युहन्‍ना 7:16 - पुर्वीय मगर

¹⁶ येशूये होखुरीककी डेया, “ङै पाहाक्‍च शिक्षा ङौ होइन, टर ङाकी बीर्‌न्‍हकाच परमेश्‍वर लकीङ राछ हो।

युहन्‍ना 7:16 ပူးပေါင်းရင်းမြစ်များ

युहन्‍ना 14:10

ङा बोइखाटा ले, र बोइ ङाखाटा ले डेच कुरा ही नाको विश्‍वास माजाट्‍ले? ङै नाखुरीककी डेच बचन ङाल्‍है न ङाक्‍च होइन, टर ङाखाटा लेच बोये न लहो काम ङा लकीङ जाट्‍नन ले।

युहन्‍ना 14:24

टर ङाकी माया माजाट्‍चकै ङौ शिक्षाकी मामन्‍डीले। नाखुरीकै सेच इसे बचन ङा लकीङ राछ होइन, टर ङाकी बीर्‌न्‍हकाच बोइ लकीङ न राछ हो।

युहन्‍ना 17:14

ङै होखुरीककी नाकुङ बचन याहा, टर संसारुङ भर्मीकै होखुरीककी घृणा जाटा, हीजैडेनाङ होखुरीक संसारुङ होइन, होटजाट्‍न न ङा र इसे संसारुङ होइन।

युहन्‍ना 17:8

हीजैडेनाङ कुसे बचन नाकै ङाकी याहा, होसे ङै होखुरीककी याम्‍हने, र होखुरीकै होसे ग्रहण जाट्‍नने। ङा नाकोलकीङ राछ हो डेच कुरा होखुरीकै साँच्‍ची न बुझडीस्‍नने। अनी नाकै ङाकी बीर्‌न्‍हकाच हो डेयार होखुरीकै विश्‍वास जाट्‍नने।

युहन्‍ना 3:11

साँच्‍ची न ङा नाकोकी डेले, कानै ही वार्‌न्‍हने होसे डेले, अनी ही डाङ्‍ङ ने होसे न सेटाक्‍ले, टर नाखुरीक कानै याछ गबाही स्‍वीकार माजाट्‍ले।

युहन्‍ना 3:31

ढेनाम स्‍वर्ग लकीङ राछ चहीँ पट्‍ट डेनाङ महान ले। संसार लकीङ राछ चहीँ संसारुङ न हो, होचे संसारुङ न कुरा ङाक्‍ले। स्‍वर्ग लकीङ राछ पट्‍ट डेनाङ महान ले।

युहन्‍ना 5:30

“ङा ङाल्‍है न हीर जाट्‍की माय्‍होक्‍ले। परमेश्‍वरै ही डेले होसे अनुसार ङा न्‍याय जाट्‍ले, अनी ङै जाट्‍च न्‍याय ठीक छान्‍ले, हीजैडेनाङ ङा ङाल्‍हौ इच्‍छा मापाले, टर ङाकी बीर्‌न्‍हकाचौ इच्‍छा पाले।

युहन्‍ना 6:44

ङाकी बीर्‌न्‍हकाच परमेश्‍वर बोये ङा लेठाङ राछ मीमन माय्‍हा डेनाङ सुर ङा लेठाङ राखी माय्‍होक्‍ले, ङा लेठाङ राछको जटीकी ङा अन्‍टीम डीनाङ सीच लकीङ जीवाटाक्‍ले।

युहन्‍ना 8:28

होटबाटै येशूये डेया, “जब नाखुरीकै भर्मीयो मीजाकी ढेनाम क्रूसाङ टङ्‍गडीयार गाराङ्‌ले, टब ङा सु हो होसे न हो डेम नाखुरीकै थाहा डीन्‍ल्‍हे। ङा ङाल्‍हौ अधिकारै हीर काम माजाट्‍ले, टर बोये ङाकी पाहाक्‍च कुराको मट्‍टै जाट्‌ले डेच कुरा र नाखुरीकै वार्‌ल्‍हे।

२ युहन्‍ना 1:9

ख्रीष्‍टौ शिक्षाकी डासार बाहीरुङ अरु कुरा पट्‍टी लक्‍डीस्‍च भर्मीखाटा परमेश्‍वर माङुले। टर होसकुङ शिक्षा माडास्‍न ङुच खाटा चहीँ बोइ र मीजा नीस न ङुले।