युहन्‍ना 7:26 - पुर्वीय मगर

²⁶ ङोस्‍नी, इसे च खुल्‍ला खाटा ङाक्‍ङन ले, टर होखुरीकै इसकी हीर माडेले! ही इसे न मुक्‍ति याछ ख्रीष्‍ट हो डेयार कानुङ अगुवाकै थाहा डीन्‍हा की य्‍हाले?

युहन्‍ना 7:26 ပူးပေါင်းရင်းမြစ်များ

मत्ती 22:16

होखुरीकै लहो चेलाकोलाक हेरोद राजौ भर्मीको खाटा येशूलेठाङ बीर्‌न्‍हका। होखुरीकै नुङार होसकोकी डेया, “ए गुरुज्‍यु, कान वार्‌ल्‍हे, नाको सत्‍य ङाक्‍ले, र परमेश्‍वरौ लाम सत्‍य खाटा पाहाक्‍ले। अनी भर्मीकै ही डेले औँला डेयार वास्‍टा र माजाट्‍ले, हीजैडेनाङ नाकै भर्मीकुङ मेङेर ङोसार काम माजाट्‍ले।

लुका 23:13

पिलातसै मुख्‍य पुजाहारीको, शासकको र भर्मीकोलाक भेला जाटा।

लुका 7:30

टर फरीसीको र व्‍यवस्‍थौ धर्मगुरुकै चहीँ युहन्‍ना लकीङ बप्‍तिस्‍मा मालाच बाटै परमेश्‍वरै होखुरीकुङ लागी खास्‍च योजनाकी मामन्‍डीया।

युहन्‍ना 12:42

र पनी वास्‍टै यहूदी अगुवाकै येशूमीटाक विश्‍वास जाटा। टर फरीसीको खाटा होखुरीक बीर्‍हीछ बाटै लहे जाट्‍च विश्‍वासौ बारेयाङ सुकीर माडेया, हीजैडेनाङ अरुकै इसे कुरा थाहा डीन्‍छ लेनाङ होखुरीककी यहूदीकुङ सभाङुच इमलकीङ छ्‍युक्‍ङ याछ लेया।

युहन्‍ना 18:20

येशूये होसकी डेया, “ङै पट्‍टकुङ म्‍याहासाङ पट्‍टये सेच जाट्‍न खुल्‍ला ठावाङ ङाक्‍ङने। ङै ङौ शिक्षा पट्‍ट न यहूदीको भेला छान्‍च सभाङुच इमकोवाङ र परमेश्‍वरौ मन्‍दिराङ याम्‍हने। ङै सुयेर थाहा माडीन्‍ह हीर माङाक्‍ने।

युहन्‍ना 3:1

होला काट जना निकोदेमस म्‍यार्‌मीन लेच भर्मी यहूदी महासभुङ सदस्‍य लेया, होसे फरीसी लेया।

युहन्‍ना 4:29

“रान्‍ही र काट जना भर्मीकी ङोस्‍नी। होसकै ङै जाट्‍च पट्‍ट न काम ङाकी डेम याहा। ही होसको न मुक्‍ति याछ ख्रीष्‍ट च होइन?”

युहन्‍ना 7:25

यरूशलेमुङ भर्मीको मढ्‍याङ कोइ-कोये डेया, “ही इसे न होइन होखुरीकै साट्‍की पाच भर्मी?

युहन्‍ना 7:31

होसे भीडाङ लेच भर्मीको वास्‍टै जनै येशूकी विश्‍वास जाटा अनी होखुरीकै डेया, “जब मुक्‍ति याछ ख्रीष्‍ट राल्‍हे, ही होसकै इसे भर्मीये डेनाङ वास्‍टै शक्‍तिशाली कामको जाट्‍ले र?”

युहन्‍ना 7:48

ही कानुङ अगुवाको र फरीसीको मढ्‍याङ सुयेर होसे मीटाक विश्‍वास जाट्‍ने?

युहन्‍ना 9:22

होच्‍यौ मोइ बोइ यहूदी अगुवाको खाटा बीर्‍हीछ बाटै मीजौ बारेयाङ होट डेच हो। हीजैडेनाङ सु-सुये येशूकी मुक्‍ति याछ ख्रीष्‍ट डेयार स्‍वीकार जाट्‍ले होखुरीककी सभाङुच इमलकीङ छ्‍युक्‍की पर्‌ले डेम यहूदी अगुवाकै अगाडी न सल्‍ल्‍हा जाट्‍न भ्‍यामन्‍या।

प्रेरित 4:13

जब होखुरीकै पत्रुस र युहन्‍नौ साहास डाङार होखुरीक अचम्‍म मन्‍डीया हीजैडेनाङ होखुरीक मापरेस्‍च साढारन भर्मीको लेसा र इखुरीक येशू खाटा र ङुमन्‍या डेम होखुरीकै थाहा डीन्‍हा।