युहन्‍ना 6:57 - पुर्वीय मगर

⁵⁷ जीबीट बोये ङाकी बीर्‌न्‍हका, र ङा बोयौ कारनै जीवाले। होटजाट्‍न न सुये ङाकी ज्‍याले होखुरीक ङौ कारनै जीवाले।

युहन्‍ना 6:57 ပူးပေါင်းရင်းမြစ်များ

मत्ती 16:16

सीमोन पत्रुसै डेया, “नाको जीवाच परमेश्‍वरौ मीजा मुक्‍ति याछ ख्रीष्‍ट हो।”

युहन्‍ना 14:19

अब कालाप न्‍हुइङ संसारै ङाकी सेन्‍र माडाङ्‍ले, टर नाखुरीकै चहीँ ङाकी डाङ्‍ले। ङा फेरी जीवाच बाटै नाखुरीक र जीवाम ङुले।

युहन्‍ना 14:6

येशूये होसकी डेया, “लाम, सत्‍य र जीवन ङा न हो। ङा लकीङ बाहेक कुसे भर्मी र बोइ लेठाङ राखी माय्‍होक्‍ले।

युहन्‍ना 17:21

होखुरीक पट्‍ट न काट छान्‍ख्‍यौ। ए बोइ, कुटजाट्‍न नाको ङाखाटा ले, र ङा नाकोखाटा ले, होटजाट्‍न न होखुरीक र कानखाटा काट न छान्‍ख्‍यौ, होटबाटै नाकै ङाकी बीर्‌न्‍हकाच हो डेयार संसारुङ भर्मीकै विश्‍वास जाट्‍ले।

युहन्‍ना 3:17

परमेश्‍वरै संसारुङ भर्मीकोलाक दोषी ठहरीकी डेयार लहो मीजाकी बीर्‌न्‍हकाच होइन, टर होखुरीककी जीवाक्‍की डेम बीर्‌न्‍हकाच हो।

युहन्‍ना 5:26

परमेश्‍वर बोइ खाटा जीवन याछ शक्‍तिले, होसे न शक्‍ति होसकै लहो मीजाकी र याम्‍हने।

युहन्‍ना 6:29

येशूये होखुरीककी डेया, “परमेश्‍वरै बीर्‌न्‍हकाचकी विश्‍वास जाट्‍नी, इसे न परमेश्‍वरै मीमन जाट्‍च काम हो।”

युहन्‍ना 6:38

हीजैडेनाङ ङाल्‍हौ इच्‍छा पुरा जाट्‍की डेम ङा स्‍वर्ग लकीङ झाल्‍न राछ होइन, टर ङाकी बीर्‌न्‍हकाचौ इच्‍छा पुरा जाट्‍की डेम ङा राछ हो।

१ ठेसलोनीकी 1:9

जब कान नाखुरीक लेठाङ राहा टब नाखुरीकै कुटजाट्‍न स्‍वागट जाट्‍नन्‍या, अनी मूर्ति पुजा जाट्‍की डासार जीवीत र साँचो परमेश्‍वर पट्‍टी ल्‍हेसार होसकुङ न सेवा जाट्‍चको छाना। याङ्‍च कुरा होखुरीक पट्‍ट भर्मीकै मेखुरीकै न डेले।

१ युहन्‍ना 4:9

परमेश्‍वरै काल्‍हाकी लहो प्रेम इटजाट्‍न टान्‍हाका, की होसकुङ मीजा लकीङ कानै सेन्‍र मासीच जीवन डुप्‍ख्‍यौ डेयार होसकै लहो काट्‍जा मीजाकी र संसाराङ बीर्‌न्‍हका।