युहन्‍ना 6:40 - पुर्वीय मगर

⁴⁰ हीजैडेनाङ ङौ बोयो इच्‍छा इसे न हो, मीजाकी ङोस्‍च र होसे मीटाक विश्‍वास जाट्‍च पट्‍टकै सेन्‍र मासीच जीवन डुप्‍ख्‍यौ, र ङा होखुरीककी अन्‍टीम डीनाङ सीच लकीङ जीवाटाक्‍ले।”

युहन्‍ना 6:40 ပူးပေါင်းရင်းမြစ်များ

मत्ती 10:15

साँच्‍ची न, ङा नाखुरीककी डेले, न्‍यायौ डीनाङ होसे सहरौ डसा डेनाङ बरु सदोम र गमोरौ डसा सहडीकी य्‍होक्‍च छान्‍ले।

मत्ती 25:46

अनी होखुरीकै चहीँ सढैँ भरीयो लागी दन्‍ड डुप्‍ले, टर धर्मी भर्मीकै चहीँ सेन्‍र मासीच जीवन डुप्‍ले।”

मर्कूस 16:16

विश्‍वास जाटार बप्‍तिस्‍मा लाचये उडार डुप्‍ले, टर विश्‍वास माजाट्‍च चहीँ दोषी ठहरीस्‍ले।

लुका 2:30

हीजैडेनाङ ङौ मीमीकै नाकुङ उद्धार डाङ्‍नने।

युहन्‍ना 1:14

अनी बचन भर्मी छानार काल्‍हौ मीघ्‍याङ बास जाटा। होसको अनुग्रह र सत्‍यै न्‍हेप्‍च लेया। कानै होसकुङ बाड्‍को महीमा डाङा, होसे महीमा बोइलकीङ राछ काट मट्‍टै लेन्‍जा मीजौ लेया।

युहन्‍ना 10:28

ङा होखुरीककी सेन्‍र मासीच जीवन याल्‍हे, अनी होखुरीक सेन्‍र नास माछान्‍ने। सुयेर होखुरीककी ङा लकीङ स्‍याटार आल्‍खी माय्‍होक्‍ले।

युहन्‍ना 11:24

मार्‌ठै येशूकी डेया, “ङा वार्‌ल्‍हे, अन्‍टीम डीनाङ सीचको जीवाम सोनाङ ङौ भाइ र फेरी जीवाम सोले।”

युहन्‍ना 11:25

येशूये मार्‌ठाकी डेया, “सीच लकीङ जीवाक्‍च र जीवन याछ ङा न हो। ङाकी विश्‍वास जाट्‍चको सीनाङ र जीवाले।

युहन्‍ना 12:45

अनी सुये ङाकी डाङ्‍ले, होचे ङाकी बीर्‌न्‍हकाचकी र डाङ्‍ले।

युहन्‍ना 12:50

ङा वार्‌ल्‍हे, होसकुङ आग्‍यै सेन्‍र मासीच जीवन याल्‍हे। होटबाटै ङा ही ङाक्‍ले, होसे पट्‍ट न बोये ङाकी डेकी लैडीच अनुसार न ङा ङाक्‍ले।”

युहन्‍ना 14:17

होसको सत्‍यौ आत्‍मा हो। टर संसारै होसकोकी स्‍वीकार माजाट्‍ले। हीजैडेनाङ संसारै होसकोकी न डाङ्‍ले न चीन्‍डीले। टर नाखुरीकै चहीँ होसकोकी चीन्‍डीले, हीजैडेनाङ होसको नाखुरीकखाटा ङुले, र नाखुरीक भीत्री बास जाट्‍ले।

युहन्‍ना 14:19

अब कालाप न्‍हुइङ संसारै ङाकी सेन्‍र माडाङ्‍ले, टर नाखुरीकै चहीँ ङाकी डाङ्‍ले। ङा फेरी जीवाच बाटै नाखुरीक र जीवाम ङुले।

युहन्‍ना 17:2

हीजैडेनाङ नाकै होसकी पट्‍ट न भर्मीकोमीटाक अधिकार याम्‍हने, होटबाटै नाकै याछ पट्‍टकी होचे सेन्‍र मासीच जीवन याख्‍यौ।

