युहन्‍ना 6:14 - पुर्वीय मगर

¹⁴ येशूये जाट्‍च अचम्‍मौ याङ्‍च काम डाङार होसे भर्मीकै डेया, “साँच्‍ची न, कानै आसा जाट्‍च संसाराङ राछ अगमवक्‍ता होसको न हो।”

युहन्‍ना 6:14 ပူးပေါင်းရင်းမြစ်များ

मत्ती 11:3

नुङार होखुरीकै येशूकी गीना, “ही राछवाला मुक्‍ति याछ ख्रीष्‍ट नाको न हो की कानै अरुकी न लाम ङोसीङ?”

मत्ती 21:11

भीडुङ भर्मीकै डेया, “होसको च गालीलुङ नासरतुङ अगमवक्‍ता येशू हो।”

लुका 24:19

होसकै होखुरीककी गीना, “कुङ्‍च घटना?” होखुरीकै डेया, “येशू नासरीयो बारेयाङ छान्‍च कुरा। होसको काट जना अगमवक्‍ता लेया। परमेश्‍वर र पट्‍ट भर्मीकुङ म्‍याहासाङ बचन र कामाङ शक्‍तिशाली लेया।

लुका 7:16

होला पट्‍ट भर्मीको बीर्‍हीया र परमेश्‍वरौ महीमा जाटा र डेया, “काट जना कर्‍हाङ्‍छ अगमवक्‍ता कानुङ मीघ्‍याङ डाङ्‌नने र परमेश्‍वरै लहो भर्मीकोलाक जीवाक्‍की डेम राछ हो।”

युहन्‍ना 1:21

होखुरीकै गीना, “होटडेनाङ नाको सु हो ट? ही नाको एलीया हो?” युहन्‍नै डेया, “अहँ, ङा होइन।” होखुरीकै गीना, “ही कानै लेन्‍न ङुच अगमवक्‍ता नाको न हो ट?” युहन्‍नै जवाफ याहा, “होइन!”

युहन्‍ना 11:27

मार्‌ठै येशूकी डेया, “ज्‍यु प्रभु, ङा विश्‍वास जाट्‍ले की नाको न संसाराङ राछ परमेश्‍वरौ मीजा मुक्‍ति याछ ख्रीष्‍ट हो।”

युहन्‍ना 2:11

येशूये जाट्‍च अचम्‍मौ चीन्‍हको मढ्‍याङ इसे पहीलो चीन्‍ह होसकै गालीलुङ काना सहराङ जाट्‍च हो। इटजाट्‍न होसकै लहो महीमा टान्‍हाका, र होसकुङ चेलाकै होसको मीटाक विश्‍वास जाटा।

युहन्‍ना 4:19

होसे मास्‍टो भर्मीये डेया, “गुरु ज्‍यु, अब ङाकी थाहा छाना नाको च अगमवक्‍ता टी लेसा।

युहन्‍ना 4:25

होसे मास्‍टो भर्मीये येशूकी डेया, “ङाकी थाहा ले, मसीह राल्‍हे (होसकोकी मुक्‍ति याछ ख्रीष्‍ट डेले), जब होसको राल्‍हे, टब होसकै न कानकी पट्‍ट न कुरा डेम याल्‍हे।”

युहन्‍ना 4:42

होखुरीकै होसे मास्‍टोकी डेया, “नाकै डेच कुरा सेयार मट्‍टै कानै विश्‍वास जाट्‍च होइन, टर अब च कान लहे न होसकुङ शिक्षा सेचबाटै विश्‍वास जाट्‍नने। होसको साँच्‍ची न संसारौ मुक्‍तिदाता हो डेच कुरा अब कानै वार्‌न्‍हने।”

युहन्‍ना 6:2

भर्मीकुङ काट बाड्‍को भीडै होसकोकी डुटा, हीजैडेनाङ होसकै छाचको अचम्‍म खाटा गेपाक्‍च होखुरीकै डाङ्‍ङन्‍या।

युहन्‍ना 6:26

येशूये होखुरीककी डेया, “ङा नाखुरीककी साँच्‍ची न डेले, नाखुरीकै ङै जाट्‍च अचम्‍मौ चीन्‍हको बुझडीसार होइन, टर र्‍हास्‍ठर रोटो ज्‍याकी डीन्‍छ बाटै नाखुरीकै ङाकी पाच हो।

युहन्‍ना 6:30

भर्मीकै येशूकी गीना, “नाकै कुङ्‍च अचम्‍मौ चीन्‍ह टान्‍हाक्‍ले, अनी होसे डाङार कानै नाको मीटाक विश्‍वास जाट्‍की? नाकै कुङ्‍च काम जाट्‍ले?

युहन्‍ना 7:40

येशूओ कुरा सेयार भीडुङ कुडीक जना भर्मीकै डेया, “इसे च साँच्‍ची न राखी पर्च अगमवक्‍ता न हो लेसा।”

प्रेरित 7:37

होसे न मोशै इस्राएलीकोलाक डेमन्‍या, ‘परमेश्‍वरै ङाकी बीर्‌न्‍हकानाङ लेखा न नाखुरीकुङ डाजे-भाइको लकीङ काट जना अगमवक्‍ता नाखुरीक लेठाङ बीर्‌न्‍हकाले।’