युहन्‍ना 5:30 - पुर्वीय मगर

³⁰ “ङा ङाल्‍है न हीर जाट्‍की माय्‍होक्‍ले। परमेश्‍वरै ही डेले होसे अनुसार ङा न्‍याय जाट्‍ले, अनी ङै जाट्‍च न्‍याय ठीक छान्‍ले, हीजैडेनाङ ङा ङाल्‍हौ इच्‍छा मापाले, टर ङाकी बीर्‌न्‍हकाचौ इच्‍छा पाले।

युहन्‍ना 5:30 ပူးပေါင်းရင်းမြစ်များ

मत्ती 26:39

होटै येशू चेक पारी नुङार झाङ खुखुप छानार प्रार्थना जाटा, “ए ङौ बोइ, छान्‍की य्‍होक्‍ले डेनाङ, इसे डुखौ कचौरा ङा लकीङ हटडीस्‍ख्‍यो। टर ङै मीमन जाट्‍च अनुसार चहीँ होइन, टर नाकै जाट्‍च मीमन अनुसार छान्‍ख्‍यो।”

युहन्‍ना 14:10

ङा बोइखाटा ले, र बोइ ङाखाटा ले डेच कुरा ही नाको विश्‍वास माजाट्‍ले? ङै नाखुरीककी डेच बचन ङाल्‍है न ङाक्‍च होइन, टर ङाखाटा लेच बोये न लहो काम ङा लकीङ जाट्‍नन ले।

युहन्‍ना 17:4

कुसे काम नाकै ङाकी जीम्‍मा याहा, होसे काम पुरा जाटार नाकोकी पृथ्‍वीयाङ ङै महीमीत खास्‍नने।

युहन्‍ना 18:11

टर येशूये पत्रुसकी डेया, “नाकुङ तरवार डापाङ कानी! ही परमेश्‍वर बोये ङाकी याछ डुखौ कचौरा लकीङ ङै मागाकी र?”

युहन्‍ना 4:34

येशूये होखुरीककी डेया, “ङौ ज्‍याच कुरा चहीँ ङाकी बीर्‌न्‍हकाचौ इच्‍छा अनुसार होसकुङ काम पुरा जाट्‍की हो।

युहन्‍ना 5:19

येशूये होखुरीककी डेया, “साँच्‍ची न ङा नाखुरीककी डेले, मीजा लहे न हीर जाट्‍की माय्‍होक्‍ले, टर परमेश्‍वर बोये ही जाट्‍च डाङ्‍ले, होचे होसे मट्‍टै जाट्‍ले। हीजैडेनाङ बोये ही जाट्‍ले, मीजै र होट न जाट्‍ले।

युहन्‍ना 6:38

हीजैडेनाङ ङाल्‍हौ इच्‍छा पुरा जाट्‍की डेम ङा स्‍वर्ग लकीङ झाल्‍न राछ होइन, टर ङाकी बीर्‌न्‍हकाचौ इच्‍छा पुरा जाट्‍की डेम ङा राछ हो।

युहन्‍ना 8:28

होटबाटै येशूये डेया, “जब नाखुरीकै भर्मीयो मीजाकी ढेनाम क्रूसाङ टङ्‍गडीयार गाराङ्‌ले, टब ङा सु हो होसे न हो डेम नाखुरीकै थाहा डीन्‍ल्‍हे। ङा ङाल्‍हौ अधिकारै हीर काम माजाट्‍ले, टर बोये ङाकी पाहाक्‍च कुराको मट्‍टै जाट्‌ले डेच कुरा र नाखुरीकै वार्‌ल्‍हे।

युहन्‍ना 8:42

येशूये होखुरीककी डेया, “इडीक परमेश्‍वर नाखुरीकुङ बोइ हो डेनाङ च नाखुरीकै ङाकी माया जाट्‍च लेया, हीजैडेनाङ ङा परमेश्‍वर लकीङ राछ हो। ङाल्‍हौ इच्‍छाङ राछ होइन, होसकै न ङाकी बीर्‌न्‍हकाच हो।

युहन्‍ना 8:50

ङा लाहा न ङाल्‍हौ आदर मापाले, टर काट जना ले होसकै ङौ आदर जाट्‍की पाले र ठीक खाटा न्‍याय जाट्‍ले।