युहन्‍ना 5:11 - पुर्वीय मगर

¹¹ टर होसे गेप्‍च भर्मीये डेया, “सुये ङाकी गेपाका, होसकै न ङाकी ओछ्‍यान बुवार व्‍हानी डेच हो।”

युहन्‍ना 5:11 ပူးပေါင်းရင်းမြစ်များ

युहन्‍ना 5:10

होटबाटै यहूदी अगुवाकै होसे गेप्‍च भर्मीकी डेया, “छीनी च म्‍हुङ बाट्‍च याक हो, र इसे डीनाङ नाकै ओछ्‍यान बुवार व्‍हाकी कानुङ व्‍यवस्‍थौ विरुद्ध हो।”

युहन्‍ना 5:12

यहूदी अगुवाकै गेप्‍च भर्मीकी गीना, “नाकोकी ओछ्‍यान बुवार व्‍हानी डेच भर्मी सु हो?”

युहन्‍ना 9:12

होखुरीकै होसकी डेया, “होसे कुला ले ट?” होचे डेया, “ङाकी थाहा माले।”

युहन्‍ना 9:16

कुडीक जना फरीसीकै डेया, “होसे भर्मी परमेश्‍वरलकीङ राछ होइन, हीजैडेनाङ होचे म्‍हुङ बाट्‍च डीनाङ काम जाट्‍की माछान्‍ने डेच नीयमकी मामन्‍डीले।” टर अरुकै डेया, “पापी भर्मीये याङ्‍च अचम्‍मौ चीन्‍हओ काम जाट्‍की य्‍होक्‍ले र?” इटजाट्‍न होखुरीक मीघ्‍याङ फाटो छाना।