युहन्‍ना 6:38 - पुर्वीय मगर

³⁸ हीजैडेनाङ ङाल्‍हौ इच्‍छा पुरा जाट्‍की डेम ङा स्‍वर्ग लकीङ झाल्‍न राछ होइन, टर ङाकी बीर्‌न्‍हकाचौ इच्‍छा पुरा जाट्‍की डेम ङा राछ हो।

युहन्‍ना 6:38 ပူးပေါင်းရင်းမြစ်များ

मत्ती 20:28

होटजाट्‍न न भर्मीयो मीजा र सेवा डुप्‍की होइन टर सेवा जाट्‍की र वास्‍टै जनौ छुट्कारौ लागी लहो जीवन याखी राछ हो।”

युहन्‍ना 3:13

स्‍वर्ग लकीङ झाल्‍न राछ भर्मीयो मीजा बाहेक अरु सुर ढेनाम स्‍वर्गाङ मानुङ्‍ने।

युहन्‍ना 3:17

परमेश्‍वरै संसारुङ भर्मीकोलाक दोषी ठहरीकी डेयार लहो मीजाकी बीर्‌न्‍हकाच होइन, टर होखुरीककी जीवाक्‍की डेम बीर्‌न्‍हकाच हो।

युहन्‍ना 3:31

ढेनाम स्‍वर्ग लकीङ राछ चहीँ पट्‍ट डेनाङ महान ले। संसार लकीङ राछ चहीँ संसारुङ न हो, होचे संसारुङ न कुरा ङाक्‍ले। स्‍वर्ग लकीङ राछ पट्‍ट डेनाङ महान ले।

युहन्‍ना 4:34

येशूये होखुरीककी डेया, “ङौ ज्‍याच कुरा चहीँ ङाकी बीर्‌न्‍हकाचौ इच्‍छा अनुसार होसकुङ काम पुरा जाट्‍की हो।

युहन्‍ना 5:19

येशूये होखुरीककी डेया, “साँच्‍ची न ङा नाखुरीककी डेले, मीजा लहे न हीर जाट्‍की माय्‍होक्‍ले, टर परमेश्‍वर बोये ही जाट्‍च डाङ्‍ले, होचे होसे मट्‍टै जाट्‍ले। हीजैडेनाङ बोये ही जाट्‍ले, मीजै र होट न जाट्‍ले।

युहन्‍ना 5:30

“ङा ङाल्‍है न हीर जाट्‍की माय्‍होक्‍ले। परमेश्‍वरै ही डेले होसे अनुसार ङा न्‍याय जाट्‍ले, अनी ङै जाट्‍च न्‍याय ठीक छान्‍ले, हीजैडेनाङ ङा ङाल्‍हौ इच्‍छा मापाले, टर ङाकी बीर्‌न्‍हकाचौ इच्‍छा पाले।

युहन्‍ना 6:29

येशूये होखुरीककी डेया, “परमेश्‍वरै बीर्‌न्‍हकाचकी विश्‍वास जाट्‍नी, इसे न परमेश्‍वरै मीमन जाट्‍च काम हो।”

युहन्‍ना 6:33

परमेश्‍वरौ रोटो होसे न हो, सु स्‍वर्ग लकीङ म्‍हाका झाल्‍न राहार संसारुङ भर्मीकोलाक सेन्‍र मासीच जीवन याल्‍हे।”

युहन्‍ना 6:42

इट डेकी ठाला, “इसे च होसे योसेफौ मीजा येशू होइन र? इच्यो मोइ-बोइकी कान चीन्‍डीले। चाँहा इचे कुटजाट्‍न ‘ङा स्‍वर्ग लकीङ झाल्‍न राछ हो’ डेले?”

युहन्‍ना 6:57

जीबीट बोये ङाकी बीर्‌न्‍हका, र ङा बोयौ कारनै जीवाले। होटजाट्‍न न सुये ङाकी ज्‍याले होखुरीक ङौ कारनै जीवाले।