युहन्‍ना 5:19 - पुर्वीय मगर

¹⁹ येशूये होखुरीककी डेया, “साँच्‍ची न ङा नाखुरीककी डेले, मीजा लहे न हीर जाट्‍की माय्‍होक्‍ले, टर परमेश्‍वर बोये ही जाट्‍च डाङ्‍ले, होचे होसे मट्‍टै जाट्‍ले। हीजैडेनाङ बोये ही जाट्‍ले, मीजै र होट न जाट्‍ले।

युहन्‍ना 5:19 ပူးပေါင်းရင်းမြစ်များ

मत्ती 26:39

होटै येशू चेक पारी नुङार झाङ खुखुप छानार प्रार्थना जाटा, “ए ङौ बोइ, छान्‍की य्‍होक्‍ले डेनाङ, इसे डुखौ कचौरा ङा लकीङ हटडीस्‍ख्‍यो। टर ङै मीमन जाट्‍च अनुसार चहीँ होइन, टर नाकै जाट्‍च मीमन अनुसार छान्‍ख्‍यो।”

लुका 21:15

हीजैडेनाङ ङा नाखुरीककी ही ङाक्‍की पर्च शब्‍दको र बुद्धि याल्‍हे। होटबाटै नाखुरीकै डेच कुरौ जबाफ नाखुरीकुङ विरोधीकै याखी माय्‍होक्‍ले।

युहन्‍ना 10:18

सुयेर ङौ प्राण ङा लकीङ लाकी माय्‍होक्‍ले, टर ङाल्‍हौ न खुसीये इसे याल्‍हे। ङाकी लहो प्राण याछ अधिकार ले, अनी फेरी होसे प्राण ल्‍हेट्‍च अधिकार र ङा खाटा ले। इसे आज्ञा ङै ङौ बोइ लकीङ डुप्‍मने।”

युहन्‍ना 12:49

हीजैडेनाङ ङै ङाल्‍हौ बीचारै ङाक्‍च होइन, टर ङै ही डेकी पर्च हो र कुटजाट्‍न डेकी पर्च हो, होसे पट्‍ट न कुराको ङाकी बीर्‌न्‍हकाच बोये न ङाकी आज्ञा याछ हो।

युहन्‍ना 12:50

ङा वार्‌ल्‍हे, होसकुङ आग्‍यै सेन्‍र मासीच जीवन याल्‍हे। होटबाटै ङा ही ङाक्‍ले, होसे पट्‍ट न बोये ङाकी डेकी लैडीच अनुसार न ङा ङाक्‍ले।”

युहन्‍ना 14:10

ङा बोइखाटा ले, र बोइ ङाखाटा ले डेच कुरा ही नाको विश्‍वास माजाट्‍ले? ङै नाखुरीककी डेच बचन ङाल्‍है न ङाक्‍च होइन, टर ङाखाटा लेच बोये न लहो काम ङा लकीङ जाट्‍नन ले।

युहन्‍ना 2:19

येशूये होखुरीककी डेया, “इसे परमेश्‍वरौ मन्‍दिरकी भट्‍कडीनी, अनी ङा इसकी फेरी सोम याकाङ खास्‍न याल्‍हे।”

युहन्‍ना 3:3

येशूये होसकी डेया, “साँच्‍ची न ङा नाङ्‍की डेले, सुर नयाँ जाट्‍न माजन्‍मडीसा डेनाङ होचे परमेश्‍वरौ राज्‍यकी डाङ्‍की माय्‍होक्‍ले।”

युहन्‍ना 5:21

परमेश्‍वर बोये सीच कोलाक जीवाटाकार सेन्‍र मासीच जीवन याछ लेखा न मीजै र लहे सुकी मीमन जाट्‍ले, होखुरीककी सेन्‍र मासीच जीवन याल्‍हे।

युहन्‍ना 6:38

हीजैडेनाङ ङाल्‍हौ इच्‍छा पुरा जाट्‍की डेम ङा स्‍वर्ग लकीङ झाल्‍न राछ होइन, टर ङाकी बीर्‌न्‍हकाचौ इच्‍छा पुरा जाट्‍की डेम ङा राछ हो।

युहन्‍ना 8:28

होटबाटै येशूये डेया, “जब नाखुरीकै भर्मीयो मीजाकी ढेनाम क्रूसाङ टङ्‍गडीयार गाराङ्‌ले, टब ङा सु हो होसे न हो डेम नाखुरीकै थाहा डीन्‍ल्‍हे। ङा ङाल्‍हौ अधिकारै हीर काम माजाट्‍ले, टर बोये ङाकी पाहाक्‍च कुराको मट्‍टै जाट्‌ले डेच कुरा र नाखुरीकै वार्‌ल्‍हे।

युहन्‍ना 9:4

ङाकी बीर्‌न्‍हकाचौ कामको कानै डीन लेनाङ न जाट्‍की पर्‌ले। हीजैडेनाङ नाबीक छान्‍च पछी सुयेर काम जाट्‍की माय्‍होक्‍ले।

प्रेरित 2:24

“टर होसकोकी परमेश्‍वरै मृत्‍युओ कष्‍ट लकीङ छुटकारा याहार जीबीट खासा। हीजैडेनाङ मृत्‍युओ अधिनाङ होसको ङुम ङुकी असम्‍भव लेया।

१ ठेसलोनीकी 4:14

हीजैडेनाङ येशू सीयार जीवाम सोमने डेच कुराङ कान विश्‍वास जाट्‍ले। होटजाट्‍न न येशूवाङ विश्‍वास जाटार सीचकोलाक परमेश्‍वरै होखुरीककी सीच लकीङ जीवाटाक्‍ले टा की होखुरीक येशू खाटा छान्‍ख्‍यो।

१ पट्‍रुस 3:18

हीजैडेनाङ ख्रीष्‍ट सधैँभरीकी ओल्‍छ जाट्‍न पापौ लागी काट चोटी सीम याहा। नाखुरीककी परमेश्‍वर लेठाङ टाहाक्‍की पापी मालेनाङ र पापीकुङ लागी सीम याहा। होसको भर्मीयो शरीराङ सीया, टर पवित्र आत्‍मा लकीङ जीउँडो छाना।