युहन्‍ना 8:22 - पुर्वीय मगर

²² यहूदी अगुवाकै इसे कुरा सेयार मेखुरीक-मेखुरीक डेया, “इसे च आत्‍मा हट्‍या टी जाट्‍की पामे की य्‍हाले? हीजैडेनाङ इचे ‘ङा कुला नुङ्‍ले होला नाखुरीक राखी माय्‍होक्‍ले’ डेले।”

युहन्‍ना 8:22 ပူးပေါင်းရင်းမြစ်များ

युहन्‍ना 1:19

यरूशलेमुङ यहूदी अगुवाकै पुजाहारीको खाट-खाट न परमेश्‍वरौ मन्‍दिराङ सेवा जाट्‍च कामाङ सघडीच लेवीकोलाक “नाको सु हो?” डेम युहन्‍ना लेठाङ गीन्‍की बीर्‌न्‍हका।

युहन्‍ना 10:20

अनी कुडीक जनै डेया, “होसकी भूत लक्‍डीस्‍ने! होसे च बौलाहा हो। नाखुरीक होच्‍यौ कुरा हीजै सेले?”

युहन्‍ना 7:20

भीडाङ लेच भर्मीकै येशूकी डेया, “नाङ्‌की भूत लक्‍डीस्‍ने! सुये नाङ्‍की साट्‍की पामने र?”

युहन्‍ना 7:35

इसे सेयार यहूदी अगुवाकै मेखुरीक-मेखुरीक डेकी ठाला, “इसे भर्मी कुला नुङ्‍की पामने र, ‘नाखुरीकै ङाकी माडुप्‍ले’ डेले? ही इसको गीरीककुङ मीघ्‍याङ इलाक आलाक छरपस्‍ट छान्‍न ङुच यहूदीको लेठाङ नुङार ग्रीककोलाक पाहाक्‍की मीमन जाट्‍नने की य्‍हाले?

युहन्‍ना 8:48

यहूदी अगुवाकै येशूकी डेया, “कानै डेच ठीक न हो, ही नाङ सामरी हो र नाङ्‍की भूत लग्‍डीस्‍नने?”

युहन्‍ना 8:52

यहूदी अगुवाकै डेया, “अब कानकी पक्‍का थाहा छाना, नाङ्‍की भूत लक्‍डीस्‍च न हो। अब्राहाम सीया, अगमवक्‍ताको र सीया, टर नाङ डेले, ‘ङौ शिक्षा मन्‍डीचको सेन्‍र सीकी मापर्‌ले।’