युहन्‍ना 5:37 - पुर्वीय मगर

³⁷ ङाकी बीर्‌न्‍हकाच परमेश्‍वर बोये मेखोलै न ङौ बारेयाङ गबाही याम्‍हने। होसकुङ सोर नाखुरीकै सेन्‍र मासेमने, र होसकुङ रुप र माडाङ्‍ने।

युहन्‍ना 5:37 ပူးပေါင်းရင်းမြစ်များ

मत्ती 17:5

पत्रुसै ङाक्‍नाङ-ङाक्‍नाङ न फोक्‍सा बोच डेबु राहार होच्‍यो छायै होखुरीककी हुपा। डेबु भीत्रीलकीङ काट सोर राहा, “इसे ङौ जाक्‍च मीजा हो, इसे खाटा ङा सार्‍है मार्‍हाङ्‍ङने, इच्‍यो कुरा सेनी।”

मत्ती 3:17

अनी होडीक न बेला स्‍वर्ग लकीङ याङ्‍च आवाज सेया, “इसे ङौ जाक्‍ङ सेच मीजा हो, ङा इसे खाटा साफ्‍फी मार्‍हाङ्‍ने।”

मर्कूस 1:11

होटै स्‍वर्ग लकीङ याङ्‍च आवाज राहा, “नाको ङौ जाक्‍ङ सेच मीजा हो, नाको खाटा ङा साप्फी मार्‍हाङने।”

लुका 24:27

होटै येशूये मोशा लकीङ लार पट्‍ट अगमवक्‍ताकै धर्मशास्‍त्राङ लहो बारेयाङ रीक्‍च कुराको होखुरीककी बुझडीम याहा।

लुका 3:22

होटै पवित्र आत्‍मा ढुकुर लेखा होसको मीटाक बाम्‍ह राहा। होटै स्‍वर्ग लकीङ याङ्‌च आवाज राहा, “नाको ङौ प्‍यारो मीजा हो, नाको खाटा ङा सार्‍है मार्‍हाङ्‌ने।”

युहन्‍ना 1:18

परमेश्‍वरकी सुयेर सेन्‍र माडाङ्‍ने। टर काट मट्‍टै मीजा होसको परमेश्‍वर हो होसको बोयौ खेरेप ले र होसकै न कानकी परमेश्‍वर चीन्‍डीयाक्‍ने।

युहन्‍ना 14:9

येशूये डेया, “फीलीप! इडीक लोट्‍च समयसम्‍म ङा नाखुरीक खाटा न ले, र पनी नाकै ङाकी माचीन्‍डीले? ङाकी डाङ्‍चये बोइकी डाङ्‍ङ भ्‍यामने। ङाकी डाङ्‍ङ र नाको हीजै ङाकी, ‘बोइ टान्‍हाक्‍ङ यान्‍ही’ डेले?

युहन्‍ना 15:24

इडीक सुयेर माजाट्‍च अचम्‍मौ कामको ङै होखुरीकुङ मीघ्‍याङ माजाट्‍च लेनाङ होखुरीक पापौ दोषी माछान्‍च लेया। टर ङै जाट्‍च अचम्‍मौ कामको डाङार र होखुरीकै ङाकी र ङौ बोइकी समेट घृणा जाट्‍नने।

युहन्‍ना 5:32

टर ङौ बारेयाङ गबाही याछ चहीँ परमेश्‍वर बोइ ले, र होसकै ङौ बारेयाङ ही डेले, होसे पट्‍ट न सत्‍य छान्‍ले डेच कुरा ङाकी थाहा ले।

युहन्‍ना 6:27

नास छानार नुङ्‍च ज्‍याच ठोकौ लागी काम माजाट्‍नी, टर सेन्‍र मासीच जीवन याछ ज्‍याच ठोकौ लागी काम जाट्‍नी। इसे सेन्‍र मासीच जीवन याछ ज्‍याच ठोक नाखुरीककी भर्मीयो मीजै याल्‍हे हीजैडेनाङ परमेश्‍वर बोये इसे कामौ लागी होसकोकी अधिकार याम्‍हने।”

युहन्‍ना 8:18

ङौ बारेयाङ गबाही याछ काट गबाही ङा न हो, र अर्‌को गबाही चहीँ ङाकी बीर्‌न्‍हकाच बोइ हो।”

१ टीमोठी 1:17

अब सधैँभरीयुङ राजा, सधैँभरी जीवाम ङुच अनी जुन की कानै डाङ्‍की माय्‍होक्‍ले होसकोकी न आदर र महीमा सधैँभरी छान्‍ख्‍यो। होसको काट मट्‍टै परमेश्‍वर हो! आमेन।

१ टीमोठी 6:16

होसको खाटा मट्‍टै सधैँभरी जीवाम ङुच जीवन ले, र होसको ज्‍योतियाङ ङुले अनी होला सुर खेरेप नुङ्‍की माय्‍होक्‍ले। होसकोकी चाहाँ सम्‍म सुयेर माडाङ्‌ने र डाङ्‍की र माय्‍होक्‍ले। सधैँभरी ङुच शक्‍ति र आदर होसकोखाटा न ङुख्‍यौ। आमेन।

१ युहन्‍ना 4:12

सुयेर सेन्‍र परमेश्‍वरकी माडाङ्‍ङने। टर इडीक कानै काटै काट्‍की प्रेम जाटा डेनाङ परमेश्‍वर कान भीत्री ङुले र होसकुङ प्रेम कानखाटा पुरा छान्‍ले।

१ युहन्‍ना 4:20

इडीक सुयेर “ङा परमेश्‍वरकी प्रेम जाट्‍ले” डेले, टर लहो डाजेभाइको र डै बहीनीकोलाक हेला जाट्‍ले डेनाङ होसे झुटो हो। हीजैडेनाङ लहे डाङ्‍च लहौ डाजेभाइको र डै बहीनीकोलाक न प्रेम माजाट्‍चये झन माडाङ्‍च परमेश्‍वरकी कुटजाट्‍न प्रेम जाट्‍की य्‍होक्‍ले?

१ युहन्‍ना 5:9

कानै भर्मीये याछ साक्षीकी विश्‍वास जाट्‍ले। टर भर्मीकुङ साक्षी डेनाङ परमेश्‍वरै याछ साक्षी झन महान ले। हीजैडेनाङ परमेश्‍वरै न लहो मीजौ बारेयाङ साक्षी याम्‍हने।