युहन्‍ना 6:70 - पुर्वीय मगर

⁷⁰ येशूये होखुरीककी जबाफ याहा, “ही ङा ङाल्‍है न नाखुरीक बार्‍ह जनाकी भाक्‍च होइन र? टर पनी नाखुरीक मढ्‍याङ काट जना चहीँ शैतानौ भर्मी हो।”

युहन्‍ना 6:70 ပူးပေါင်းရင်းမြစ်များ

युहन्‍ना 13:18

“ङै नाखुरीक पट्‍टओ विषयाङ डेच होइन, ङै सु सुकी भाक्‍ङने होखुरीककी ङा चीन्‍डीले। टर ‘ङाखाटा रोटो ज्‍याच भर्मी न ङौ विरोधी छानार सोवा’ डेयार धर्मशास्‍त्राङ रीक्‍च कुरा पुरा छान्‍की न पर्‌ले।

युहन्‍ना 13:2

येशू लहो चेलाकोखाटा नाबीलुङ ज्‍यामा ज्‍याच बेलाङ शैतानै सीमोन इस्‍करीयोटौ मीजा यहूदास इस्‍करीयोटौ मीमनाङ येशूकी घोवाक्‍ङ याछ बीचार अघीलकीङ न काम भ्‍यामन्‍या।

युहन्‍ना 13:21

इडीक कुरा डेम भ्‍याच न्‍हुइङ येशू मीमनाङ सार्‍है न ब्‍याकुल छाना, र चेलाकोलाक डेया, “साँच्‍ची न ङा नाखुरीककी डेले, नाखुरीकुङ मीघीङ न काट जनै ङाकी घोवाक्‍ङ याल्‍हे।”

युहन्‍ना 13:27

अनी यहूदासै रोटो लाच बीट्‍टीकै होसे भीत्री शैतान पर्‌या र येशूये होसकी डेया, “नाकै ही जाट्‍की पाच हो होसे छीटो जाट्‍की क्‍योट्‍नी।”

युहन्‍ना 15:16

नाखुरीकै ङाकी मारोजडीया, टर ङै नाखुरीककी रोजडीया। नाखुरीक नुङार सढैँ भरी ङुच मीस्‍या स्‍याटाक्‍नी डेयार ङै नाखुरीककी खटडीमने, नुङ्‍नी र मीस्‍या स्‍याटाक्‍नी। बोइखाटा ङौ म्‍यार्‌मीनाङ ही ङेल्‍हे, होसकै नाखुरीककी होसे याल्‍हे।

युहन्‍ना 15:19

इडीक नाखुरीक इसे संसारुङ भर्मी हो डेनाङ च होखुरीकै नाखुरीककी लहो मन्‍डीयार जाक्‍च लेया। टर नाखुरीक इसे संसारुङ होइन। नाखुरीककी ङै संसारलकीङ भाक्‍च हो, होटबाटै संसारै नाखुरीककी घृणा जाट्‍ले।

युहन्‍ना 17:12

कुसे म्‍यार्‌मीन नाकै ङाकी याम्‍हन्‍या, ङा होखुरीक खाटा लेनाङ ङै होखुरीककी होसे न म्‍यार्‌मीनौ शक्‍तिये जोगडीयार डा। अनी नास छान्‍की पर्च भर्मी बाहेक ङै सुकीर नास छान्‍की माय्‍हा टर सुरक्‍छीट डा, होटबाटै धर्मशास्‍त्राङ रीक्‍च बचन पुरा छान्‍की न पर्च लेया।

युहन्‍ना 2:2

येशू र मेकुङ चेलाकोलाक र होसे ब्‍याहाङ आर्‌घामन्‍या।

युहन्‍ना 20:24

पहीलो खेप येशू बार्‍ह जना चेलाको लेठाङ रान्‍हाङ होखुरीक मढ्‍युङ काट जना डीडुमस डेच थोमा चहीँ होडीक बेला होखुरीक खाटा मालेया।

युहन्‍ना 6:64

टर नाखुरीकमढ्‍याङ कुडीक जनै ङाकी विश्‍वास माजाट्‍ले।” (हीजैडेनाङ विश्‍वास माजाट्‍चको सु-सु छान्‍ले, अनी लाहाकी ढोका याछ सु छान्‍ले डेच कुरा येशूकी सुरुलकीङ न थाहा लेया।)

युहन्‍ना 6:67

येशूये बार्‍ह जना चेलाकोलाक गीना, “ही नाखुरीक र ङाकी डासार नुङ्‍ले?”

युहन्‍ना 6:71

इसे कुरा येशूये सीमोन इस्‍करीयोटौ मीजा यहूदासौ बारेयाङ डेमन्‍या, हीजैडेनाङ बार्‍ह जना चेलामढ्‍युङ लेनाङ र होचे येशूकी ढोका याखी पामन्‍या।

युहन्‍ना 8:44

नाखुरीक च नाखुरीकुङ बोइ शैतानौ सन्‍टानको हो, र नाखुरीकुङ बोयो इच्‍छा पुरा जाट्‍च नाखुरीकुङ मीमन ले। होसे च सुरुलकीङ न ज्‍यानमारा हो। र होचे सत्‍यकी घृणा जाट्‍ले, हीजैडेनाङ होसखाटा हीर सत्‍य माले। होचे मेन न स्‍वभाव अनुसार झुटो ङाक्‍ले। होसे झुटो हो र झुटौ न बोइ हो।

प्रेरित 1:17

यहूदास र कान खाटा न हील्‍नन्‍या र इसे सेवाङ होचे र भाग डुप्‍मन्‍या।”

प्रेरित 13:10

“ए शैतानौ मीजा, पट्‍ट धार्मिकतौ शत्रु, दुष्‍ट र झुटो कुरै न्‍हेप्‍च! ही नाङ प्रभुओ सोझो लाम बाङ्‍गडीकी माडास्‍ले?

१ टीमोठी 3:11

इटजाट्‍न न डीकनकुङ मास्‍टोको र बडनाम माछान्‍च, अरुकुङ निन्‍दा माजाट्‍च, टर लाहाकी अढीनाङ डार पट्‍ट कुराकोवाङ विश्‍वासी छानार आदर डुप्‍की ज्‍योस्‍च छान्‍की पर्‌ले।

टीटस 2:3

होटजाट्‍न न बुढी भर्मीकोलाक सेछ चालचलन पाहाक्‍नी होसे कुरै परमेश्‍वरकी आदर छान्‍ले, फोकोकी होटन डोस मालैडीकी र हान रक्‍सी गार माम्‍होर्‌की। कुसे कुरा सेछ ले, होसे कुराको मट्‍टै होखुरीकै पाहाक्‍ख्‍यो।

१ युहन्‍ना 3:8

पाप जाट्‍न ङुच चहीँ शैतानौ भर्मी हो। शैतानै सुरुलकीङ न पाप जाट्‍न राम्‍हने। होटबाटै शैतानौ कामकी नास जाट्‍की डेम परमेश्‍वरौ मीजा संसाराङ राछ हो।