युहन्‍ना 7:33 - पुर्वीय मगर

³³ टर येशूये डेया, “ङा अझै र नाखुरीक खाटा काटछीन ङुले होटै न्‍हुइङ ङाकी बीर्‌न्‍हकाच लेठाङ ङा ल्‍हेसार नुङ्‍ले।

युहन्‍ना 7:33 ပူးပေါင်းရင်းမြစ်များ

मर्कूस 16:19

टब प्रभु येशू चेलाकोखाटा ङाक्‍ङ भ्‍यारखीङ होसको स्‍वर्गाङ गाराङ्‍ङ आल्‍हा, अनी परमेश्‍वरौ डोर मीहुट पट्‍टी ङुवा।

युहन्‍ना 13:1

अब यहूदीकुङ इसे छुटकारौ चाड अघी संसारलकीङ बिदा छानार बोइ लेठाङ नुङ्‍च बेला छान्‍नने डेच कुरा येशूकी थाहा लेया। होसकै संसाराङ लेच लहो चेलाकोलाक सढैँ माया जाट्‍नन्‍या, अनी होखुरीककी अन्‍टीम समय सम्‍म न माया जाटा।

युहन्‍ना 13:3

बोये लाहाकी पट्‍ट ठोकौ अधिकार याम्‍हने डेच कुरा येशूकी थाहा लेया, र परमेश्‍वरलकीङ राछ हो र परमेश्‍वर लेठाङ न ल्‍हेस्‍न न ले डेच कुरा र होसकोकी थाहा लेया।

युहन्‍ना 13:33

“ए ङौ मीजाको, ङा नाखुरीकखाटा कालाप बेर मट्‍टै ङुले। नाखुरीकै ङाकी पाले टर ङै यहूदी अगुवाकोलाक डेनाङ लेखा न नाखुरीककी र डेले, ‘ङा कुला नुङ्‍ङन ले, होला नाखुरीक राखी माय्‍होक्‍ले।’

युहन्‍ना 14:12

“साँच्‍ची न, ङा नाखुरीककी डेले, सुये ङाकी विश्‍वास जाट्‍ले, होचे ङै जाट्‍च काम र जाट्‍ले, र होसे डेनाङ बा-बाड्‍सो काम जाट्‍ले, हीजैडेनाङ ङा बोइलेठाङ नुङ्‍ङन ले।

युहन्‍ना 14:19

अब कालाप न्‍हुइङ संसारै ङाकी सेन्‍र माडाङ्‍ले, टर नाखुरीकै चहीँ ङाकी डाङ्‍ले। ङा फेरी जीवाच बाटै नाखुरीक र जीवाम ङुले।

युहन्‍ना 14:28

ङै ‘ङा नुङ्‍ङन ले, अनी फेरी ङा नाखुरीक लेठाङ ल्‍हेसार राल्‍हे’ डेच कुरा नाखुरीकै सेया। इडीक नाखुरीकै ङाकी साँच्‍ची न माया जाट्‍च लेनाङ ङा बोइ लेठाङ नुङ्‍ङन ले डेच कुरा सेयार नाखुरीक मार्‍हाङ्‍छ लेया, हीजैडेनाङ बोइ ङा डेनाङ महान ले।

युहन्‍ना 16:10

अनी होसकै परमेश्‍वरौ अगाडी ही ठीक ले, होसे कुरा टान्‍हाक्‍ङ याल्‍हे, हीजैडेनाङ ङा बोइलेठाङ नुङ्‍ले, र फेरी नाखुरीकै ङाकी माडाङ्‍ले।

युहन्‍ना 16:28

ङा परमेश्‍वर बोइलकीङ न संसाराङ राछ हो, अब ङा संसारकी डासार परमेश्‍वर बोइ लेठाङ न ल्‍हेस्‍न नुङ्‍ङन ले।”

युहन्‍ना 16:5

“अब चहीँ ङाकी बीर्‌न्‍हकाच लेठाङ ङा नुङ्‍ले, टर ‘नाको कुला नुङ्‌ङन ले?’ डेयार नाखुरीक सुयेर ङाकी मागीन्‍ने।

युहन्‍ना 17:11

अब ङा नाकोलेठाङ राम्‍हन ले। ङा इसे संसाराङ माङुले, टर इखुरीक च इसे संसाराङ ङुले। ए पवित्र बोइ, होटबाटै नाको र ङा काट छान्‍नाङ लेखा न नाकै ङाकी याछको र काट छान्‍की य्‍होक्‍ख्‍यौ डेम कुसे म्‍यार्‌मीन नाकै ङाकी याम्‍हने, होसे म्‍यार्‌मीनौ शक्‍तिये होखुरीककी जोगडीम डानी।

युहन्‍ना 17:13

“अब ङा नाकोलेठाङ राम्‍हन ले। होखुरीक ङौ आनन्‍दै न्‍हेप्‍ख्‍यौ डेयार ङै इसे कुराको ङा संसाराङ लेनाङ न होखुरीककी डेम याम्‍हने।

युहन्‍ना 20:17

येशूये होसकी डेया, “ङाकी घोम माडानी, हीजैडेनाङ ङा चाहाँसम्‍म बोइ लेठाङ मानुङ्‍ङने। टर ङौ चेलाको लेठाङ नुङार होखुरीककी डेम यान्‍ही, ‘ङौ बोइ र नाखुरीकुङ बोइ, ङौ परमेश्‍वर र नाखुरीकुङ परमेश्‍वर लेठाङ ङा नुङ्‍ङन ले।’”

युहन्‍ना 9:4

ङाकी बीर्‌न्‍हकाचौ कामको कानै डीन लेनाङ न जाट्‍की पर्‌ले। हीजैडेनाङ नाबीक छान्‍च पछी सुयेर काम जाट्‍की माय्‍होक्‍ले।