युहन्‍ना 8:26 - पुर्वीय मगर

²⁶ नाखुरीकुङ बारेयाङ ङै वास्‍टै कुराको डेकी ले र नाखुरीककी न्‍याय जाट्‍की ले। टर ङाकी बीर्‌न्‍हकाच सत्‍य ले, र होसको लकीङ ही सेया होसे कुरा मट्‍टै ङा संसारकी डेले।”

युहन्‍ना 8:26 ပူးပေါင်းရင်းမြစ်များ

युहन्‍ना 15:15

अब लकीङ ङा नाखुरीककी नोकर माडेले, हीजैडेनाङ नोकरकै मालीकै ही जाट्‍न न ले, होसे माव्‍हार्‌ले। ङै नाखुरीककी लाफा डेमने, हीजैडेनाङ ङौ बोइलकीङ सेच पट्‍ट न कुराको ङै नाखुरीककी डेम याम्‍हने।

युहन्‍ना 16:12

“ङाखाटा नाखुरीककी डेकी पर्च कुराको च अझै वास्‍टै ले, टर चाहाँ नाखुरीकै होसे बुझडीस्‍की माय्‍होक्‍ले।

युहन्‍ना 17:8

हीजैडेनाङ कुसे बचन नाकै ङाकी याहा, होसे ङै होखुरीककी याम्‍हने, र होखुरीकै होसे ग्रहण जाट्‍नने। ङा नाकोलकीङ राछ हो डेच कुरा होखुरीकै साँच्‍ची न बुझडीस्‍नने। अनी नाकै ङाकी बीर्‌न्‍हकाच हो डेयार होखुरीकै विश्‍वास जाट्‍नने।

युहन्‍ना 18:20

येशूये होसकी डेया, “ङै पट्‍टकुङ म्‍याहासाङ पट्‍टये सेच जाट्‍न खुल्‍ला ठावाङ ङाक्‍ङने। ङै ङौ शिक्षा पट्‍ट न यहूदीको भेला छान्‍च सभाङुच इमकोवाङ र परमेश्‍वरौ मन्‍दिराङ याम्‍हने। ङै सुयेर थाहा माडीन्‍ह हीर माङाक्‍ने।

युहन्‍ना 3:11

साँच्‍ची न ङा नाकोकी डेले, कानै ही वार्‌न्‍हने होसे डेले, अनी ही डाङ्‍ङ ने होसे न सेटाक्‍ले, टर नाखुरीक कानै याछ गबाही स्‍वीकार माजाट्‍ले।

युहन्‍ना 7:16

येशूये होखुरीककी डेया, “ङै पाहाक्‍च शिक्षा ङौ होइन, टर ङाकी बीर्‌न्‍हकाच परमेश्‍वर लकीङ राछ हो।

युहन्‍ना 7:28

अब येशूये चाहाँ सम्‍म र परमेश्‍वरौ मन्‍दिराङ पाहाक्‍ङ न लेया होसकै पट्‍टकै सेच जाट्‍न बाड्‍को सोराङ डेया, “नाखुरीकै ङाकी चीन्‍डीले, र ङा कुटै राछ हो, होसे र नाखुरीककी थाहा ले। ङा ङाल्‍हौ न इच्‍छै राछ होइन, टर ङाकी बीर्‌न्‍हकाच चहीँ सत्‍य ले। नाखुरीक होसकोकी माचीन्‍डीले,

युहन्‍ना 8:25

होखुरीकै येशूकी गीना, “नाको सु हो ट?” अनी येशूये होखुरीककी डेया, “ङै नाखुरीककी सुरुलकीङ ही डेम राम्‍हने ङा होसे न हो।

युहन्‍ना 8:27

येशूये परमेश्‍वर बोयो बारेयाङ डेच हो डेयार होसे भर्मीकै माबुझडीसा।

युहन्‍ना 8:40

ङै परमेश्‍वरलकीङ सेच सत्‍य कुरा नाखुरीककी सेटाक्‍नाङ च नाखुरीक ङाकी साट्‍की पाले। टर अब्राहामै च याङ्‍च काम माजाटा!