युहन्‍ना 8:12 - पुर्वीय मगर

¹² येशूये फेरी भर्मीकोलाक डेया, “संसारुङ ज्‍योति ङा न हो। ङाकी डुट्‍चये सेन्‍र छुम्‍ठाङ व्‍हाकी मापर्‌ले, टर होचे जीवन याछ ज्‍योति डुप्‍ले।”

युहन्‍ना 8:12 ပူးပေါင်းရင်းမြစ်များ

मत्ती 5:14

“नाखुरीक चहीँ संसारुङ ज्‍योति हो। डाँडाङ खास्‍च सहर आर्‌च्‍युखी माय्‍होक्‍ले।

लुका 2:32

अन्‍यजाति भर्मीकोलाक प्रकाशौ लागी ज्‍योति र नाकुङ जाति इस्राएलीकोलाक महीमौ ज्‍योति।”

युहन्‍ना 12:35

येशूये होखुरीककी डेया, “अझै कालाप बेर ज्‍योति नाखुरीक खाटा ङुले। ज्‍योति नाखुरीक खाटा लेठर लहो लामाङ व्‍हानी, नभा च छुम्‍छये नाखुरीककी हुप्‍ले। छुम्‍ठाङ व्‍हाचये लाहा कुलाक नुङ्‍ङन ले डेच थाहा माडीन्‍ल्‍हे।

युहन्‍ना 12:36

नाखुरीक खाटा ज्‍योति लेनाङ न होसे मीटाक विश्‍वास जाट्‍नी, र नाखुरीक ज्‍योतियो सन्‍टान छान्‍ले।” इसे कुरा डेम भ्‍यारखीङ येशू होटै नुङा, अनी होखुरीक लकीङ आरच्‍युहार ङुवा।

युहन्‍ना 12:46

ङा मीटाक विश्‍वास जाट्‍चको सुर छुम्‍ठाङ ङुकी मापर्‌ख्‍यौ डेयार ङा इसे संसाराङ ज्‍योति छानार राछ हो।

युहन्‍ना 14:6

येशूये होसकी डेया, “लाम, सत्‍य र जीवन ङा न हो। ङा लकीङ बाहेक कुसे भर्मी र बोइ लेठाङ राखी माय्‍होक्‍ले।

युहन्‍ना 3:19

होखुरीककी दोष लैडीच कारन चहीँ इसे हो: ज्‍योति संसाराङ राम्‍हने, टर भर्मीकै ट्‍याङ्‍छकी डेनाङ बरु छुम्‍छकी जाका, हीजैडेनाङ होखुरीकुङ कामको दुष्‍ट लेया।

युहन्‍ना 7:17

परमेश्‍वरौ इच्‍छा लकीङ काम जाट्‍चकै चहीँ इसे शिक्षा परमेश्‍वरलकीङ राछ हो की ङौ लहो इच्‍छा लकीङ राछ हो डेयार होचे थाहा डीन्‍ल्‍हे।

युहन्‍ना 9:5

जब सम्‍म ङा संसाराङ छान्‍ले टब सम्‍म ङा संसारुङ ज्‍योति हो।”

प्रेरित 13:47

हीजैडेनाङ प्रभुये कानकी याङ्‍च आज्ञा याम्‍हने, ‘पृथ्‍वीयो अन्‍ट सम्‍म मुक्‍ति टाहाक्‍की डेम ङै नाखुरीककी अन्‍यजातिकुङ लागी काट ज्‍योति छान्‍की चुन्‍डीमने।’”

प्रेरित 26:23

होखुरीकै इट डेले, मुक्‍ति याछ ख्रीष्‍टै डुख भोग्‍डीयार सीकी पर्‌ले, होसको सीच लकीङ जीवाच मढ्‍याङ पट्‍ट डेनाङ पहीलो छान्‍चबाटै होसकै लहो जाति र अन्‍यजाति कोलाक ज्‍योतियो घोसना जाट्‍ले।”

२ पट्‍रुस 2:17

इसे झुटो शिक्षकको सीप्‍च डीयो मुहान, र आँढीबेहरीये भुरुक्‍च डेबु ल्‍याक्‍च हो। इखुरीकुङ लागी परमेश्‍वरै लुप्‍च न लुप्‍च छुम्‍छ न छुम्‍छ खाडल टयार जाट्‍न डामने।

२ पट्‍रुस 2:4

परमेश्‍वरै पाप जाट्‍च स्‍वर्गदूतकोलाक समेट च बाँकी माडासा, टर होखुरीककी नरकाङ लोम्‍ह याहा। होला होखुरीककी राछ न्‍यायौ डीनसम्‍मौ लागी छुम्‍ठाङ छ्‍याकार डामने।

१ युहन्‍ना 1:6

इडीक परमेश्‍वर खाटा कानुङ सङ्‍गटी ले डेयार चहीँ डेले टर छुम्‍ठाङ न व्‍हाले डेनाङ, कानै झुट ङाक्‍ले र सत्‍य कुराङ माव्‍हाले।

यहुडा 1:13

होखुरीक समुन्‍द्रौ बीर्‍हीमसेच डीयो छाल ल्‍याक्‍च न ले, होखुरीकै लहौ झीर्‌न सेच कुराको समुन्‍द्रौ घोचोस लेखा न बाहीर छ्‍युक्‍ले। होखुरीक लाम म्‍य्‍हाक्‍च टुगाको ल्‍याक्‍च न ले, होखुरीकुङ लागी नरकाङ बीर्‍हीमसेच छुम छुम डाङ्‍च ठाउँ सधैँभरीयो लागी टयार खासार डामने।

यहुडा 1:6

अनी लहो अधिकारौ ठाउँ डासार बाहीर व्‍हाच स्‍वर्गदूतकोलाक समेट परमेश्‍वरै होसे बाड्‍को न्‍याय छान्‍च डीनाङ सजाय याखी डेम सेन्‍र भीस्‍की माय्‍होक्‍च छुम्‍छ ठावाङ छ्‍याकार बन्‍धनाङ डामने।