युहन्‍ना 6:5 - पुर्वीय मगर

⁵ येशूये ङोस्‍नाङ भर्मीकुङ बाड्‍को भीड लाहा पट्‍टी राम्‍हन लेच डाङार फीलीपकी डेया, “इसे भर्मीकोलाक कास्‍की कानै रोटो कुटै लोवार राक्‍की य्‍होक्‍ले?”

युहन्‍ना 6:5 ပူးပေါင်းရင်းမြစ်များ

मत्ती 15:33

चेलाकै डेया, “इडीक वास्‍टै भर्मीकोलाक कास्‍की इसे हीर मालेच ठावाङ कानै कुटै ज्‍याच ठोक राक्‍की?”

मर्कूस 6:32

होटबाटै येशू र मेखोल्‍हौ चेलाको डुङ्‍गाङ काल्‍हार काट पट्‍टी सुर मालेच ठावाङ नुङा।

लुका 9:10

बार्‍ह जना प्रेरितको सेछ समचार सेटाक्‍ङ ल्‍हेस्‍रखीङ मेखुरीकै जाट्‍च पट्‍ट न कुराको येशूकी सेटाका। होटै होसकै होखुरीककी लार मेखुरीक मट्‍टै बेथसेदा डेच सहराङ नुङा।

युहन्‍ना 1:43

पीउर्‍हाक लेखो येशूये गालीलाङ नुङ्‍च नीढो जाटार ख्‍योव्‍हा। होडीक न बेला होसकै फीलीपकी डुपार डेया, “ङाकी डुटो।”

युहन्‍ना 1:44

अन्‍द्रियास र पत्रुस लेखा न फीलीप र बेथसेदा सहरुङ भर्मी लेया।

युहन्‍ना 1:45

फीलीपै नथानेलकी डुपार डेया, “सुओ बारेयाङ मोशै व्‍यवस्‍थाङ र अगमवक्‍ताकै र रीक्‍ङन्‍या, होसकोकी कानै डुपा। होसको च नासरतुङ योसेफौ मीजा येशू टी लेसा ट।”

युहन्‍ना 1:46

नथानेलै डेया, “ही नासरतलकीङ कुसेर सेछ कुरा राखी य्‍होक्‍ले र?” फीलीपै होसकी डेया, “राहार ङोस्‍नी।”

युहन्‍ना 1:48

नथानेलै गीना, “नाकै ङाकी कुटजाट्‍न चीन्‍डीया?” येशूये जवाफ याहा, “फीलीपै नाङ्‍की आर्‌घाकी डेनाङ अघी नाङ अन्‍जीरौ म्‍यार्‌टुङ म्‍होकी लेनाङ न ङै नाङ्‍की डाङ्‍न्‍या।”

युहन्‍ना 4:35

नाखुरीक डेले, ‘बाली म्‍हीन्‍की अझै बुली महीना लक्‍डीस्‍ले’ टर ङा नाखुरीककी डेले, बारी पट्‍टी सेम्‍हजा ङोस्‍नी, बाली म्‍हीन्‍न भ्‍यामने अब चेच बेला छाना।