युहन्‍ना 6:53 - पुर्वीय मगर

⁵³ येशूये होखुरीककी डेया, “साँच्‍ची न ङा नाखुरीककी डेले, इडीक नाखुरीकै भर्मीयो मीजौ डेह माज्‍याले र य्‍हु मागाले डेनाङ नाखुरीक खाटा सेन्‍र मासीच जीवन माछान्‍ने।

युहन्‍ना 6:53 ပူးပေါင်းရင်းမြစ်များ

मत्ती 18:3

र डेया, “साँच्‍ची न ङा नाखुरीककी डेले, लहो मीमन परिवर्तन जाटार नाखुरीक मार्‌जा जजाको लेखा न माछाना डेनाङ सेन्‍र स्‍वर्गौ राज्‍याङ पर्‌की माय्‍होक्‍ले।

मत्ती 5:18

हीजैडेनाङ ङा साँच्‍ची न नाखुरीककी डेले, जबसम्‍म स्‍वर्ग र पृथ्‍वी म्‍हाटार मानुङ्‍ले टब सम्‍म व्‍यवस्‍थाङ लेच पट्‍ट न कुराको पुरा माछान्‍ठर कुसे कीसीमै र व्‍यवस्‍थालकीङ मार्‌जा-मार्‌जा कुराको र म्‍हाटार मानुङ्‍ले।

मत्ती 8:20

येशूये होसकी डेया, “सीलौ ओडार र ग्‍वाजाकुङ मीम छान्‍ले। टर भर्मीयो मीजौ लागी च मीटालु ठोन्‍होक्‍च ठाउँ र माले।”

लुका 13:3

टर ङा नाखुरीककी डेले, होङ्‌च होइन! इडीक नाखुरीकै पापको डासार परमेश्‍वर पट्‌टी माल्‍हेसा डेनाङ, नाखुरीक र होटजाट्‍न न नास छान्‍ले।

लुका 13:5

टर ङा नाखुरीककी डेले, होट होइन! नाखुरीकै पापको डासार परमेश्‍वर पट्‌टी माल्‍हेसा डेनाङ नाखुरीक र होटजाट्‍न न सीले।”

युहन्‍ना 13:8

पत्रुसै डेया, “नाकै ङौ मीहील सेन्‍र हुर्‌की माछान्‍ले।” येशूये होसकी डेया, “इडीक ङै नाकुङ मीहील हुर्‌न माय्‍हा डेनाङ नुओ ङाखाटा हीर सम्‍बन्‍ध माछान्‍ले।”

युहन्‍ना 15:4

ङाखाटा ङुनी, र ङा नाखुरीकखाटा ङुले। कुटजाट्‍न हाँगाकै म्‍यार्‌टुङ खाटा माङुवा डेनाङ होखुरीक लहे न मीस्‍या स्‍याटाक्‍की माय्‍होक्‍ले, होटजाट्‍न न ङाखाटा माङुवा डेनाङ नाखुरीकै र मीस्‍या स्‍याटाक्‍की माय्‍होक्‍ले।

युहन्‍ना 3:3

येशूये होसकी डेया, “साँच्‍ची न ङा नाङ्‍की डेले, सुर नयाँ जाट्‍न माजन्‍मडीसा डेनाङ होचे परमेश्‍वरौ राज्‍यकी डाङ्‍की माय्‍होक्‍ले।”

युहन्‍ना 3:36

सु-सुये परमेश्‍वरौ मीजा मीटाक विश्‍वास जाट्‍ले होखुरीकै सेन्‍र मासीच जीवन डुप्‍ले। टर मीजौ आज्ञा मामन्‍डीचकै चहीँ होसे जीवन माडुप्‍ले, टर परमेश्‍वरौ मीरीस होखुरीक मीटाक ङुम न ङुले।

युहन्‍ना 3:5

येशूये डेया, “साँच्‍ची न ङा नाकोकी डेले, डी र आत्‍मा लकीङ माजन्‍मडीस्‍ठर सुर परमेश्‍वरौ राज्‍याङ पर्‌की माय्‍होक्‍ले।

युहन्‍ना 6:47

“साँच्‍ची न ङा नाखुरीककी डेले, सुये विश्‍वास जाट्‍ले, होसे खाटा सेन्‍र मासीच जीवन ले।

युहन्‍ना 6:51

स्‍वर्ग लकीङ झाल्‍न राछ जीबीट रोटो ङा न हो। इसे रोटो सुये ज्‍याले होसे सढैँभरी जीवाम ङुले। ङै याछ होसे रोटो चहीँ ङौ डेह हो। संसारुङ भर्मीकै सेन्‍र मासीच जीवन डुप्‍ख्‍यौ डेयार ङा ङौ डेह याल्‍हे।”

युहन्‍ना 6:55

हीजैडेनाङ ङौ डेह साँच्‍ची न ज्‍याच कुरा हो, र ङौ य्‍हु साँच्‍ची न गाच कुरा हो।

युहन्‍ना 6:62

होट डेनाङ भर्मीयो मीजाकी पहीला कुला लेया, होला न स्‍वर्गवाङ ल्‍हेस्‍चै जाट्‍च डाङा डेनाङ ही आर्‌मीट्‍ले?

१ युहन्‍ना 5:12

सुखाटा परमेश्‍वरौ मीजा ले, होसेखाटा सेन्‍र मासीच जीवन छान्‍ने, टर सुखाटा परमेश्‍वरौ मीजा माछान्‍ने, होसेखाटा सेन्‍र मासीच जीवन माछान्‍ने।