युहन्‍ना 7:48 - पुर्वीय मगर

⁴⁸ ही कानुङ अगुवाको र फरीसीको मढ्‍याङ सुयेर होसे मीटाक विश्‍वास जाट्‍ने?

युहन्‍ना 7:48 ပူးပေါင်းရင်းမြစ်များ

मत्ती 11:25

होडीक बेला येशूये डेया, “ए बोइ, स्‍वर्ग र पृथ्‍वीयुङ प्रभु, ङा नाकोकी धन्‍यवाद डेले, हीजैडेनाङ नाकै इसे कुराको बुद्धिमान र समझदारी लकीङ आर्‌च्‍युकार डा, टर मार्‌जा बालखको ल्‍याक्‍चकोलाक होसे टान्‍हाका।

लुका 23:13

पिलातसै मुख्‍य पुजाहारीको, शासकको र भर्मीकोलाक भेला जाटा।

युहन्‍ना 12:42

र पनी वास्‍टै यहूदी अगुवाकै येशूमीटाक विश्‍वास जाटा। टर फरीसीको खाटा होखुरीक बीर्‍हीछ बाटै लहे जाट्‍च विश्‍वासौ बारेयाङ सुकीर माडेया, हीजैडेनाङ अरुकै इसे कुरा थाहा डीन्‍छ लेनाङ होखुरीककी यहूदीकुङ सभाङुच इमलकीङ छ्‍युक्‍ङ याछ लेया।

युहन्‍ना 3:1

होला काट जना निकोदेमस म्‍यार्‌मीन लेच भर्मी यहूदी महासभुङ सदस्‍य लेया, होसे फरीसी लेया।

युहन्‍ना 7:26

ङोस्‍नी, इसे च खुल्‍ला खाटा ङाक्‍ङन ले, टर होखुरीकै इसकी हीर माडेले! ही इसे न मुक्‍ति याछ ख्रीष्‍ट हो डेयार कानुङ अगुवाकै थाहा डीन्‍हा की य्‍हाले?

युहन्‍ना 7:49

इसे भीडाङ लेच भर्मीकै मोशौ व्‍यवस्‍था माव्‍हार्‌ले होटबाटै होखुरीक मीटाक परमेश्‍वरौ सराप पर्न भ्‍यामने।”

युहन्‍ना 7:50

होला लेच फरीसीको मढ्‍याङ काट जना निकोदेमस होसे अगाडी काट पल्‍ट नाबीक येशूकी डुप्‍की राम्‍हन्‍या, होचे डेया,

प्रेरित 6:7

होटै परमेश्‍वरौ बचन फैलडीस्‍चै नुङा र विश्‍वासीकुङ सङ्‌ख्‍या यरूशलेमाङ साफ्‍फी बट्‍डीसा। अनी वास्‍टै पुजाहारीकै र येशूकी विश्‍वास जाटा।