युहन्‍ना 8:19 - पुर्वीय मगर

¹⁹ टब येशूकी होखुरीकै गीना, “नाकुङ बोइ चहीँ कुला ले ट?” येशूये होखुरीककी जवाफ याहा, “नाखुरीक न ट ङाकी चीन्‍डीले न ट ङौ बोइकी न चीन्‍डीले। इडीक नाखुरीकै ङाकी चीन्‍डी च लेनाङ ङौ बोइकी र चीन्‍डी च लेया।”

युहन्‍ना 8:19 ပူးပေါင်းရင်းမြစ်များ

मत्ती 11:25

होडीक बेला येशूये डेया, “ए बोइ, स्‍वर्ग र पृथ्‍वीयुङ प्रभु, ङा नाकोकी धन्‍यवाद डेले, हीजैडेनाङ नाकै इसे कुराको बुद्धिमान र समझदारी लकीङ आर्‌च्‍युकार डा, टर मार्‌जा बालखको ल्‍याक्‍चकोलाक होसे टान्‍हाका।

युहन्‍ना 1:10

होसको संसाराङ लेया अनी संसार होसको लकीङ खास्‍नन्‍या, टर संसारै होसकोकी माचीन्‍डीया।

युहन्‍ना 1:18

परमेश्‍वरकी सुयेर सेन्‍र माडाङ्‍ने। टर काट मट्‍टै मीजा होसको परमेश्‍वर हो होसको बोयौ खेरेप ले र होसकै न कानकी परमेश्‍वर चीन्‍डीयाक्‍ने।

युहन्‍ना 15:21

टर नाखुरीक ङौ छान्‍च बाटै भर्मीकै नाखुरीककी इसे पट्‍ट न कुरा जाट्‍ले, हीजैडेनाङ होखुरीकै ङाकी बीर्‌न्‍हकाचकी माचीन्‍डीले।

युहन्‍ना 16:3

परमेश्‍वर बोइकी र ङाकी माचीन्‍डीच बाटै न भर्मीकै नाखुरीककी इट जाट्‍च हो।

युहन्‍ना 17:3

अब सेन्‍र मासीच जीवन डेच इसे न हो, नाको काट मट्‍टै सत्‍य परमेश्‍वर हो डेम चीन्‍डीकी, र नाकै बीर्‌न्‍हकाच येशू ख्रीष्‍टकी र चीन्‍डीकी हो।

युहन्‍ना 7:28

अब येशूये चाहाँ सम्‍म र परमेश्‍वरौ मन्‍दिराङ पाहाक्‍ङ न लेया होसकै पट्‍टकै सेच जाट्‍न बाड्‍को सोराङ डेया, “नाखुरीकै ङाकी चीन्‍डीले, र ङा कुटै राछ हो, होसे र नाखुरीककी थाहा ले। ङा ङाल्‍हौ न इच्‍छै राछ होइन, टर ङाकी बीर्‌न्‍हकाच चहीँ सत्‍य ले। नाखुरीक होसकोकी माचीन्‍डीले,

१ युहन्‍ना 2:23

मीजाकी इन्‍कार जाट्‍च कुसेर भर्मी खाटा परमेश्‍वर बोइ माङुले। सुये मीजाकी सुइकार जाट्‍ले, होसे खाटा परमेश्‍वर बोइ र ङुले।

१ युहन्‍ना 5:20

अनी परमेश्‍वरौ मीजा राहा र होसकै कानकी साँचो परमेश्‍वरकी चीन्‍डीच ज्ञान याहा। इसे कुरा कानकी थाहा ले। कान होसकुङ मीजा येशू ख्रीष्‍ट खाटा लेचबाटै साँचो परमेश्‍वर खाटा ले। होसको न साँचो परमेश्‍वर र सेन्‍र मासीच जीवन याछ हो।

२ युहन्‍ना 1:9

ख्रीष्‍टौ शिक्षाकी डासार बाहीरुङ अरु कुरा पट्‍टी लक्‍डीस्‍च भर्मीखाटा परमेश्‍वर माङुले। टर होसकुङ शिक्षा माडास्‍न ङुच खाटा चहीँ बोइ र मीजा नीस न ङुले।