युहन्‍ना 8:21 - पुर्वीय मगर

²¹ येशूये फेरी होखुरीककी डेया, “ङा इटै नुङ्‍की क्‍योट्‍ले। अनी नाखुरीकै ङाकी पाले, टर नाखुरीक लहो न पापाङ सीले। हीजैडेनाङ ङा कुला नुङ्‍ले, नाखुरीक होला राखी माय्‍होक्‍ले।”

युहन्‍ना 8:21 ပူးပေါင်းရင်းမြစ်များ

मत्ती 23:39

हीजैडेनाङ ङा नाखुरीककी डेले, ‘पर्‌मप्रभुओ म्‍यार्‌मीनाङ राछ कुडीक आसीसीट ले’ फेरी माडेठरसम्‍म नाखुरीकै ङाकी माडाङ्‍ले।”

मत्ती 25:41

“होटै होसकै लहो डेबर्‌या पट्‍टी लेचकोलाक डेले, ‘ए परमेश्‍वरौ सराप पर्च भर्मीको! ङा लकीङ नुङ्‍की क्‍योट्‍नी, शैतान र होच्‍यो दूतकोलाक तयार जाट्‍च सेन्‍र मासीच म्‍हेयाङ नुङ्‍नी!

मत्ती 25:46

अनी होखुरीकै चहीँ सढैँ भरीयो लागी दन्‍ड डुप्‍ले, टर धर्मी भर्मीकै चहीँ सेन्‍र मासीच जीवन डुप्‍ले।”

युहन्‍ना 12:33

इसे कुरा डेनाङ लाहा कुटजाट्‍न सीकी पर्च हो डेच बारेयाङ येशूये डेच हो।

युहन्‍ना 12:35

येशूये होखुरीककी डेया, “अझै कालाप बेर ज्‍योति नाखुरीक खाटा ङुले। ज्‍योति नाखुरीक खाटा लेठर लहो लामाङ व्‍हानी, नभा च छुम्‍छये नाखुरीककी हुप्‍ले। छुम्‍ठाङ व्‍हाचये लाहा कुलाक नुङ्‍ङन ले डेच थाहा माडीन्‍ल्‍हे।

युहन्‍ना 13:33

“ए ङौ मीजाको, ङा नाखुरीकखाटा कालाप बेर मट्‍टै ङुले। नाखुरीकै ङाकी पाले टर ङै यहूदी अगुवाकोलाक डेनाङ लेखा न नाखुरीककी र डेले, ‘ङा कुला नुङ्‍ङन ले, होला नाखुरीक राखी माय्‍होक्‍ले।’

युहन्‍ना 7:34

टब नाखुरीकै ङाकी पाले, टर माडुप्‍ले हीजैडेनाङ ङा नुङ्‍च ठावाङ नाखुरीक राखी माय्‍होक्‍ले।”

युहन्‍ना 7:36

‘नाखुरीकै ङाकी पाले टर माडुप्‍ले हीजैडेनाङ ङा नुङ्‍च ठावाङ नाखुरीक राखी माय्‍होक्‍ले’ येशूये डेले। इसे ही डेच हो, छेना?”

युहन्‍ना 8:24

होटबाटै ङै ‘नाखुरीक लोहो पापाङ सीले’ डेच हो। इडीक नाखुरीकै ‘ङा सु हो होसे न हो’ डेयार नाखुरीकै ङाकी विश्‍वास माजाटा डेनाङ नाखुरीक लहो पापाङ सीले।”