युहन्‍ना 6:37 - पुर्वीय मगर

³⁷ बोये ङाकी याछको पट्‍ट न ङा लेठाङ राल्‍हे, र ङा लेठाङ राछको चहीँ सुकीर ङा ल्‍हेट्‍न माकाले।

युहन्‍ना 6:37 ပူးပေါင်းရင်းမြစ်များ

मत्ती 11:28

“ए म्हुङ्चको र लीस्‍च भारीये फेट्‍चको, ङा लेठाङ रान्‍ही, ङा नाखुरीककी शान्‍तिये म्‍हुङ बाटाक्‍ले।

मत्ती 24:24

हीजैडेनाङ याङ्‍च झुटो ख्रीष्‍टको र झुट्‍टा अगमवक्‍ताको राल्‍हे। होखुरीकै बाड्‍सो-बाड्‍सो चीन्‍ह र अचम्‍मौ कामको टान्‍हाकार य्‍होक्‍ठर परमेश्‍वरै चुन्‍डीचकोलाक र भड्‍कडीले।

युहन्‍ना 17:11

अब ङा नाकोलेठाङ राम्‍हन ले। ङा इसे संसाराङ माङुले, टर इखुरीक च इसे संसाराङ ङुले। ए पवित्र बोइ, होटबाटै नाको र ङा काट छान्‍नाङ लेखा न नाकै ङाकी याछको र काट छान्‍की य्‍होक्‍ख्‍यौ डेम कुसे म्‍यार्‌मीन नाकै ङाकी याम्‍हने, होसे म्‍यार्‌मीनौ शक्‍तिये होखुरीककी जोगडीम डानी।

युहन्‍ना 17:2

हीजैडेनाङ नाकै होसकी पट्‍ट न भर्मीकोमीटाक अधिकार याम्‍हने, होटबाटै नाकै याछ पट्‍टकी होचे सेन्‍र मासीच जीवन याख्‍यौ।

युहन्‍ना 17:24

“ए बोइ, ङा मीमन जाट्‍ले, नाकै ङाकी याछ भर्मीको जटी ङा कुला छान्‍ले होला ङाखाटा न छान्‍ख्‍यौ, र ङौ महीमा होखुरीकै डाङ्‍ख्‍यौ, कुसे महीमा संसारौ सृष्‍टि छान्‍की डेनाङ अगाडी लकीङ न नाकै ङाकी माया जाट्‍च बाटै याम्‍हन्‍या।

युहन्‍ना 17:6

“संसारलकीङ नाकै ङाकी याछ भर्मीकोलाक ङै नाकोकी चीन्‍डीयाक्‍ङ याम्‍हने। होखुरीक नाकुङ न लेया, अनी नाकै होखुरीक ङाकी याहा, र होखुरीकै नाकुङ बचन मन्‍डीमने।

युहन्‍ना 6:39

ङाकी बीर्‌न्‍हकाचौ इच्‍छा इसे न हो, होसकै ङाकी याछको मढ्‍याङ सुकीर माम्‍हास्‍की, टर होखुरीककी अन्‍टीम डीनाङ सीच लकीङ जीवाटाक्‍की हो।

युहन्‍ना 6:65

अनी होसकै डेया, “होटबाटै ङै नाखुरीककी डेच हो, इडीक परमेश्‍वर बोये ङा लेठाङ राछ मीमन माय्‍हाठर सुर भर्मी ङा लेठाङ राखी माय्‍होक्‍ले।”

युहन्‍ना 9:34

होटै यहूदी अगुवाको मीरीस ख्‍योव्‍हार होसकी, “नाङ च पापाङ न डीन्‍छ हो, अब नीये कानकी पाहाक्‍की पाले?” डेचै होखुरीकै होसकी सभा ङुच इमलकीङ बाहीर छ्‍युक्‍ङ याहा।

१ टीमोठी 1:16

टर येशू ख्रीष्‍टै ङा मीटाक सेन्‍र माभ्‍याच कृपा टान्‍हाकार ङा ल्‍याक्‍च पट्‍ट डेनाङ पापीकी लोहो धैर्य टान्‍हाक्‍की होसकै ङाकी काट नमुना खासा। अनी इसे नमुना चहीँ ङा डेनाङ न्‍हुइङ ख्रीष्‍टकी विश्‍वास जाट्‍च र सेन्‍र मासीच जीवन डुप्‍च भर्मीकुङ लागी हो।

२ टीमोठी 2:19

टर परमेश्‍वर मेखोलै न काच जग सधैँ बलीयो छानार ङुमङुले। इला इट डेम रीक्‍ङने, “प्रभुये लहो भर्मीकोलाक चीन्‍डीले” अनी “प्रभुओ म्यार्‌मीन लाचको जटी पट्‍ट न खराब कामको लकीङ अलग ङुकी न पर्‌ले।”

१ युहन्‍ना 2:19

होखुरीक कानुङ मालेया, होटबाटै कानकी डासार नुङा। इडीक कानुङ लेनाङ च कानखाटा न ङुच लेया। होखुरीकै कानकी डासार नुङा अनी होसेलकीङ न होखुरीक कानुङ होइन डेच कुरा टान्‍हाक्‍ले।