युहन्‍ना 5:20 - पुर्वीय मगर

²⁰ हीजैडेनाङ परमेश्‍वर बोये लहो मीजाकी माया जाट्‍ले, र होसको लहे जाट्‍च पट्‍ट न कामको मीजाकी टान्‍हाक्‍ङ याल्‍हे। इसे डेनाङ बा-बाड्‍सो कामको बोये मीजाकी टान्‍हाक्‍ले, र नाखुरीक पट्‍ट न छक्‍क पर्‌ले।

युहन्‍ना 5:20 ပူးပေါင်းရင်းမြစ်များ

मत्ती 11:27

“पट्‍ट न ठोक ङौ बोये ङाकी जीम्‍मा याम्‍हने, बोये बाहेक मीजाकी अरु सुयेर माचीन्‍डीले, र मीजै बाहेक बोइकी सुयेर माचीन्‍डीले। अनी सु लेठाङ मीजै बोइकी टान्‍हाक्‍च इच्‍छा जाट्‍ले होचे चहीँ चीन्‍डीले।

मत्ती 17:5

पत्रुसै ङाक्‍नाङ-ङाक्‍नाङ न फोक्‍सा बोच डेबु राहार होच्‍यो छायै होखुरीककी हुपा। डेबु भीत्रीलकीङ काट सोर राहा, “इसे ङौ जाक्‍च मीजा हो, इसे खाटा ङा सार्‍है मार्‍हाङ्‍ङने, इच्‍यो कुरा सेनी।”

मत्ती 3:17

अनी होडीक न बेला स्‍वर्ग लकीङ याङ्‍च आवाज सेया, “इसे ङौ जाक्‍ङ सेच मीजा हो, ङा इसे खाटा साफ्‍फी मार्‍हाङ्‍ने।”

मत्ती 4:8

होटै न्‍हुइङ शैतानै येशूकी काट घाङ्‌च डाडाङ आल्‍हार संसारुङ पट्‍ट न राज्‍य र होच्‍यौ धन सम्‍पत्ति टान्‍हाका,

लुका 10:22

“ङौ बोये ङाकी पट्‍ट कुराको जीम्‍मा याम्‍हे। बोये बाहेक मीजाकी सुयेर माचीन्‍डीले। बोइ सु आले डेम मीजै बाहेक सुयेर माचीन्‍डीले र मीजै बोइकी सु सुकी चीन्‍डीयाक्‍ले होसे भर्मीकै बाहेक सुयेर चीन्‍डीकी माय्‍होक्‍ले।”

युहन्‍ना 1:18

परमेश्‍वरकी सुयेर सेन्‍र माडाङ्‍ने। टर काट मट्‍टै मीजा होसको परमेश्‍वर हो होसको बोयौ खेरेप ले र होसकै न कानकी परमेश्‍वर चीन्‍डीयाक्‍ने।

युहन्‍ना 10:32

टर येशूये होखुरीककी डेया, “बोये ङाकी जाट्‍की डेच वास्‍टै सेछ कामको ङै नाखुरीकुङ म्‍याहासाङ जाट्‍नने। होसे कामको मढ्‍याङ कुसे चहीँ कामौ लागी नाखुरीकै ङाकी ल्‍हुङै ङाप्‍की पाच हो?”

युहन्‍ना 14:12

“साँच्‍ची न, ङा नाखुरीककी डेले, सुये ङाकी विश्‍वास जाट्‍ले, होचे ङै जाट्‍च काम र जाट्‍ले, र होसे डेनाङ बा-बाड्‍सो काम जाट्‍ले, हीजैडेनाङ ङा बोइलेठाङ नुङ्‍ङन ले।

युहन्‍ना 15:15

अब लकीङ ङा नाखुरीककी नोकर माडेले, हीजैडेनाङ नोकरकै मालीकै ही जाट्‍न न ले, होसे माव्‍हार्‌ले। ङै नाखुरीककी लाफा डेमने, हीजैडेनाङ ङौ बोइलकीङ सेच पट्‍ट न कुराको ङै नाखुरीककी डेम याम्‍हने।

युहन्‍ना 17:26

नाकै ङाकी जाट्‍च माया होखुरीक खाटा र ङुख्‍यौ, अनी ङा होखुरीक खाटा ङुकी य्‍होकीङ डेयार होखुरीकुङ मीघ्‍याङ ङै नाकोकी चीन्‍डीयाका र चीन्‍डीयाक्‍ङ न ङुले।”

युहन्‍ना 3:35

अनी बोये लहो मीजाकी माया जाट्‍ले, र पट्‍ट न ठोक होसकुङ मीहुटाङ याम्‍हने।

युहन्‍ना 5:21

परमेश्‍वर बोये सीच कोलाक जीवाटाकार सेन्‍र मासीच जीवन याछ लेखा न मीजै र लहे सुकी मीमन जाट्‍ले, होखुरीककी सेन्‍र मासीच जीवन याल्‍हे।

युहन्‍ना 5:25

साँच्‍ची न ङा नाखुरीककी डेले, काट समय राम्‍हन ले, बास्‍टबाङ होसे समय चाँहा न राम्‍हभ्‍यामने जब सीम भ्‍याचकै परमेश्‍वरौ मीजौ सोर सेले, र सुये होसे सेले होखुरीकै चहीँ सेन्‍र मासीच जीवन डुप्‍ले।

युहन्‍ना 5:29

अनी होखुरीक सीच लकीङ सोले। सेछ काम जाट्‍चको चहीँ जीवाम सोले र सेन्‍र मासीच जीवन डुप्‍ले, टर मासेछ काम जाट्‍चको चहीँ दोषी ठहरीस्‍कीयो लागी जीवाम सोले।

२ पट्‍रुस 1:17

परमेश्‍वर बोये होसकोकी आडर र महीमा जाट्‍नाङ अनी “इसे ङौ प्‍यारो जाक्‍ङ सेच मीजा हो, इसे खाटा ङा साप्‍फी मार्‍हाङ्‍ने” डेयार बाड्‍को शक्‍तिसाली महीमा लकीङ होसकोकी सोर रान्‍हाङ कान होला लेया।