युहन्‍ना 6:47 - पुर्वीय मगर

⁴⁷ “साँच्‍ची न ङा नाखुरीककी डेले, सुये विश्‍वास जाट्‍ले, होसे खाटा सेन्‍र मासीच जीवन ले।

युहन्‍ना 6:47 ပူးပေါင်းရင်းမြစ်များ

युहन्‍ना 11:26

अनी ङाकी विश्‍वास जाटार जीवाच पछी होसे भर्मी सेन्‍र मासीले। ही इसे कुरा नाङ विश्‍वास जाट्‍ले?”

युहन्‍ना 14:19

अब कालाप न्‍हुइङ संसारै ङाकी सेन्‍र माडाङ्‍ले, टर नाखुरीकै चहीँ ङाकी डाङ्‍ले। ङा फेरी जीवाच बाटै नाखुरीक र जीवाम ङुले।

युहन्‍ना 3:16

हीजैडेनाङ परमेश्‍वरै संसारुङ भर्मीकोलाक याङ्‍च प्रेम जाटा, की होसकै लहो काटजा मीजाकी र याहा। होसकोकी विश्‍वास जाट्‍च सुर नास माछान्‍ले, टर होचे सेन्‍र मासीच जीवन डुप्‍ले।

युहन्‍ना 3:18

सु-सुये होसको मीटाक विश्‍वास जाट्‍ले, होखुरीक दोषी माठहरीस्‍ले, टर विश्‍वास माजाट्‍चको चहीँ अघीलकीङ न दोषी ठहरीस्‍नने, हीजैडेनाङ होखुरीकै परमेश्‍वरौ काट मट्‍टै मीजौ म्‍यार्‌मीनाङ विश्‍वास माजाट्‍नने।

युहन्‍ना 3:36

सु-सुये परमेश्‍वरौ मीजा मीटाक विश्‍वास जाट्‍ले होखुरीकै सेन्‍र मासीच जीवन डुप्‍ले। टर मीजौ आज्ञा मामन्‍डीचकै चहीँ होसे जीवन माडुप्‍ले, टर परमेश्‍वरौ मीरीस होखुरीक मीटाक ङुम न ङुले।

युहन्‍ना 5:24

“साँच्‍ची न, ङा नाखुरीककी डेले, सुये ङौ बचन सेले र ङाकी बीर्‌न्‍हकाचकी विश्‍वास जाट्‍ले, होसेखाटा सेन्‍र मासीच जीवन ले। होसे न्‍यायौ डीनाङ दोषी माठहरीस्‍ले, टर होसे सीच लकीङ सेन्‍र मासीच जीवनाङ सरीस्‍न भ्‍याच छान्‍ले।

युहन्‍ना 6:27

नास छानार नुङ्‍च ज्‍याच ठोकौ लागी काम माजाट्‍नी, टर सेन्‍र मासीच जीवन याछ ज्‍याच ठोकौ लागी काम जाट्‍नी। इसे सेन्‍र मासीच जीवन याछ ज्‍याच ठोक नाखुरीककी भर्मीयो मीजै याल्‍हे हीजैडेनाङ परमेश्‍वर बोये इसे कामौ लागी होसकोकी अधिकार याम्‍हने।”

युहन्‍ना 6:40

हीजैडेनाङ ङौ बोयो इच्‍छा इसे न हो, मीजाकी ङोस्‍च र होसे मीटाक विश्‍वास जाट्‍च पट्‍टकै सेन्‍र मासीच जीवन डुप्‍ख्‍यौ, र ङा होखुरीककी अन्‍टीम डीनाङ सीच लकीङ जीवाटाक्‍ले।”

युहन्‍ना 6:50

टर स्‍वर्ग लकीङ झाल्‍न राछ रोटो ज्‍याचको चहीँ सेन्‍र मासीले।

युहन्‍ना 6:51

स्‍वर्ग लकीङ झाल्‍न राछ जीबीट रोटो ङा न हो। इसे रोटो सुये ज्‍याले होसे सढैँभरी जीवाम ङुले। ङै याछ होसे रोटो चहीँ ङौ डेह हो। संसारुङ भर्मीकै सेन्‍र मासीच जीवन डुप्‍ख्‍यौ डेयार ङा ङौ डेह याल्‍हे।”

युहन्‍ना 6:54

टर सुये ङौ डेह ज्‍याले र ङौ य्‍हु गाले होसेखाटा चहीँ सेन्‍र मासीच जीवन छान्‍ने, अनी अन्‍टीम डीनाङ ङा होसकी सीच लकीङ जीवाटाक्‍ले।

युहन्‍ना 6:58

स्‍वर्ग लकीङ राछ इसे रोटो चहीँ नाखुरीकुङ बोइ-बाज्‍युकै ज्‍याच मन्‍न ल्‍याक्‍च होइन। हीजैडेनाङ होखुरीकै होसे ज्‍यानाङ र सीम नुङा। टर ङै याछ रोटो ज्‍याचको चहीँ सधैँभरी जीवाम ङुले।”