युहन्‍ना 5:35 - पुर्वीय मगर

³⁵ युहन्‍ना ढाम ङुच र ट्‍याङ्‍छ बट्‍टी ल्‍याक्‍च लेया, र नाखुरीकै काटछीन मट्‍टै होच्‍यो ट्‍याङ्‍ठाङ मार्‍हाङ्‍छ मीमन जाटा।

युहन्‍ना 5:35 ပူးပေါင်းရင်းမြစ်များ

मत्ती 11:11

“साँच्‍ची न ङा नाखुरीककी डेले, मास्‍टो भर्मीको लकीङ डीन्‍छ मध्‍याङ बप्‍तिस्‍मा याछ युहन्‍ना डेनाङ बाड्‍को सुर माले। टर स्‍वर्गौ राज्‍याङ पट्‍ट डेनाङ मार्‌जा सु ले, होसे युहन्‍ना डेनाङ बाड्‍को हो।

मत्ती 21:26

टर भर्मीकोलकीङ हो डेइङ डेनाङ, कानुङ विरोधाङ भर्मीको सोले की डेम बीर्‍हीम सेले। हीजैडेनाङ पट्‍टकै युहन्‍नाकी अगमवक्‍ता हो डेम मन्‍डीले।”

मर्कूस 1:5

होटै यहूदिया क्षेत्र र यरूशलेम सहरुङ पट्‍ट न भर्मीको युहन्‍ना लेठाङ राहा र होखुरीकै लाहा लहो पाप स्‍वीकारीचै आसको खाटा यर्दन नदियाङ बप्‍तिस्‍मा ला।

मर्कूस 6:20

हीजैडेनाङ युहन्‍ना धर्मी र पवित्र भर्मी हो डेम हेरोदकी ठाहा लेया, होटबाटै होचे युहन्‍नाकी हीर माजाटा, र होसकी सुरक्‍छीट डा। हेरोदै युहन्‍नौ कुरा सेयार मीमन बीगारीस्‍नाङ र होचे युहन्‍नौ कुरा खुसी छानार सेमन्‍या।

लुका 7:28

“ङा नाखुरीककी डेले, मास्‍टो भर्मीलकीङ डीन्‍छ मध्‍याङ युहन्‍ना डेनाङ बाड्‍को सुर माले। टर परमेश्‍वरौ राज्‍याङ पट्‌ट डेनाङ मार्‌जा सु ले, होसे न युहन्‍ना डेनाङ महान छान्‍ले।”

युहन्‍ना 6:66

होस बेलालकीङ येशूओ चेलाको मढ्‍याङ वास्‍टै जना न्‍हुङ्‍लाक सरीसा, र होसकोकी डुट्‍की डासा।

२ पट्‍रुस 1:19

होटबाटै अगमवक्‍ताकै प्रचार जाट्‍च बचनाङ कान अझै पक्‍का छानार भरोसा डाले। नाखुरीकै इसे कुराङ ढ्‍यान याखी सेम्‍ह छान्‍ले, हीजैडेनाङ इचे होसे डीन मार्‍हाठर र नाखुरीकुङ भीत्री रीदयाङ गोराकुङ टुगा फेरार माचम्‍कडीस्‍ठर छुम्‍ठाङ ढाच बट्‍टीयो काम जाट्‍ले।