युहन्‍ना 6:2 - पुर्वीय मगर

² भर्मीकुङ काट बाड्‍को भीडै होसकोकी डुटा, हीजैडेनाङ होसकै छाचको अचम्‍म खाटा गेपाक्‍च होखुरीकै डाङ्‍ङन्‍या।

युहन्‍ना 6:2 ပူးပေါင်းရင်းမြစ်များ

मत्ती 12:15

जब येशूये होसकुङ विरुधाङ खास्‍च योजना थाहा डीन्‍हार होसको होटै व्‍हा। वास्‍टै भर्मीकै होसकोकी डुटा, अनी होसकै होखुरीकुङ छाचकोलाक पट्‍ट न गेपाका,

मत्ती 13:2

होसकुङ वरीपरी बाड्‍को भर्मीकुङ भीड जम्‍मा छाना, होटबाटै होसको काट डुङ्‍गाङ काल्‍हार ङुवा। भर्मीकुङ भीड चहीँ टालौ छेवाङ न टोङ्‍ह ङुवा।

मत्ती 14:14

येशू टाहार डुङ्‍गालकीङ ख्‍योन्‍हाङ होला भर्मीकुङ बाड्‍को भीड डाङार होसकुङ मीमन डयै न्‍हेपा र होखुरीकुङ छाचकोलाक गेपाका।

मत्ती 8:1

येशू डाँडालकीङ म्‍हाका झालार राहा अनी भर्मीकुङ बाड्‍को भीडै होसकोकी डुटा।

मर्कूस 1:45

होटै होसे ख्‍योव्‍हार नुङा टर होचे होसे मेल्‍हा गेप्‍च कुरा खुल्‍लमखुल्‍ला भर्मीकोलाक सेटाक्‍की ठाला। होटबाटै येशू फेरी कुसेर सहराङ खुल्‍ला छानार नुङ्‍की माय्‍होका र सुर मालेच ठावाङ ङुकी नुङा। टर भर्मीको चहीँ पट्‍ट लकीङ होसको लेठाङ राहा।

मर्कूस 6:33

टर वास्‍टै भर्मीकै होखुरीककी नुङ्‍चै जाट्‍च डाङा र होखुरीककी चीन्‍डीया। होटै पट्‍ट न भर्मीको सहरको लकीङ खेर्‌न नुङार होखुरीक डेनाङ अगाडी टाहा।

युहन्‍ना 11:47

टब मुख्‍य पुजाहारीको र अरु फरीसीकै महासभौ सदस्‍यकोलाक आर्‌घार सल्‍लाह जाटा, “अब कानै ही जाटीङ? हीजैडेनाङ इसे भर्मीये च वास्‍टै अचम्‍मौ कामको जाट्‍ननले।

युहन्‍ना 12:18

होसकै याङ्‍च अचम्‍मौ काम जाट्‍नने डेम सेचबाटै भर्मीकुङ बाड्‍को भीड होसकोकी डुप्‍की राम्‍हन्‍या।

युहन्‍ना 12:37

येशूये यहूदीकुङ म्‍याहासाङ न इडीक वास्‍टै अचम्‍मौ चीन्‍हको जाट्‍नाङ र होखुरीकै होसको मीटाक विश्‍वास माजाटा।

युहन्‍ना 2:11

येशूये जाट्‍च अचम्‍मौ चीन्‍हको मढ्‍याङ इसे पहीलो चीन्‍ह होसकै गालीलुङ काना सहराङ जाट्‍च हो। इटजाट्‍न होसकै लहो महीमा टान्‍हाका, र होसकुङ चेलाकै होसको मीटाक विश्‍वास जाटा।

युहन्‍ना 2:23

छुटकारौ चाडौ बेला येशू यरूशलेमाङ लेनाङ होला होसकै अचम्‍मौ चीन्‍हको जाटा, याङ्‍च डाङार वास्‍टै भर्मीकै होसको मीटाक विश्‍वास जाटा।

युहन्‍ना 20:30

इसे कीताबाङ मारीक्‍च अरु वास्‍टै अचम्‍मौ चीन्‍हको र कामको येशूये चेलाकुङ म्‍याहासाङ जाटा।

युहन्‍ना 3:2

कायाक नाबीक होचे येशू लेठाङ राहार इट डेया, “ए गुरुज्‍यु, कान वार्‌ल्‍हे नाको परमेश्‍वरै बीर्‌न्‍हकाच शिक्षक हो। इडीक परमेश्‍वर नाकोखाटा माले डेनाङ च इसे नाकै जाट्‍च अचम्‍मौ चीन्‍हओ कामको सुयेर जाट्‍की माय्‍होक्‍ले।”

युहन्‍ना 6:14

येशूये जाट्‍च अचम्‍मौ याङ्‍च काम डाङार होसे भर्मीकै डेया, “साँच्‍ची न, कानै आसा जाट्‍च संसाराङ राछ अगमवक्‍ता होसको न हो।”

युहन्‍ना 6:22

टालौ छेवाङ काट मट्‍टै डुङ्‍गा लेया र चेलाकोखाटा येशू चहीँ होसे डुङ्‍गाङ माकाल्‍न्‍हन्‍या, टर चेलाको मट्‍टै काल्‍न्‍हन्‍या डेच कुरा टालौ पारी लेच भर्मीकुङ भीडै पीउर्‍हाक लेखो थाहा डीन्‍हा।

युहन्‍ना 6:26

येशूये होखुरीककी डेया, “ङा नाखुरीककी साँच्‍ची न डेले, नाखुरीकै ङै जाट्‍च अचम्‍मौ चीन्‍हको बुझडीसार होइन, टर र्‍हास्‍ठर रोटो ज्‍याकी डीन्‍छ बाटै नाखुरीकै ङाकी पाच हो।

युहन्‍ना 6:30

भर्मीकै येशूकी गीना, “नाकै कुङ्‍च अचम्‍मौ चीन्‍ह टान्‍हाक्‍ले, अनी होसे डाङार कानै नाको मीटाक विश्‍वास जाट्‍की? नाकै कुङ्‍च काम जाट्‍ले?