युहन्‍ना 5:23 - पुर्वीय मगर

²³ होटबाटै पट्‍टये मीजौ आदर जाट्‍ख्‍यो, कुटजाट्‍न होखुरीकै परमेश्‍वर बोयो आदर जाट्‍ले। मीजाकी आदर माजाट्‍चये मीजाकी बीर्‌न्‍हकाच बोइकी र आदर माजाट्‍ले।

युहन्‍ना 5:23 ပူးပေါင်းရင်းမြစ်များ

मत्ती 10:37

“सुये ङाकी डेनाङ वास्‍टै लहो मोइ-बोइकी माया जाट्‍ले, होसे ङौ चेला छान्‍की ज्‍योस्‍च माछान्‍ले। होटजाट्‍न न सुये ङाकी डेनाङ वास्‍टै लहो मीजाकोलाक माया जाट्‍ले, होसे र ङौ चेला छान्‍की ज्‍योस्‍च माछान्‍ले।

मत्ती 11:27

“पट्‍ट न ठोक ङौ बोये ङाकी जीम्‍मा याम्‍हने, बोये बाहेक मीजाकी अरु सुयेर माचीन्‍डीले, र मीजै बाहेक बोइकी सुयेर माचीन्‍डीले। अनी सु लेठाङ मीजै बोइकी टान्‍हाक्‍च इच्‍छा जाट्‍ले होचे चहीँ चीन्‍डीले।

मत्ती 12:21

अनी होच्‍यो न म्‍यार्‌मीनाङ जाटी-जाटीकै लहो आशा डाले।”

मत्ती 15:8

‘इसे भर्मीकै ङाकी मीबुर्‌लीङै मट्‍टै आदर जाट्‍ले, टर होखुरीकुङ मीमन चहीँ ङा लकीङ लोस ले।

मत्ती 28:19

होटबाटै नुङ्‍नी, र पट्‍ट जाटीकुङ भर्मीकोलाक चेलाको खास्‍नी, अनी परमेश्‍वर बोइ, मीजा र पवित्र आत्‍मौ म्‍यार्‌मीनाङ बप्‍तिस्‍मा यान्‍ही।

लुका 10:16

होटै येशूये डेया, “सुये नाखुरीकुङ कुरा सेले होचे ङौ कुरा र सेले। नाखुरीककी मान माजाट्‍चकै ङाकी र माजाट्‍ले र ङाकी मान माजाट्‍चकै ङाकी बीर्‌न्‍हकाचकी र माजाट्‍ले।”

युहन्‍ना 14:1

येशूये फेरी चेलाकोलाक डेया, “नाखुरीकुङ मीमन ब्‍याकुल माछान्‍ख्‍यौ। नाखुरीकै लहो भरोसा परमेश्‍वर मीटाक डानी र ङामीटाक र डानी।

युहन्‍ना 16:14

होसकै ङौ महीमा जाट्‍ले, हीजैडेनाङ होसकै ङा लकीङ ही सेले होसे नाखुरीककी डेम याल्‍हे।

युहन्‍ना 17:10

ङाखाटा लेच पट्‍ट न भर्मीको नाकुङ हो, र नाकोखाटा लेच पट्‍ट न भर्मीको ङौ हो। अनी होखुरीकलकीङ ङौ महीमा डाङ्‍ङने।

२ टीमोठी 1:12

होटबाटै न ङा इसे कुराकुङ डुख भोक्‍डीमन ले। टर ङाकी काराम मासेले हीजैडेनाङ ङै सु मीटाक विश्‍वास डामने, होसे ङाकी ठाहा ले। परमेश्‍वरै ङाकी जीम्‍मा याछ कुराकी होसकै न ख्रीष्‍ट राछ डीन सम्‍मौ लागी जोगडीयार डाले। इसे कुराङ ङा ढुक्‍क ले।

२ पट्‍रुस 1:1

येशू ख्रीष्‍टौ सेबक र प्रेरित ङा सीमोन पत्रुस लकीङ काल्‍हौ परमेश्‍वर र येशू ख्रीष्‍टौ धार्मिकतालकीङ काल्‍हा खाटा लेच ल्‍याक्‍च न बहुमुल्‍य विश्‍वास डुप्‍चकोलाक:

२ पट्‍रुस 3:18

टर कानुङ प्रभु र मुक्‍ति याछ येशू ख्रीष्‍टौ अनुग्रह र ज्ञानाङ ल्‍होङ्‍चै नुङ्‍नी। चाहाँ र सधैँभरी होसकुङ न महीमा छान्‍ख्‍यौ। आमेन!

१ युहन्‍ना 2:23

मीजाकी इन्‍कार जाट्‍च कुसेर भर्मी खाटा परमेश्‍वर बोइ माङुले। सुये मीजाकी सुइकार जाट्‍ले, होसे खाटा परमेश्‍वर बोइ र ङुले।

२ युहन्‍ना 1:9

ख्रीष्‍टौ शिक्षाकी डासार बाहीरुङ अरु कुरा पट्‍टी लक्‍डीस्‍च भर्मीखाटा परमेश्‍वर माङुले। टर होसकुङ शिक्षा माडास्‍न ङुच खाटा चहीँ बोइ र मीजा नीस न ङुले।