌ले, टब ङा सु हो होसे न हो डेम नाखुरीकै थाहा डीन्‍ल्‍हे। ङा ङाल्‍हौ अधिकारै हीर काम माजाट्‍ले, टर बोये ङाकी पाहाक्‍च कुराको मट्‍टै जाट्‌ले डेच कुरा र नाखुरीकै वार्‌ल्‍हे।

युहन्‍ना 8:28 ပူးပေါင်းရင်းမြစ်များ

मत्ती 24:5

हीजैडेनाङ वास्‍टै जना ङौ म्‍यार्‌मीनाङ ‘ङा न मुक्‍ति याछ ख्रीष्‍ट हो’ डेचै राल्‍हे र वास्‍टै भर्मीकोलाक ढाँट्‍डीले।

मर्कूस 13:6

वास्‍टै जना ङौ म्‍यार्‌मीनाङ ‘ङा न मुक्‍ति याछ ख्रीष्‍ट हो’ डेम राल्‍हे र होखुरीकै वास्‍टै भर्मीकोलाक ढाट्‍डीले।

लुका 21:8

होटै येशूये डेया, “होसीयार छान्‍नी, नाखुरीककी सुयेर माढाँट्‍डीख्‍यौ। ङौ म्‍यार्‌मीनाङ वास्‍टै जना ‘मुक्‍ति याछ ख्रीष्‍ट ङा न हो’ डेम राल्‍हे। होटै ‘होसे समय खेरेप राम्‍हने’ डेले, टर नाखुरीक होखुरीकुङ न्‍हुङ-न्‍हुङ मानुङ्‍नी।

युहन्‍ना 11:42

ङौ बिन्‍ती नाकै सढैँ सेले, होसे ङाकी थाहा ले। टर नाकै ङाकी संसाराङ बीर्‌न्‍हकाच हो डेच कुरा इला लेच भर्मीकै विश्‍वास जाट्‍ख्‍यौ डेयार ङै नाकोकी इसे बिन्‍ती चढडीच हो।”

युहन्‍ना 13:19

अनी इसे कुरा पुरा छान्‍च पछी नाखुरीकै ङाकी ‘ङा होसे न हो’ डेम विश्‍वास जाट्‍की य्‍होक्‍नी डेयार इसे पुरा छान्‍की डेनाङ अघी न ङै नाखुरीककी डेमने।

युहन्‍ना 16:10

अनी होसकै परमेश्‍वरौ अगाडी ही ठीक ले, होसे कुरा टान्‍हाक्‍ङ याल्‍हे, हीजैडेनाङ ङा बोइलेठाङ नुङ्‍ले, र फेरी नाखुरीकै ङाकी माडाङ्‍ले।

युहन्‍ना 18:32

लाहा कुटजाट्‍न सीकी पर्‌ले डेयार येशू लहे न डेच कुरा पुरा छान्‍की याङ्‍च छान्‍नन्‍या।

युहन्‍ना 19:18

होसे ठावाङ टार्‍हखीङ होखुरीकै होसकोकी क्रूसाङ टङ्‍गडीया। अनी होसकुङ डोर र डेब्‍र्‌या पट्‍टी अरु नीस जना भर्मीकोलाक र भीन्‍डा भीन्‍डै क्रूसाङ टङ्‍गडीया। येशूकी चहीँ होखुरीकुङ मीघ्‍याङ टङ्‍गडीमन्‍या।

युहन्‍ना 3:11

साँच्‍ची न ङा नाकोकी डेले, कानै ही वार्‌न्‍हने होसे डेले, अनी ही डाङ्‍ङ ने होसे न सेटाक्‍ले, टर नाखुरीक कानै याछ गबाही स्‍वीकार माजाट्‍ले।

युहन्‍ना 3:14

कुटजाट्‍न इस्राएलीको उजाड ठावाङ लेनाङ मोशै पीटलौ बुल खासार सीङाङ गाराङा, होटजाट्‍न न भर्मीयो मीजा र ढेनाम गाराङ्‍की न पर्‌ले,

युहन्‍ना 4:26

येशूये होसे मास्‍टो भर्मीकी डेया, “नाकोखाटा ङाक्‍चै जाट्‍च, ङा होसे न हो।”

युहन्‍ना 5:19

येशूये होखुरीककी डेया, “साँच्‍ची न ङा नाखुरीककी डेले, मीजा लहे न हीर जाट्‍की माय्‍होक्‍ले, टर परमेश्‍वर बोये ही जाट्‍च डाङ्‍ले, होचे होसे मट्‍टै जाट्‍ले। हीजैडेनाङ बोये ही जाट्‍ले, मीजै र होट न जाट्‍ले।

युहन्‍ना 5:30

“ङा ङाल्‍है न हीर जाट्‍की माय्‍होक्‍ले। परमेश्‍वरै ही डेले होसे अनुसार ङा न्‍याय जाट्‍ले, अनी ङै जाट्‍च न्‍याय ठीक छान्‍ले, हीजैडेनाङ ङा ङाल्‍हौ इच्‍छा मापाले, टर ङाकी बीर्‌न्‍हकाचौ इच्‍छा पाले।

युहन्‍ना 6:38

हीजैडेनाङ ङाल्‍हौ इच्‍छा पुरा जाट्‍की डेम ङा स्‍वर्ग लकीङ झाल्‍न राछ होइन, टर ङाकी बीर्‌न्‍हकाचौ इच्‍छा पुरा जाट्‍की डेम ङा राछ हो।

युहन्‍ना 8:24

होटबाटै ङै ‘नाखुरीक लोहो पापाङ सीले’ डेच हो। इडीक नाखुरीकै ‘ङा सु हो होसे न हो’ डेयार नाखुरीकै ङाकी विश्‍वास माजाटा डेनाङ नाखुरीक लहो पापाङ सीले।”

युहन्‍ना 8:27

येशूये परमेश्‍वर बोयो बारेयाङ डेच हो डेयार होसे भर्मीकै माबुझडीसा।

युहन्‍ना 8:58

टब येशूये होखुरीककी डेया, “साँच्‍ची न ङा नाखुरीककी डेले, अब्राहाम जन्‍मडीस्‍की डेनाङ अगाडी लकीङ न ङा लेमै ले।”

प्रेरित 2:41

होटै सु-सुये पत्रुसौ शिक्षा विश्‍वास जाटा होखुरीकै चहीँ बप्‍तिस्‍मा ला र होस्‍नीक लगभग सोम हजार भर्मीको विश्‍वासीकुङ सङ्‍ख्‍याङ ठप्‍डीसा।

प्रेरित 4:4

टर बचन सेचको मढ्‍याङ वास्‍टै जनै विश्‍वास जाटा र विश्‍वास जाट्‍च लेन्‍जा भर्मीकुङ सङ्‍ख्‍या बाङा हजार टडीक लेया।