युहन्‍ना 7:30 - पुर्वीय मगर

³⁰ येशूकी यहूदी अगुवाकै घोकी पा, टर सुयेर होसकोकी मीहुट काकी माय्‍होका, हीजैडेनाङ होसकुङ समय अझै मार्‍हामन्‍या।

युहन्‍ना 7:30 ပူးပေါင်းရင်းမြစ်များ

मत्ती 12:14

टर फरीसीको बाहीर नुङा, अनी येशूकी कुटजाट्‍न साटीङ डेयार सल्‍लाह जाट्‍की ठाला।

मत्ती 21:46

अनी होखुरीकै होसकोकी घोकी पा, टर भर्मीको लकीङ बीर्‍हीया, हीजैडेनाङ भर्मीकै येशूकी अगमवक्‍ता हो डेम मन्‍डीमन्‍या।

मर्कूस 11:18

इसे कुरा मुख्‍य पुजाहारीको र धर्मगुरुकै सेया। सेरखीङ होखुरीकै येशूकी साट्‍च उपाया पाकी ठाला। होखुरीक येशू खाटा बीर्‍हीमन्‍या हीजैडेनाङ पट्‍ट न भर्मीको येशूओ शिक्षाङ अचम्‍म मन्‍डीमन्‍या।

लुका 20:19

होटै धर्मगुरुको र मुख्‍य पुजाहारीकै इसे उदाहरण मेखुरीकुङ विरोधाङ डेच हो डेम वार्‌हा होडीक न बेला येशूकी घोकी पा। टर होखुरीक भर्मीको खाटा बीर्‍हीम्‍या।

लुका 22:53

ङा परमेश्‍वरौ मन्‍दिराङ डीनहुँ नाखुरीक खाटा लेया। होडीक बेला च नाखुरीकै ङाकी माघोवा। टर अब छुम्‍छौ शक्‍तिये शासन जाट्‍नाङ नाखुरीकुङ काम जाट्‍च समय हो।”

युहन्‍ना 10:31

येशूओ कुरा सेयार यहूदी अगुवाकै फेरी होसकोकी ङाप्‍की डेम ल्‍हुङको ढुमा।

युहन्‍ना 10:39

इसे कुरा सेयार होखुरीकै फेरी येशूकी घोकी पा, टर होसको होखुरीकुङ मीहुटीङ भीसा।

युहन्‍ना 11:57

मुख्‍य पुजाहारी र फरीसीकै येशूकी घोकी मीमन जाट्‍नन्‍या। होटबाटै होखुरीकै येशू कुला ले डेम सुयेर थाहा डीन्‍हा डेनाङ होखुरीककी खबर याखी डेच आज्ञा याम्‍हन्‍या।

युहन्‍ना 7:19

ही मोशै नाखुरीककी व्‍यवस्‍था याछ होइन र? टर नाखुरीक सुयेर होसे व्‍यवस्‍थाकी मामन्‍डीले। अनी हीजै नाखुरीक ङाकी साट्‍की पाले?”

युहन्‍ना 7:32

येशूओ बारेयाङ भीडाङ लेच भर्मीकै खास्‍याक खुसुक ङाक्‍चै जाट्‍च फरीसीकै सेया। टब मुख्‍य पुजाहारीको र फरीसीको खाटार होसकोकी घोकी परमेश्‍वरौ मन्‍दिर रुङ्‍च सीपाहीकोलाक बीर्‌न्‍हका।

युहन्‍ना 7:6

येशूये होखुरीककी डेया, “ङौ लागी ठीक समय अझै मार्‍हामने टर नाखुरीकुङ लागी च पट्‍ट न समय ठीक न ले।

युहन्‍ना 7:8

नाखुरीक चाड मन्‍डीकी नुङ्‍नी। ङा चहीँ चाहाँ मानुङ्‍ले, हीजैडेनाङ ङौ समय अझै पुरा माछान्‍नने।”

युहन्‍ना 8:20

येशूये इसे कुराको परमेश्‍वरौ मन्‍दिराङ शिक्षा यान्‍हाङ भेटी काच बाकसौ छेवाङ डेच हो। टर सुयेर होसकोकी माघोवा, हीजैडेनाङ होसकुङ समय माटार्‍हामन्‍या।

युहन्‍ना 8:37

ङाकी थाहा ले, नाखुरीक अब्राहामौ सन्‍टानको हो। टर नाखुरीक ङाकी साट्‍की पाले, हीजैडेनाङ ङौ बचनौ लागी नाखुरीकुङ रीडयाङ ठाउँ माले।

युहन्‍ना 8:59

होटै न्‍हुइङ येशूकी ङाप्‍की डेम होखुरीकै ल्‍हुङको ढुमा, टर होसको आर्‌च्‍युहार मन्‍दिरलकीङ बाहीर ख्‍योहार नुङा।

युहन्‍ना 9:4

ङाकी बीर्‌न्‍हकाचौ कामको कानै डीन लेनाङ न जाट्‍की पर्‌ले। हीजैडेनाङ नाबीक छान्‍च पछी सुयेर काम जाट्‍की माय्‍होक्‍ले।