युहन्‍ना 5:36 - पुर्वीय मगर

³⁶ “टर ङाखाटा लेच गबाही युहन्‍नै याछ गबाही डेनाङ बाड्‍को ले। हीजैडेनाङ कुसे कामको पुरा जाट्‍की परमेश्‍वर बोये ङाकी याम्‍हने, होसे काम ङा जाट्‍न न ले, अनी होसे कामै न ङौ बारेयाङ गबाही याम्‍हन ले, र परमेश्‍वर बोये ङाकी बीर्‌न्‍हकाच हो डेम टान्‍हाक्‍ले।

युहन्‍ना 5:36 ပူးပေါင်းရင်းမြစ်များ

मत्ती 11:4

येशूये होखुरीककी डेया, “नाखुरीकै ही सेमने र डाङ्‍ङने, नुङार होसे न कुरा युहन्‍नाकी डेम यान्‍ही:

लुका 2:49

येशूये होखुरीककी डेया, “नाखुरीकै ङाकी हीजै पाच? ही ङा ङाल्‍हौ बोयो इमाङ छान्की पर्‌ले डेम नाखुरीककी थाहा मालेया?”

युहन्‍ना 10:25

येशूये होखुरीककी डेया, “ङै नाखुरीककी अघी न डेम भ्‍यामने, टर नाखुरीकै ङाकी विश्‍वास माजाट्‍ले। ङै बोयो अधिकार डुपार जाट्‍च कामकै न ङा सु हो डेच कुरा टान्‍हाक्‍ले।

युहन्‍ना 11:37

टर कुडीक जनै डेया, “मीमीक माडाङ्‍च अन्‍धाकी डाङ्‍च खास्‍च इसे भर्मी न होइन र? ही इचे लाजरसकी सीकी माय्‍हाकी माय्‍होक्‍च लेया र?”

युहन्‍ना 15:24

इडीक सुयेर माजाट्‍च अचम्‍मौ कामको ङै होखुरीकुङ मीघ्‍याङ माजाट्‍च लेनाङ होखुरीक पापौ दोषी माछान्‍च लेया। टर ङै जाट्‍च अचम्‍मौ कामको डाङार र होखुरीकै ङाकी र ङौ बोइकी समेट घृणा जाट्‍नने।

युहन्‍ना 17:4

कुसे काम नाकै ङाकी जीम्‍मा याहा, होसे काम पुरा जाटार नाकोकी पृथ्‍वीयाङ ङै महीमीत खास्‍नने।

युहन्‍ना 2:23

छुटकारौ चाडौ बेला येशू यरूशलेमाङ लेनाङ होला होसकै अचम्‍मौ चीन्‍हको जाटा, याङ्‍च डाङार वास्‍टै भर्मीकै होसको मीटाक विश्‍वास जाटा।

युहन्‍ना 3:17

परमेश्‍वरै संसारुङ भर्मीकोलाक दोषी ठहरीकी डेयार लहो मीजाकी बीर्‌न्‍हकाच होइन, टर होखुरीककी जीवाक्‍की डेम बीर्‌न्‍हकाच हो।

युहन्‍ना 3:2

कायाक नाबीक होचे येशू लेठाङ राहार इट डेया, “ए गुरुज्‍यु, कान वार्‌ल्‍हे नाको परमेश्‍वरै बीर्‌न्‍हकाच शिक्षक हो। इडीक परमेश्‍वर नाकोखाटा माले डेनाङ च इसे नाकै जाट्‍च अचम्‍मौ चीन्‍हओ कामको सुयेर जाट्‍की माय्‍होक्‍ले।”

युहन्‍ना 4:34

येशूये होखुरीककी डेया, “ङौ ज्‍याच कुरा चहीँ ङाकी बीर्‌न्‍हकाचौ इच्‍छा अनुसार होसकुङ काम पुरा जाट्‍की हो।

युहन्‍ना 5:32

टर ङौ बारेयाङ गबाही याछ चहीँ परमेश्‍वर बोइ ले, र होसकै ङौ बारेयाङ ही डेले, होसे पट्‍ट न सत्‍य छान्‍ले डेच कुरा ङाकी थाहा ले।

प्रेरित 2:22

“इस्राएलुङ भर्मीको, इसे कुरा सेनी नासरतुङ येशूकी परमेश्‍वरै बीर्‌न्‍हकाच हो डेम होसकै जाट्‍च शक्‍तिशाली कामको र अचम्‍मौ चीन्‍हको लकीङ नाखुरीकुङ म्‍याहासाङ प्रमाणित जाट्‍ने। नाखुरीककी थाहा न ले परमेश्‍वरै नाखुरीकुङ मीघ्‍याङ इसे कामको होसको लकीङ जाट्‍च हो।

१ युहन्‍ना 5:9

कानै भर्मीये याछ साक्षीकी विश्‍वास जाट्‍ले। टर भर्मीकुङ साक्षी डेनाङ परमेश्‍वरै याछ साक्षी झन महान ले। हीजैडेनाङ परमेश्‍वरै न लहो मीजौ बारेयाङ साक्षी याम्‍हने।