युहन्‍ना 7:35 - पुर्वीय मगर

³⁵ इसे सेयार यहूदी अगुवाकै मेखुरीक-मेखुरीक डेकी ठाला, “इसे भर्मी कुला नुङ्‍की पामने र, ‘नाखुरीकै ङाकी माडुप्‍ले’ डेले? ही इसको गीरीककुङ मीघ्‍याङ इलाक आलाक छरपस्‍ट छान्‍न ङुच यहूदीको लेठाङ नुङार ग्रीककोलाक पाहाक्‍की मीमन जाट्‍नने की य्‍हाले?

युहन्‍ना 7:35 ပူးပေါင်းရင်းမြစ်များ

मत्ती 12:21

अनी होच्‍यो न म्‍यार्‌मीनाङ जाटी-जाटीकै लहो आशा डाले।”

लुका 2:32

अन्‍यजाति भर्मीकोलाक प्रकाशौ लागी ज्‍योति र नाकुङ जाति इस्राएलीकोलाक महीमौ ज्‍योति।”

युहन्‍ना 12:20

होडीक बेला ग्रीकको र कुडीक जना छुटकारौ चाडाङ आराधना जाट्‍की डेम यरूशलेमाङ राम्‍हन्‍या।

युहन्‍ना 7:1

होटै न्‍हुइङ येशू गालील क्षेत्राङ छेर्‍हाम व्‍हा। होसको यहूदियाङ नुङ्‍की मीमन माजाटा, हीजैडेनाङ यहूदी अगुवाकै होसकोकी साट्‍की पामन्‍या।

युहन्‍ना 8:22

यहूदी अगुवाकै इसे कुरा सेयार मेखुरीक-मेखुरीक डेया, “इसे च आत्‍मा हट्‍या टी जाट्‍की पामे की य्‍हाले? हीजैडेनाङ इचे ‘ङा कुला नुङ्‍ले होला नाखुरीक राखी माय्‍होक्‍ले’ डेले।”

प्रेरित 11:18

पत्रुसौ इसे कुरा सेरखीङ यहूदी विश्‍वासीको होसकी दोष याखी डासार “अहो! परमेश्‍वरै अन्‍यजातिकोलाक र सेन्‍र मासीच जीवन डुप्‍कीयो लागी पश्‍चात्ताप जाट्‍च मौका याल्‍हेसा” डेयार परमेश्‍वरौ प्रशंसा जाटा।

प्रेरित 11:20

टर होखुरीक कुडीक जना चहीँ साइप्रस र कुरेनीयुङ विश्‍वासीको लेया र होखुरीक एन्‍टीओखीयाङ नुङार अन्‍यजातिकोलाक र प्रभु येशूओ बारेयाङ सेटाका।

प्रेरित 14:1

पावल र बारनाबास आइकोनीयन सहराङ यहूदीकुङ सभाङुच इमाङ नुङार इट डेयार ङाका, यहूदीकै र अन्‍यजातिकुङ बाड्‍को हुड्‍डै प्रभु येशू ख्रीष्‍टकी विश्‍वास जाटा।

प्रेरित 17:4

अनी होला लेचको मढ्‍याङ कुडीक जना यहूदी विश्‍वास जाट्‌चको पावल र सीलास खाटा लक्‍डीसा। इटजाट्‍न बाड्‍को सङ्‍ख्‍याङ परमेश्‍वरौ भक्‍टी जाट्‍च ग्रीकको र कुडीक जना म्‍यार्‌मीन क्‍योस्‍च मास्‍टोको र विश्‍वास जाटार होखुरीक पट्‍टी लग्‍डीसा।

प्रेरित 18:4

पावल म्‍हुङ बाट्‍च पट्‍ट डीनाङ सभा ङुच इमाङ नुङार बहस जाट्‍नन्‍या र यहूदी र ग्रीककोलाक बुझडीच कोसीस जाट्‍नन्‍या।

प्रेरित 21:21

होखुरीकै नाकुङ बारेयाङ र कुडीक कुरा सेमने, होसे ही डेनाङ, अन्‍यजातिकुङ मीघ्‍याङ ङुच यहूदीकोलाक नाकै ‘मोशौ व्‍यवस्‍थाकी मामन्‍डीकी र होखुरीकुङ मीजाकोलाक खतना माजाट्‍की अनी रीटीठीटी र मामन्‍डीकी’ डेयार पाहाक्‍ङने टा।

प्रेरित 22:21

अनी प्रभुये ङाकी डेया, ‘नुङ्‍ना, हीजैडेनाङ ङा नाङ्‍की अन्‍यजातिको लेठाङ लोस-लोससम्‍म बीर्‌न्‍हकाले।’”

१ टीमोठी 2:7

इच्यो लागी न प्रभुये ङाकी प्रचारक र प्रेरित खासार, परमेश्‍वरौ विश्‍वास र सत्‍यौ बारेयाङ अन्‍यजाति भर्मीकोलाक पाहाक्‍की र सेछ समाचार सेटाक्‍की डेम बीर्‌न्‍हकाच हो। ङै साँच्‍ची न डेच हो, ङा माढाट्‍डीले।

२ टीमोठी 1:11

परमेश्‍वरै इसे न सेछ समाचार सेटाक्‍कीयो लागी ङा प्रचारक र प्रेरित अनी शिक्षक छान्‍की भाका।

याकुब 1:1

परमेश्‍वर र प्रभु येशू ख्रीष्‍टौ सेवक ङा याकुब लकीङ संसारुङ ठाउँ-ठावाँङ छरपस्‍ट छानार ङुच परमेश्‍वरकी विश्‍वास जाट्‍च पट्‍ट न विश्‍वासीकोलाक ङा इसे चीठी रीक्‍ङन ले। नाखुरीक पट्‍टकी ङा झोर्‌ले!

१ पट्‍रुस 1:1

येशू ख्रीष्‍टौ प्रेरित छान्‍च ङा पत्रुसै पोन्‍टस, गलातीया, कापाडोकीया, एसीया र बिथनिया क्षेत्रकोवाङ परदेशी छानार टीटरबीटर छान्‍न ङुच परमेश्‍वरै चुन्‍डीच भर्मीकोलाक इसे चीठी रीक्‍ङन ले।