युहन्‍ना 3:36

सु-सुये परमेश्‍वरौ मीजा मीटाक विश्‍वास जाट्‍ले होखुरीकै सेन्‍र मासीच जीवन डुप्‍ले। टर मीजौ आज्ञा मामन्‍डीचकै चहीँ होसे जीवन माडुप्‍ले, टर परमेश्‍वरौ मीरीस होखुरीक मीटाक ङुम न ङुले।

युहन्‍ना 4:14

टर ङै याछ डी गाचको चहीँ फेरी सेन्‍र डी मासोन्‍ल्‍हे। हीजैडेनाङ ङै याछ डी होसे भीत्री गीट्न ङुच डीयो मुल छान्‍ले र होचे होसकी सेन्‍र मासीच जीवन याल्‍हे।”

युहन्‍ना 5:24

“साँच्‍ची न, ङा नाखुरीककी डेले, सुये ङौ बचन सेले र ङाकी बीर्‌न्‍हकाचकी विश्‍वास जाट्‍ले, होसेखाटा सेन्‍र मासीच जीवन ले। होसे न्‍यायौ डीनाङ दोषी माठहरीस्‍ले, टर होसे सीच लकीङ सेन्‍र मासीच जीवनाङ सरीस्‍न भ्‍याच छान्‍ले।

युहन्‍ना 6:27

नास छानार नुङ्‍च ज्‍याच ठोकौ लागी काम माजाट्‍नी, टर सेन्‍र मासीच जीवन याछ ज्‍याच ठोकौ लागी काम जाट्‍नी। इसे सेन्‍र मासीच जीवन याछ ज्‍याच ठोक नाखुरीककी भर्मीयो मीजै याल्‍हे हीजैडेनाङ परमेश्‍वर बोये इसे कामौ लागी होसकोकी अधिकार याम्‍हने।”

युहन्‍ना 6:39

ङाकी बीर्‌न्‍हकाचौ इच्‍छा इसे न हो, होसकै ङाकी याछको मढ्‍याङ सुकीर माम्‍हास्‍की, टर होखुरीककी अन्‍टीम डीनाङ सीच लकीङ जीवाटाक्‍की हो।

युहन्‍ना 6:44

ङाकी बीर्‌न्‍हकाच परमेश्‍वर बोये ङा लेठाङ राछ मीमन माय्‍हा डेनाङ सुर ङा लेठाङ राखी माय्‍होक्‍ले, ङा लेठाङ राछको जटीकी ङा अन्‍टीम डीनाङ सीच लकीङ जीवाटाक्‍ले।

युहन्‍ना 6:54

टर सुये ङौ डेह ज्‍याले र ङौ य्‍हु गाले होसेखाटा चहीँ सेन्‍र मासीच जीवन छान्‍ने, अनी अन्‍टीम डीनाङ ङा होसकी सीच लकीङ जीवाटाक्‍ले।

युहन्‍ना 8:56

नाखुरीकुङ पुर्‌खा अब्राहामै ङा राछ डीन डाङ्‍की खुब मीमन जाट्‍नन्‍या। होचे डाङार खुब मार्‍हाङा।”

१ पट्‍रुस 1:8

नाखुरीकै येशू ख्रीष्‍टकी माडाङ्‌नाङ र प्रेम जाट्‍नने। होसकोकी नाखुरीकै माडाङ्‍ने र पनी होसको मीटाक विश्‍वास जाट्‍नने। अनी बयान न जाट्‍की माय्‍होक्‍च बाड्‍को महीमीत आनन्‍दये नाखुरीकुङ मीमन न्‍हेप्‍मने।

१ युहन्‍ना 2:25

अनी मीजै याल्‍हे डेयार काल्‍हा खाटा जाट्‍च प्रतिज्ञा चहीँ सेन्‍र मासीच जीवन न हो।

यहुडा 1:21

लाहाकी परमेश्‍वरौ प्रेमाङ डानी र सेन्‍र मासीच जीवनौ लागी कानुङ प्रभु येशू ख्रीष्‍टौ दयाकी लेन्‍नाङ इट जाट्‍नी।